Rêveberiya girtîgeha Girtîgeha Tîpa Fyê ya Bolûyê, ji ber karîkaturekê, bi îdiaya “heqaret li Serokomarî û karmendan kirine”, 10 roh cezayê hicreyê daye 6 girtiyan. Girtiyan karîkatur li kovara ku li girtîgehê derdixin xêz kirine.

Stranbêjê Cezayirî û yek ji avakarên muzîka Raiyê Rachîd Taha, li Parîsê miriye. Dilê Tahayî sekiniye û mirina wî bi vî awayî çêbûye.

Dadgehkirina 14 xebatkarên rojnameya Özgürlükçü Demokrasiyê dest pê kir. Ji van 14 xebatkaran 6 xebatkar halê hazir girtî ne. Dadgehê biryar daye ku rojnamevan Pinar Tarlak bê berdan û bertawanên din girtî bimînin. Her weha xwestiye bizanibe ka Ocalan aboneyê Özgürlükçü Demokrasiyê ye yan na

Çiftçi Senê daxuyaniyek belav kiriye û tê de xwestiye ku “Tirkiye bila dengê erê ji bo Danezana Kesên Din ên li Çoltaran Kar Dikin û Mafên Gundiyan a Neteweyên Yekgirtî” bide ku wê li Konseya Mafên Mirovan a NYyê û Cıvata Giştî ya NYyê dengdan ji bo wê çêbibe.

Yûsûf Nazîkê li Sûriyeyê hatiye desteserkirin, di îdianameya êrîşa Reyhanliyê de wiha hatiye nîşandan ku ku kesê wesayit peyda kiriye û ew bombe li wan bar kiriye û ji bo teqandinê amade kiriye. Her weha bi tohmeta ku “ji bo plankirina êrîşê bi Beşar Esad Serokdewletê Sûriyeyê re hevdîtin kiriye” tê sûcdarkirin.

Hatiye îdiakirin ku kesê bi navê M. A yê ji Êlihê, dema li bajarê Afyonê leşkeriya neçarî dikir, xwe bi tivinga xwe kuştiye.

Nûnera DYAyê di civîna li ser Idlibê û Lûtkeya Tehranê de “banga agirbestê ya Tirkiyeyê” bi bîr xistiye. Sekreterê Giştî yê NYyê jî gotiye ku li Idlibê sivîl dimirin û bang li Tirkiye, Rûsya û Îranê kiriye ku, “ji bo agirbestê her tiştî bikin.”

5 akedemîsyenên ku li kampusa Cebeciyê ya Zanîngeha Enqereyê hatibûn girtin piştî 4 salan beraet kirine.

Dewleta Tirkiyeyê îro li Rojnameya Fermî fermana 162 û 163yê weşandiye. Li gor fermanê êdî Fona Varlikê di bin fermandariya Recep Tayyip Erdoganê serokkomar de ye.

Max Zirngast, rojnamegerê Avusturyayî polîsên dijterorê ew li Enqereyê desteser kirine. Kovara re:voltê ya ku Zirgnast lê kar dike gotiye; “Tirkiye dixwaze hemû dengên mixalîf tepeser bike”.

Çar akademisyen li 35em Dadgeha Cezayê Giran a Stenbolê hatin dadgehkirin.

Şahînkayayî ji Girtîgeha Wanê nameyek şandiye û tê de gotiye, “Ez nizanim wê kengî bê ber destê we…”. Her weha diyar kiriye ku rêveberiya girtîgehê pirtûkên biryara qedexeyê ji bo wan nehatiye dayin nade wan. Dadgehê biryara dayîna pirtûkan derxistiye lê rêveberî li gorî vê biryarê tevnagere û pirtûkan nade wan.

Li DYAyê ji bo Bahoza Florenceyê hişyarî hatiye dayin. Li DYAyê bahoza li Florence dest pê kiriye ji Bahoza Katrînayê û vir ve bahoza herî mezin tê qebûlkirin. Niha gihiştiye qonaxa 4em û çavlirêye ku roja pêncşemê bigihêje Carolînaya Başûr. Ji ber vê bahozê milyonek mirov ji eyaletên Carolînaya Başûr û ji Virginiayê wê bên derxistin.

Erdoganî gotiye ku Idlib, ji bo Sûriyeyiyan cihê herî dawî yê ewle ye û wiha berdewam kiriye: “Rejîma Esedî vê êrîşa ku nêzîk dibe dixwaze di çarçoveya têkoşîna li dijî terorê de rewa nîşan bide."

Seketerê Giştî yê Neteweyên Yekbûyî António Gueterres ji bo guherînên îklîmê got “em ber bi keraxa kendalê ve diçin”. Gueterres got ku heta sala 2020an em vê rewşê neguherînin alternatîv me pêşerojeke xeternak û tarî ye.

Parlementerê HDPyî(Partiya Gelan a Demokratîk) Omer Faruk Gergerlîogluyî diyar kiriye ku “li girtîgeha Sêwasê li odeya 8 kesî 22 kes dimînin. Rojê bi tenê nîv sietê av tê lê ew av jî ne paqij e.”

Mêran di meha Tebaxê de 20 jin, zarokeke keç û sê mêrên ku mudaxele li bûyera tundkariye kirine kuştine. Ji sedî 15ê jinên ku hatine kuştin koçber an jî penaber bûne.

Dayikên/Mirovên Şemiyê û İHDyê giliyê Waliyê Vasîp Şahîn, Qeymeqamê Beyoglûyê Savaş Unlu û Wezîrê Navxweyî Suleyman Soylûyî kirin.

Michelle Bachelet, Komîsera Nû ya Mafên Mirovan a Neteweyên Yekgirtî (NY) di axavtina xwe ya Cenêvê de polîtîkayên welatan ên derbarê koçber/penaberan de rexne kiriye. Bachelet gotiye; “Dîwarên li pêşiya koçberan tên lêkirin tenê dibin sedema dijminatî, kaos û perîşaniya zêdetir”.

Cîgira Serokê Koma HDPyê (Partîya Demokrtîk a Gelan) Fatma Kurtulan piştgirî daye Selahattîn Demîrtaş û Sirri Sureyya Onderê ku bi sûncdarkirina “propagandaya sazîyan” cezayê hepsê standine.