Ez bûm dêya kurê xwe. Gotineke komîk an jî gelekî îdealîst e ne wisa? Lê rastiya meseleyê ev e. Heke ku “xwedîkirina pitikî” yan jî “bicîanîne hemû hewcedariyên wî” dêtî be, ez jî dêya kurê xwe me.

Akademisyenên ji Zanîngehen Harvard, Yale, Oxford, MIT û Columbiayê piştgirî dane Osman Kavalayî û gotine, “10 meh in bêyî ku derxin dadgehê û bê îdianame girtî ye. Ev dad e? Em piştgiriya Osman Kavalayî dikin.”

Berdevkê Wezareta Parastinê ya Rûsyayê, İgor Konaşenkovî diyar kiriye balafirên Îsraîlê, balafirên Rûsyayê pey xwe birine cihên sîstema paraastina hewayî ya Artêşa Sûriyeyê û sîstemên parastina hewayî li balafirên wan daye, 15 leşkerên wan mirine.

Akademîsyenên ku “Danezana Em ê Nebin Şirîkên Vî Sûcî” îmze kirîn têne dadkirin. Dadgeha Cezayên Giran a 28. a Stenbolê pênc çar akademîsyen dad kirin.

Walîtîya Sêrtê diyar kiriye ku operasyoneka leşkerî dê bê kirin, ji ber wê li 5 gund û taxên navçeya Dihê derketina derve qedexe ye.

Parlamentera HDPyê Bedîa Ozgokçe Ertanê pêşniyaznameyek pêşkêşî Meclîsê kiriye ku tê de behsa fermannameya Wezareta Navxweyî dike. Wezîrê Navxweyî Soylûyî demek berê fermannameyek belav kiribû û tê de xwestibû ku li zozanan xwarin û vexwarinê li malan nehêlin û bila firotina qûtî bê kontrolkirin.

Serokkomarê Tirkiyeyê, Recep Tayyîp Erdogan li bajarê Soçîyê yê Rûsyayê bi serokê wî welatî Vladimir Putin re civiyaye.

Serokê Giştî yê ÇHDyê ji hêla wê dadweriyê ve hatiye girtin ku sê roj berê biryara serbestiyê ji bo wî dabû. Dema biryar hatiye xwendin, polîsan derb li parêzerên Kozagaçliyî dane û ew ji salona dadgehê derxistin.

TUIK(Rêxistina Statîstîka ya Tirkiyeyê) jimara wan kesên bêkar eşkere kir. Li gor daneyên saziyê di meha Hezîranê de 64 hezar kes dî jî bêkar bûne û jimara bêkaran bûye 3 milyon û 315.

Hunermend û xebatkarên saziyên çand û hunerê, ji bo mafparêz û karsaz Osman Kavalayî li ber Girtîgeha Silivriyê hatine ba hev. Kavalayî 320 roj in ku girtî ye.

Li gorî daxuyaniya Wezareta Navxweyî, di hefteya dawiyê de lêkolîn li ser 376 hesabên medyaya civakî kirine û lêpirsîn li 261 bikarhênaran dane destpêkirin.

Însyatîfa Azadiya Heywanan duhî li Buyukadayê bangî xwediyên faytonan kirin û ji wan xwest ew hespan azad bikin.

Xelata ku li ser navê Hrant Dînkî belav dikin, îsal dan Mûrat Çelîkkan, Dîrektorê Navenda Heq, Edalet û Bîrê û Rêxistina Mafên Mirovan a bi navê Mwatanyê ya ji Yemenê.

Rewşan Çelîker ê 26ê Îlonê li Stenbolê li konserekê bistire. Çelîkerê piştî ku li platformên dîjîtal yelkem albûma xwe ya bi navê "Ax Lê Wesê" çêkirî li Cemîyetê konserek dabû konsera 26ê Îlonê dê li heman mekanê be.

Enstîtûya Hûnerên Grafîkan ya Amerîkayê(AIGA) platformeka bi navê “Design Observer” pêk aniye. Di platformê de bergên kitêban hatine berhevkirin. Di nav bergan de pênc berg ji Tirkiyeyê ne.

Karkerên ku li Balafirxaneya 3yem dest bi çalakiyê kirine, daxwazên xwe pêşkêşî rêveberiya şîrketa bi navê İGAyê kirine. Hate diyarkirin ku şîrketê daxwaz qebûl nekirine.

Panela “nêrîna li pêşerojê, plankirina siberojê” ya ku Weqfa Hrant Dinkî saz dike li Navenda Kongreyê a Lutfî Kirdarî dest pê kir. Beşdaran diyar kirin ku li hemûyê cihanê demokrasî û mafên mirovan bi paş ve diçe. Beşdaran di vê mijarê de bal kişandin ser têkoşîna hevpar.

Endamê Grup Yorumê ji bianetê re nameyek şandiye û gotiye “stranên me li me qedexe dikin.”

Demîrtaşî pirtûka xwe ya bi navê ‘Seher’ di girtîgehê de nivîsîbû. Pirtûka Demîrtaşî li Fransayê ji bo xelateke herî biprestîj a bi navê ‘Médicis’ê wek endam hatiye nîşandan.

Karkerên li Balafirxaneya 3yem a Stenbolê kar dikin, ji ber şert û mercên xirab dest bi çalakiyê kirine. Piştî ku karkeran dest bi çalakiyê kirine polîs û cenderme çûne herêmê û ketine qada înşaatê.