Nûnerên dewletên Garantor yên Civîna Pilebilindan ya Astanayê li Tehranê civiyane. Serokê Rûsyayê Vladimir Putin, serokkomarê Tirkiyeyê Recep Tayyip Erdogan û serokkomarê Îranê Hesen Rûhanî li tehranê civiyane.

Li navçeya Cîhanbeyliyê ya Konyayê heft bikarhênerên medyaya civakî hatibûn desteserkirin. Yek ji wan bi tohmeta “propagandayê” hatiye girtin.

Li Kalîfornîyayê di 12-14ê Îlonê de civîna pilebilind a çalakîyên iqlîma kûreyî heye. Berî civîna pilebilind dê li 89 dewletan bi 748 çalakîyên cûr bi cûr balê bikşînin ser guherînên iqlîmê. Li Tirkîyeyê jî wê dildar li 10 bajaran û li 14 cîyên cuda çalakîyan li dar bixin.

Berdevka Wezareta Karên Derve ya Rûsyayê, Mariya Zaharovayê diyar kiriye ku nûnerên Tirkiye û Rûsyayê dê li Îranê ji bo sivîlên li Idlibê bicivin.

Mûrat Çepnî Alîkarê Hevserokê Giştî yê HDPyê, derbarê şewata daristanên li Dêrsimê de li Parlamentoyê civîneke çapemeniyê çêkiriye. Çepniyî gotiye “Destûra Bingehîn tê binpêkirin”.

Rewşenbîr û akademîsyenan daxwaza berdana aktîvîstê kurd Ramîn Panahî kirine.

Modekar Barbaros Şansalî diyar kiriye ku ji ber ewlehiya jiyanê û azadiya xweîfadekirinê nîne wî bernameya xwe ya li Îzmîrê betal kiriye. Şansal wê derketa ser dikê û bernameyek stand-upê pêşkêş bikira.

Li Tehrana Îranê li ser rewşa Sûriyeyê “Civîna Pilebilindan” dê bê pêkanîn.

Li gorî rapora Meclîsa Tenduristiya Karkeran û Ewlehiya Karî (İSİG) di meha Tebaxê de herî hindik 180 karker mirine. Di heşt mehên ewilî yên sala 2018ê de, herî hindik 1290 karker di dema karî de mirine.

Komeleya Xebatên Medya û Hiqûqê duhî li Balyozxaneya Swêdê ya li Stenbolê paneleka bi navê “Berxwedana Li Dijî Cezanedana Berpirsên Kuştina Rojnamegeran” pêk anî.

Ji 15 rektorên ku Serokomar Recep Tayyîp Erdoganî tayin kirine, tenê du jê jin in. 13 rektor jî mêr in.

Li Hindistanê dadgehê biryar girtiye ku pevşabûna hevzayendan êdî ne qedexe ye. Li gorî yasayê li Hindistanê hevzayend bi hev re şa bibana bi 10 sal cezayê girtîgehê dihatin cezakirin.

Wezîrên karê derve yên Tirkiye û Almanyayê li Enqereyê civiyane. Wezîrê Tirkiyeyê Mevlud Çavuşoglûyî diyar kiriye ku ew bi taybetî li ser Idlibê axivîne.

Zarakolu carekê hatibû girtin piştre jî hatibû berdan. Piştî 6 salan ji nû ve di derbarê wî de biryara lêgerîna bi bultena sor hatiye derxistin. Dadgehên Tirkiyeyê ji bo ev biryar bê pejirandin niha şandine Rêvebirîtîya Giştî a Têkilîyên Derve ên Navnetewî. Dadgeh li benda birayar înterpolê ne. Ragıp Zarakolu li ser vê biryarê got; “Ji tacîz û bêrêzîyê pêştir tu wateya vî karî tune ye.”

Weşanxaneya Peywendê pirtûka bi navê “Destpêkek Ji Bo Felsefeyê” weşandiye. Akademisyen Îbrahîm Borî pirtûk nivîsandiye.

Ji sala 2011ê ve li Sûriyeyê di navbera desthilata Esadî û mixalefetên wî de şer heye. Ji roja destpêkê ve Idlib wek çepera paşiyê tê dîtin.

Dema serlêdana Fona Filmên Nû dest pê kiriye û wê heta 15ê Çiriya Paşiyê ya 2018ê berdewam bike. Fon bi hevkariya Anadolu Kültür û Festîvala Filmên Serbixwe ya Stenbolê ya !fê ve bi armanca piştgiriya belgefilman hatiye amadekirin.

Rojnamegerê girtî Metin Duran ji bo bê berdan ji ber nexweşiya xwe li Sazîya Tiba Edlî hatiye muayenekirin. Lê namzetê HDPyê (Partîya Demokratîk a Gelan) Gergerlioğlu got ku ji dêva rapor bo wî bê girtin cara duyem hatiye muayenekirin.

Wezîrê karên derve yê Almanyayê, Heiko Maas hatiye Tirkiyeyê dê du rojan bi rayedarên Tirkiyeyê re bicive.

Bi KHKyan (Qeranameyên di hukmê zagonan de) 18 hezar û 632 karmend ji karî hatibûn avêtin. Îro ji bo serîlêdana komîsyona rewşa awarte roja dawî ye. Komîsyon vekolînan li ser kiryarên di rewşa awarte de hatine kirin dike.