Cejna hemî misilmanan pîroz be. Rayedar ji ber Covid-19ê ango koronavirusê hişyariyan didin ku welatî baldar bin.

Saziya Tipa Edlî a Stenbolê, yekem rapora derbarê parêzerên girtî Ebrû Tîmtîk û Aytaç Unsaliyê ku di rojiya mirinê de ne aşkere kiriye. di raporêde ji bo herduyan jî hatiye gotin “ Rewşa tenduristiya wan ji bo mayîna girtîgehê guncaw nîne.”

Agirê bi bejahiya Licêya Amedê ketiye hê didome. Welatî li ser medya civakî daxwaza alîkariyê dikin.

Di mehên Nîsan – Gulan – Hezîrana 2020an de herî hindik du rojnameger hatine girtin, êrîş li du rojnamegeran kirine, gef li heftan xwarine. RTUKê li ser hev 5 milyon û 906 hezar û 326 TL cezayê pereyan li kanalên TVyan biriye.

Li tevahiya cîhanê hejmara kesên ku bi Covîd-19ê ketine ji 17 mîlyonî derbas bûne. Dewletên Yekbûyî yê Amerîkayê(DYA) hê jî di rêjeya belavbûn û mirinên ji ber vîrusê de yekem welat e.

Li Tirkiyeyê di 24 saetên dawî de 942 kes bi Covîd-19ê ketine û 14 kes jî pê mirine.

Platforma Tenduristiyê ya Amedê diyar kiriye ku li Amedê her roj 300 kes bi Covid-19ê dikevin. Li nexweşxaneyên bajêr zêdetirî 600 nexweş tên dermankirin.

Di çarçoveya tedbîrên nû yên ji bo rêgirtin li belavbûna vîrusa koronayê li Rojavayê, Rêveberiya Xweser qedexeya çûn û hatinê li herêma Cizîrê ragihandiye.

Hejmara pilingan li gorî sedsala borî ji sedî 97 kêm bûye. Tê texmînkirin ku îro li xwezayê 3 hezar û 200 piling tenê mane.

Lijneya Giştî ya Meclîsê pêşnûmeya sansurê ya medyaya civakî qebûl kiriye. Parlamenterên AKP û MHPyê pêşnûme amadekiribûn.

Jimara 4. ya kovara Barê bi awayekê dîjîtal derketiye. Kovarê sê jimarên xwe yên destpêkê li ser kaxezê derêxistibû.

Li Tirkiyeyê heta niha li 227 hezar û 982 kesan Covid-19 hatiye dîtin. 5 hezar û 645 kes jî mirine.

Parêzerên rojnameger Bariş Pehlîvan, Mûrat Agirel û Hulya Kilinçê ji bo miwekîlên wan werin berdan serî li dadgehê dabûn. Dadgehê daxwaza berdana rojnamegeran qebûl nekiriye û serokê dadgehê ji derveyê lijneya dadgehê ji bo rojnameger bê berdan deng daye.

HDPyê ji bo Mensûr Işik, Parlamenterê xwe yê Mûşê biryar daye û gotiye, ew ê du salan ji hemû xebat û erkên partiyê were dûrxistin. Işikî tundkarî li hevjîna xwe kiribû.

Di betlaneya Cejna Qurbanê de rê û pireyên di bin berpirsiyariya Rêvebiriya Giştî a Rêyen Bejayî de ne û wesayîtên şaredariyê yên cemawerî wê belaş bin.

Akademîsyen Andreas Treske, prodüktör Bulut Reyhanoglû û lîstîkvan Şenay Gurler endamên jüriye yên kurtefilman e.

DYAyê û YEyê derbarê Osman Kavalayî de daxuyanî dane û gotine, li Tirkiyeyê “paşkevtina di qadên mafên bingehîn de me dixe nava tirs û fikaran.” Kavalayiyê ku mafparêz û karsaze ji hezar rojî zêdetir e girtî ye.

Ferhat Tepe, nûçegîhanê rojnameya Ozgur Gundemê di 28ê Tîrmeha 1993yan de li Bedlîsê hatibû revandin. 4ê Tebaxê li Elazigê termê wî hatibû dîtin. Di 27em salvegera kuştina wî de em Tepeyî bibîr tînin.

Li Tirkiyeyê heta niha 227 hezar û 19 kes bi Covîd-19ê ketine û 5 hezar û 630 kes jî pê mirine.

18emîn Xelatên Azadiya Fikr û Xweîfadekirinê yên Ayşenûr Zarakolûyê, îsal dane Dr. Selçûk Mizrakli, Hevşaredarê Amêdê û Gonul Ozturkoglûya mafparêz.