Wezareta Tenduristiyê ya Herêma Kurdistanê ragihandiye, ku di 24 saetên dawin de 508 kes bi Covîd-19ê ketine û 17 kes jî pê mirine.

Ji beşa weşana zindî a Navenda Nûçeyan a Enqereyê ya NTVya ku serbi Koma Dogûş Medyayê ye 4 kes ji kar hatine derxistin.

Garo Paylan, Parlamenterê Amedê axavtina Mevlût Çavûşoglû, Wezîrê Karên Derve ya di serdana Beyrûtê de rexne kiriye û têkildarî mijarê pirsnamayek pêşkeşî parlamentoyê kiriye.

26 rêxistinên civaka sivîl daxwaz ji hikûmeta AKPyê kirine ku Peymana Stenbolê pêk bînin û wiha gotine: “Ne li rêya derketina ji Peymana Stenbolê bigerin, li rêyên pêkanîna Peymana Stenbolê bigerin.”

Li Atînayê rojnameger Çagdaş Kaplan û Berçem Mordenîz ji ber dimenê tûndkariya polîsan girtine, polîsan ew derp kiriye û desteser kirine.

Partiya Gel a Komarî(CHP) hejmara endamên Lijneya Rêvebirina Navendî(LRN) ji 18an anîye 16an. Selîn Sayek Bokeyê li piştî referanduma 2017an rêvebiriya partiya xwe rexne kiribû û dest ji wezîfeya xwe ya kişandîbû. Boke vegeriyaye û bûye endama LRNyê. Her weha Boke berê referandûmê cîgira serokê giştî û berdevka partiyê bû.

Li Gevera Colemêrgê wesayiteke polîsan a zirxkirî qulipiye. Di encamê de 2 polîsên ji tîmen taybet mirine.

Li Tirkiyeyê heta niha 240 hezar û 804 kes bi Covîd-19ê ketine û 5 hezar û 844 kes jî pê mirine.

Li 83 herêmên ser bi 32 bajaran ku tê de 54 hezar û 53 kes dijî ji ber Covîd-19ê girtine karantînayê.

Lutfiye Selva Çam, Seroka Şaxa Jinan a Navenda Giştî ya AKPê gotiye, “ Ger bi betalkirina Peymana Stenbolê pirsgirêk diqedin em betalbikin” û diyar kiriye, ji ber Dîlîpakî ji jinên ku piştgirî dane Peymanê re heqaret kiriye emê giliyê wî bikin.

ÎHDyê diyar kiriye ku tedbîrên Covid-19ê biqasî hewce dike li girtîgehan nayên pêkanîn û li girtîgeha Mereşê pergala leşkerî li girtiyan perz dikin.

16 kesên li Bendera Beyrûdê wezîfedar bûn hatine desteserkirin. Rayedarên welêt hatine protestokirin. Chamoun, Serkonsolosa Libnanê ya li Ammanê ji ber teqînê dest ji kar berdaye.

Li Tirkiyeyê heta niha 237 hezar û 265 kes bi Covîd-19ê ketine û 5 hezar û 798 kes jî pê mirine.

Paylanî, derbarê rewşa Amedê de gotiye, “Li Tirkiyeyê ji hejmara nexweşên aktîv ji sedî 10 di beşa nexweşiyên giran de tên dermankirin. Ev rêje li Amedê û li bajarên din ên herêmên gîhaştiye ji sedî 15an.”

Kutbettin Bor û Zafer Uyar ji 306 karkeran in ku qeyûmê Şaredariya Bajarê Mezin ê Wanê ew ji kar derxistine. Ji berk u sê meh in kirêya xaniyî nedaye, xwediyê xaniyî Bor ji mal avêtiye. Uyarî jî got, “Yasa, dadgeh mafê me li me vedigerîne lê şaredarî mafê me nade me.”

Selahattîn Demîrtaş, siyasetmedarê girtî gotiye: “Bila baweriya me 83 milyonan bi hev were, em destê xwe bidin hev. Em ê vê belayê derbas bikin û bi hev re Tirkiyeyê ber bi aramiyê de bibin. Li ber xwe bidin, hêvî û cesareta xwe ji dest nebin.”

Hevserokatiya Desteya Tendirustiyê ya Rêveberiya Xweser a Bakur û Rojhilatê Sûriyê ragihandiye, ku li navçeyên di jêr desthilatdariya rêveberiya wan de 4 kesên din bi nexweşiya Covid-19ê ketine.

Li Beyrûdê nêzîkî 5 hezar kes birîndar bûne û bi dehan kes di binê xirbeyan de mane. Hejmara miriyan li gorî amarên duh bi şev gihîştiye 135an.

Jinên di çalakiya li dijî hedefnîşandan û betalkirina Peymana Stenbolê de, hatibûn desteserkirin, serbest bûne.

Nêzîkî 20 rojan hejmara nexweşan di bin hezarî de bû û du roje ev hejmar derketiye ser hezarî. Li piştî vê Fahrettîn Koca, Wezîrê Tenduristiyê gotiye, “Divê em rê li ber rîska ku cejn û betlane bi xwe re tîne, bigirin.”