Huda Kaya, Parlamentera HDPyê bertek nîşanî wê daxuyaniya Dîyanetê ya derbarê LGBTİ+yan daye û gotiye: “Heke Diyanet dixwaze karê xwe bike, heke Diyanet dixwazê li ser navê olê biaxive, bila ji diziyê û ji destdirêjiya li zarokan tê kirin, biaxive.”

Li Lubnanê ji ber zêdebûna bêkariyê û zihmetî û zorkêşiyên jîyanê xelk derketine kolanan û xwepêşandan li darxistiye.

Malbata Mûsa Anterî ango Apê Mûsayî, ji bo sedsaliya jidayikbûna wî vîdeoyek amade kiriye. Bi dehan siyasetmedar, nivîskar, helbestvan, stranbêj û rojnameger di vîdeoyê de rojbûna Apê Mûsayî pîroz dikin.

Rojnameger Muyesser Yildiza ku bi îdaya “Sîxuriya leşkeri û sîyasî" hatibû desteserkirin, hatiye girtin. Rojnameger Îsmaîl Dukel bi şertê kontrola edlî serbest berdane.

Mehmet Nûrî Demîrî got ku “Cilûbergên fermî yên dewletî li xwe kirin û heqaret li min kirin, derb li min dan”. Demîr tevlî parêzera xwe Eren Keskînê çûye Qaymeqamiya Şîşliyê û giliyê wan kesan kiriye ku dibêje li min dane.

Di nava vê hefteyê de albuma muzîkê ya Mehmet Atliyî û ya Alî Jiyanî û ya Norah Jonesê derketiye. Her weha Aysel Borak, Hêja û Rohat Ciwanî jî video-klîpên nû weşandine.

Li Tirkiyeyê duh 17 kes mirine û nexweşî li 987 kesên din peyda bûye. Heta niha 174 hezar û 23 kes bi nexweşiyê ketine.

Rapbêj Xemî ji bo strana xwe ya bi navê “Biyan”, video klîpek amade kiriye û ev klîp weşandiye.

Hevseroka Giştî ya HDPyê Pervîn Bûltan wê ji Edîrneyê û Hevserokê Giştî yê HDPyê Prof. Mîthat Sancar jî wê ji Colemêrgê “Meşa Demokrasiyê ya Li Dijî Derbeyan” bidin destpêkirin.

Piştî nexweşiya covid-19ê wê di navbera 22 û 26ê Hezîranê de herî hindik 19 rojnameger werin dadgehkirin.

18em Festîvala Filmên Jinan a Gerok a Navnetewî- Fîlmmor, bi pêşkêşkirina fîlman, hevpeyvîn, atolye û panelan wê di 12ê Hezîranê de bi awayê online dest pê bike. Di festîvalê de hemû bername wê belaş be.

Donald Trump, Serokê DYAyê bi nivîsa“Herêma Xweser a Seattle-ê” ya ku xwepêşandêran nivîsandiye hêrs bûye û bang li rayedarên herêmî kiriye û gotiye: “Bajarên xwe bi şûn ve bigirin. Ger hûn bi şûn ve negirin, ezê bigirim. Ev ne lîstikeke. Divê bilêz ev anarşîstên kirêt bên rawestandin.”

Li tevahiya cîhanê hejmara kesên bi vîrusa koronayê ya nû (Covîd-19) ketine gihaştiye 7 milyon û 471 hezar û 73yan.

Wezareta Perwerdeya Netewî bersiva pirsên Mûazzez Orhan, Parlamentera HDPyê daye û gotiye ku "Ji 81 Midûrên Karûbarên Perwerdeyê yên parêzgehan tenê 3 jê jin in."

Parlamentoya Herêma Kurdistanê daxuyaniyek belav kiriye û gotiye, parlamenter û karmendên parlamentoyê jî di nav de testa Covîd-19ê ya 197 kesî hatiye çêkirin. Ji ber ku encamên hinek testan pozîtîv derketiye, tevahiya kar û çalakiyên parlamentoyê ji bo du hefteyan rawestîne.

Li Tirkiyeyê duh 17 kes mirine û nexweşî li 922 kesên din peyda bûye. Heta niha 173 hezar û 36 kes bi nexweşiyê ketine.

Serdozger Krister Peterssonî gotiye ku Stig Engströmê weke Skandiamannan dihate naskirin, kujerê Olof Palmeyî ye.

Sarûhan Olûç, Wekîlê Serokê Koma HDPê, aşkere kiriye ku li dijî betalkirina parlamenteriya Leyla Guven û Musa Farisogullariyî ew ê serî li Dadgeha Destûrî bidin.

Ji bo George Floydê ku bi tundiya polêsan miribû, heta niha li 3 eyaletên cuda 3 merasim hatine lidarxistin. Herî dawî Houstonê, bajarê Texasê merasîmek hatiye pêk anîn û Floyd liv ir hatiye binaxkirin.

Li gor daxuyaniya Wezareta Tenduristiyê li Helebceyê 5 kes, li Hewlerê jî 26 kesên din bi vîrusa koronaya nû ango Covid-19ê ketine. Heta niha 29 kes li Herêma Kurdistanê mirine.