Walîtîya Bîtlîsê diyar kiriye ku li 9 gund û gundikan heta fermaneke din derketina derve qedexe ye.

Li Tirkiyeyê duh 22 kes mirine û nexweşî li 786 kesên din peyda bûye.

Festîvala Fîlmên Jinan-Fîlmmor wê bi temaya "Sinemaya Mafparêz" pêk bê û di festîvalê de li gel peşkeşkirina fîlman wê hevpeyvîn, atolye, panel û hevdîtinên onlineyî jî hebin.

Li tevahiya cîhanê hejmara kesên ku şewba vîrusa koronayê (Covîd-19) ketine ji 6 milyon û 384 hezarî derbas bûye.

6 rêxistinên mafparêz yên ser bi Platforma Hevpar a Mafên Mirovan têkildarî gefên dawîn ên li dijî Weqfa Hrant Dinkî û Rakel Dinkê daxuyanî dane û gotine: "Divê paşxaneya van gefan bên aşkere kirin û divê bên cezakirin "

Koçerên Amed, Mêrdîn û hin bajarên din, piştî ku hewa germ bû ji bo ajalên xwe bibin zozanan dest bi amadekariyan kirine û ber bi zozana Şênê ya Mûşê bi rê ketine.

Mor Çatiyê videoyek amadekiriye ku pê bal kişandiye ser tundkariya "îzolasyonê" ya mêran a li jinan dikin.

Piştî Grup Yorumê diyar kiribû ku ji bo li Yenikapiyê konserekê pêk bînin wan destur wergirtiye, Walîtiya Stenbolê aşkere kiriye ku wan destûr nedaye konsere.

Piştî ku Serdozgeriya Komarî a Rojavaya Enqereyê lêpirsin dabû destpêkirin, 3 kes bi gumana Bariş Çakan kuştine hatine desteserkirin Piştî ku îfadeyên gumanbaran hatine girtin ew şandine Dadgeha Ceza û Silh a Nobedar. Dadgehê biryara girtina wan daye.

Ji ber ku cara duyeme ji Weqfa Hrant Dînkî re peyama gefxwarinê tê şandin lêpirsîn hatibû destpêkirin. Di encama lêpirsînê de kesek hatiye desteserkirin. Di lêpirsîna derbarê gefa yekem de jî kesek hatibû desteserkirin.

Li Tirkiyeyê duh 23 kes mirine û nexweşî li 827 kesên din peyda bûye.

Pervîn Bûldan û Mîthat Sancar, Hevserokên Giştî yên HDPyê ji bo dema pêş stratejiya partiya xwe ya nû aşkere kirine.

Piştî ku polîsan li Minneapolisa DYAyê George Floyd, kesekî afro amerîkayî kuştin koma hackeran, Anonymousê derbarê Midûriyeta Polîsan a Minneapolisê de daxuyaniyek daye. Malperên şaredariyê hatine rûxandin.

Rewşenbîr, nivîskar, hunermend, rojnameger û siyasetmedaran gefên li dijî Weqfa Hrant Dinkî şermezar kirine û gotine: “Em feraseta ku ji bebikan kujeran diafirîne û serweriya wê ferasetê, qebûl nakin.”

Walîtiyê di daxuyaniya xwe de gotiye, “Piştî yê hatiye kuştin gumanbar hişyar kiriye ku di nava wesayitê de dema banga melayî bi dengekî bilind li muzîkê guhdar nekin bûyer qewimiye.”

Li Tirkiyeyê ji ber koronavirusê di nîvê meha Adarê de biryara qedexeyan hatibû standin. Îro beşek ji van biryaran bidawî bûne.

Kovara Derûnnasiyê Psychology Kurdî li ser vîrûsa koronayê hejmareke taybet amade kiriye û ev hejmar li ser hesabên medyaya civakî weşandiye.

Wezareta Navxweyî ya Herêma Kurdistanê di çarçoveya tedbîrên xweparastina ji vîrusa koronayê de li seranserê herêmê 6 roj qedexeya hatûçûnê ragihandiye.

Li Enqereyê 3 kesan erişî Bariş Çakanê 20 salî kirine û ew bi kêrê kuştine. Malbata Çakanî gotiye, ji ber ku kurê wan li muzîka Kurdî guhdar kiriye, hatiye kuştin.

Li Tirkiyeyê duh 25 kes mirine û nexweşî li 839 kesên din peyda bûye. 989 nexweş jî baş bûne.