Rojnameger Varlik Ozmenekî, di 77 saliya xwe de çûye ber dilovaniya xwe. Ozmenek ev demeke ji ber nexweşiyê dihate dermankirin.

Genim, solîstê Koma Çiya gotiye ku digel hemû zor û zehmetiyên bi salan e li ser wan tên ferzkirin, wan xebatên xwe yên çand û hunerî li vê avahiyê dewam kiriye.

Walîtiya Şirnexê di daxuyaniya xwe de gotiye ku dibe ji bo 1ê Gulanê Roja Aştiyê ya Cîhanî çalakiyên ‘provokatîv” pêk werin û ji bo 15 rojan hemû çalaki qedexe kirine.

Li Herêma Kurdistanê rêjeya hilberîna hejîran ji sedî 79 zêde bûye. Rêjeya hejîran di çar salan de ji 3 hezar û 798 tonan derketiye 18 hezar û 116 tonan.

HDPyê derbarê 4em salvegera komkujiya Dîlokê de daxuyaniyeke nivîskî daye û gotiye; "Bila nalet li kesên komkujî pêk anîn, hêzên li pişt komkujiyê, feraseta piştgirî daye komkujiyê bê."

Navalny, yek ji mixalifên Pûtînî, serê sibê piştî vexwarina çayê bi jehrê ketiye û ew rakirine nexweşxaneyê. Navalny, li beşa nexweşiyên giran tê dermankirin.

Li Tirkiyeyê heta niha 253 hezar û 108 kes bi Covîd-19ê ketine û 6 hezar û 39 kes jî pê mirine.

Mûsa O., çawişê pişpor yê ku li Êlihê tecawizî jina bi navê İ.E.yê kiribû û bûbû sedema xwekuştina wê, hatiye girtin.

Rêveberiya Xweser a Demokratîk a Herêma Cizîrê ji ber belavbûna nexweşiya Covid-19ê dema qedexeya derketina derve heta 27ê Tebaxê dirêj kiriye.

Kuratorê pêşangeha “Through The Window” Omer Tevfik Erten û kordînatora wê Kubra Ûzûn derfetên “hilberîna bi hev re” ji bianetê re vegotin. Pêşangeh hunermendên ji Tirkiye û Hollandayê tîne cem hev.

Li Tokyoyê, paytexta Japonyayê 79 kes ji ber germa zêde mirine.

Di roja duyem a Kongreya Demokratan de Joe Biden, bi fermî weke berbijêre Partiya Demokratan hatiye aşkerekirin.

Walîtiya Colemêrgê biryar daye û aşkere kiriye ku heta 15 rojan hemû çalakiyên weke xwenîşandan, mitîng, civînên li cihên vekirî û yên weke wan hatine qedexekirin.

Şirketa teknolojîyê ya Dewletên Yekbûyî yên Amerîkayê, Microsoftê kurmancî û soranî li zimanên xwe yên wergerê zêde kirine.

Komîteya Xaçasor a Navneteweyî aşkere kiriye, li tevahiya cîhanê di 6 mehên ewil yê şewba Covîd-19ê de li dijî sîstema tenduristiyê, nexweş û karmendên tenduristiyê ji 600î zêdetir tundkarî, tacîz û demxekirin pêk hatiye.

Li Tirkiyeyê heta niha 251 hezar û 805 kes bi Covîd-19ê ketine û 6 hezar û 16 kes jî pê mirine.

M.P. ji bo dermankirinê çûye Nexweşxaneya Lekolînê û Perwerdehîyê ya Taksîmê û aşkere kiriye ku doktorê nobedar jê ra gotîye “Ez te derman nakim îbne” û bi vî awayî rastî cidaxwaziyê hatiye.

Bihayê zêr di borseya cîhanê de careke din bilind dibe û Berdevkê Sendîkaya Zêringirên Kurdistanê jî gotiye, Tirkiye bûye kiryarê herî mezin ê zêr li navçeyê.

Î. E. ya ku çawiyê pispor li Êlihê tecawiz lê kiribû û paşê xwestibû xwe bikuje, li nexweşxaneya ku lê dihat dermankirin, can daye.

Desteya Tenduristiyê ya Bakur û Rojhilatê Sûriyeyê ragihandiye ku 14 kesên din bi Covid-19ê ketine. Her weha kesên maskeyan bikar neynin wê werin cezakirin.