Omer Faruk Gergerlîoglû, Parlamenterê HDPyê yê Kocaeliyê ji Komisyona Mafên Mirovan a Meclîsê xwestiye ji bo Aytaç Unsalê rojiya mirinê digire, bicive.

Başak Demîrtaşê destnîşan kiriye û gotiye, “Destûr nedane Selahettîn keçên me Delalê û Dildayê bi hev re bibine. Di destpêka pandemiyê heta niha Selahettîn bi tenê carê karîbiye keçên xwe cûda cûda bibîne.”

Du vîdeoyên Çomakî dê di beşa "Fragmented İdentities"ê ya festîvalê de cîh bigirin û vîdeo ji aliyê ‘Açik Şiir’ê de hatiye amadekirin. Festîval li Venedîkê pêktê.

Seredanên girtîgehan, ji îro pê ve di çarçoveya têkoşîna li dijî vîrusa Covîd-19ê de wê bi koda "Hayat Eve Sığar" pêk were.

Desteya Tenduristiyê ya Rêveberiya Xweser aşkere kiriye ku 2 kesên din ji ber Covid-19ê mirine û 19 kes bi vîrûsê ketine.

Wezareta Karûbarên Navxweyî aşkere kiriye ku wan Mûsa O. Çawişê Pispor ji kar dûr xistiye.

Li Tirkiyeyê heta niha 270 hezar û 133 kes bi Covîd-19ê ketine û 6 hezar û 370 kes jî pê mirine.

Rêvebiriya Rêyên Hesinî ya Dewletê li Amedê dest bi çêkirina dîwarê beton ê li her du aliyên rêya trênê kiriye. Dîwar dê 12 kîlometre dirêj û 2 metre jî bilind be. Sazîyên civaka sîvîl gotine ku ji bo lêkirina dîwarî rapora NTHyê (Nirxandina Tesîrên Hawirdorî) nehatîye standin.

Pervîn Bûldan û Mîthat Sancar, Hevserokên Giştî yên HDPyê danezanek bi navê “Banga ji bo Aştiyê” aşkere kirine. Bûldan û Sancarî gotine ku mimkin e şer û bêkarî bidawî bibin.

Victor Orban, Serokwezîrê Macaristanê aşkere kiriye ku ew ê ji 1ê Îlonê û pê ve hemû sînorên xwe ji ber Covid-19ê de bigirin.

Însiyatîfa LGBTİ+ ya Mûglayê ava bûye û hûn dikarin Însiyatîfê li ser Înstagram, Twîtter û Facebookê bi şiponin.

Bariş Atay, Parlamenterê Partiya Karkeran a Tirkiyeyê(TÎP) li Kadikoyê rastî êrişa kesên nasnameya wan nediyare hatiye. Atayê ku dermankirina wî temam bûye li pêş nexweşxaneyê daxuyanî daye û gotiye, “Ez niha baş im, tişteke cidî nîne. Emê roja sêşemê daxuyaniya çapemeniyê bidin”

Wezareta Tenduristiyê ya Herêma Kurdistanê ragihandiye, ku di 24 saetên dawin de 540 kes bi Covîd-19ê ketine û 17 kes jî pê mirine.

Li Tirkiyeyê heta niha 268 hezar û 546 kes bi Covîd-19ê ketine û 6 hezar û 326 kes jî pê mirine.

Rêxistina Tenduristiyê ya Cîhanî (WHO) ragihandiye ku bi vebûna dibistanan re li Ewropayê wê qonaxeke dijwar destpê bike.

Cenazeyê Ebrû Tîmtîkê îro li Goristana Gaziyê hatiye binaxkirin. Barkin Tîmtîk, birayê Ebrû Tîmtîkê yê girtî digel dozgerî destûra wî daye ku beşdarî merasîma binaxkirinê bibe, lê cendermeyan nehiştine.

Odeya Doktoran a Amedê aşkere kiriye, ku tenê îro li Nexweşxaneya Lêkolînê û Perwerdeyê ya Gazî Yaşargîlî 15 kes ji ber Covîd-19ê mirine û banga tedbîr girtinê li Wezareta Tenduristiyê kiriye.

Shinzo Abe, Serokwezîrê Japonyayê aşkere kiriye ku wî dest ji wezîfeya xwe berdaye.

Li Eskîşehîrê wesayita karkeran qulipî ye û di encamê de du karker mirine, 12 jî birîndar bûne.

Bafil Talebanî, Hevserokê Yekîtiya Niştimaniya Kurdistanê (YNK) aşkere kiriye, ku ew bi vîrusa Covîd-19ê ketiye û rewşa tenduristiya wî baş e. Demeke berê Lahûr Şêx Cengî, Hevserokê din ê YNKyê jî bi Covid-19ê ketibû.