Nivîskar û helbestvan M. Çiya Mazî wê li Stenbolê helbestên xwe yên di pirtûka xwe ya dawî de weşandiye li Janya Cafeyê bixwîne.

Bankêr û aktîvista kurd Narîn Nadîrova (Narîna Kinyazê Hemîd) li Qazaxistanê xelata herî mezin a dewletê stand.

Li Colemêrgê dema ku leşkerên Hêzên Çekdar ên Tirkan(TSK) operasyonek dikir PKKyîyan êrîş kiriye. Di êrîşê de 2 leşker mirine.

5emîn civîna doza Rojnameya Cûmhûriyetê li 27emîn Dadgeha Cezayê Giran a Stenbolê ya li Çaglayanê bi rê ve çû ku 5 jê girtî 20 gumanbar tên dadgehkirin. Dadgehê biryar girt ku rojnamger girtî bimînin û 3 parêzer nekarîbin dozê bişopînin. Civîna dadgehê wê di 9ê Adarê ya 2018yê saet 10.00ê sibê li Kampusa Saziyên Girtîgeha Sîlîvriyê çêbibe.

Seroka Îyî Partîyê, Meral Akşenerê, nerazîbûna xwe ya ji bo Biryarnameya di Hikmê Qanûnan de ya 696ê diyar kir. Biryarnameya navborî duhî hatibû îlankirin.

Bi Biryarnameyeka di Hikmê Qanûnan de biryar hat dayin ku cilikên girtiyan dê bibin wek hev. Cihgirê serokwezîrî, Bekir Bozdagî diyar kir ku wekhevkirina cilikên girtîyan “daxwaza gelî” ye.

Di encama her du KHKyên ku di çarçoveya Rewşa Awarteyê de hatin ragihandin de 2 hezar û 756 kes ji kar hatin derxistin û 7 weqf û 7 jî komele, bi giştî 17 sazî hatin girtin.

Aga Bayarê ku di dema Qetlîama 10ê Kanûna Pêşiyê ya li Enqereyê de birîndar bûbû û heta niha dihat dermankirin, çû ser dilovaniya xwe. Di qetlîamê de heta niha 102 kes miribûn.

Garo Paylanî diyar kir ku li gor îstixbaratê sûîkast dê li penaberên ji Tirkiyeyê çûyîn Ewropayê bê kirin. Li ser vê yekê biryara parastina hin kesan hatiye dayin.

Komisyona Rewşa Awarteyê derbarê ji dûrxistina karî de nirxandina xwe ya pêşiyê da û biryarên ku derketin ji bo bi cî bîne şandine Serokatiya Personelan a Dewletê.

Li Katalonyayê di hilbijartina pêşwext de lîsteya partiyên serxwebûnxwaz bi ser ket, çêdibe kêşeyên di navbera Madrîd û Katalonyayê de zêde bibin.

Li Civata Giştî ya Neteweyên Yekgirtî (NY) ew reşbelek hat qebûlkerin ku “ji bo dest ji naskirina Qudsê ya weke paytexta Israîlê berde” bang li DYAyê dike. Di dengdanê de 9 endam li hemberî reşbelekê derketin 35 endam bêalî man û 128 endaman dengên belê bi kar anî. Ti bandora biryarê li ser NYyê nîne.

Serokê Daîreya Zabiteyan ya Şaredariya Bajarê Mezin a Stenbolû, Tayfûn Karaliyî li zabiteyekî da. Zabite ji hiş ket.

Wekîlê HDPyê Garo Paylanî eşkere kiribû ku amadekariyên sûîkastkirina welatiyên ji Tirkiyeyê yên li Ewropayê hene. Emniyeta Giştî ya Almanyayê da zanîn wan hay ji rewşê heye.

Li bajarê Melbourne yê Avustralyayê kesekî wesayita xwe ajot ser peyayan. Yek jê pitik 14 kes birîndar bûn. Piştî vê buyerê bi çend saetan dîsa li Melbourne di nava navendeke kirîn û firotinê de teqîneke biçûk pêk hat.

Di 1ê Çiriya Pêşiyê de hilbijêrên ji Katalonyayê ji bo serxwebûnê dengê xwe dan bi vê yekê krîzek derket. Îro hilbijêrên ji Katalonyayê dê ji bo hilbijartina pêşwext dengê xwe bidin.

Yannis Vasilis Yaylali yê redkarê wicdanî di 6emîn salvegera Qetlîama Robozikê de li girtîgehê hefteyekê wê têkeve greva birçîbûnê.

Ahed Tamîmî ya 16 salî hat desteserkirin ku weke “keça wêrek a Filistînê” tê naskirin û ji temenê xwe yê biçûk de serî li ber leşkerên Israîlê radike. Wezîrê Perwerdeyê yê Israîlê got, “Wê di girtîgehê de bimire”.

Dadgeha Stenbolê bi sûcên “propagandaya ji bo rêxistina terorî” û “pesindana ji bo sûc û sûcdaran” biryara girtina hevseroka rêxistina Kadikoyê ya HDPyê, Gul Demîrê da.

Li hemberî her du derhênerên filmê Bakur Ertûgrûl Mavîoglû û Çayan Demîrelî bi tawana “propagandeya rêxistinê” doz hat vekirin ku film di dema pêvajoya çareseriyê de li Êlihê hatibû nîşandan.