56 girtiyên li Girtîgeha Edîrneyê ji ber ku hevdîtina Serokê PKKyê Ocalanî bi malbat û parêzeran re tê astengkirin dest bi greva birçîbûnê kirin.

Akademisyen Kerem Altiparmak derbarê biryara DMMEyê de axivî ku serlêdana akademisyenan ret kiribû û Komisyona Rewşa Awarte nîşan dabû: “DMME ne li gorî biryarên xwe tevdigere”.

Lijneya Saziyên Îdarî ya Dadgeha Bilind a Şêwirmendiyê daxwaza temyîzê ji bo îlankirina “herêma metirsîdar” û biryara “îstimlaqkirin(ji-dewletê-re-mal-kirin)”ê ya Sûrê qebûl kir.

20ê Çiriya Pêşiyê, pênc rojnameger hatibûn desteserkirin, du rojnameger ji wan, Dûygû Erol û Habîbe Eren serbest bûn.

Krîza di navbera Madrîd û Barcelonayê her diçe kûrtir dibe û di vê demê de Katalanan gavek din avêt. CUP Partiya Çep bang li welatiyan kir ku çalakiyên “bêîtaatiya sivîlan a girseyî” li dar bixin. Parlamentoyê biryar girt ku roja pêncşemê kom bibe.

Herdu dersdêrên Nûriye Gûlmen û Semîh Ozakça 228 roj in di greva birçîbûnê de ne. Gûnelê 71 salî 115 roj in û Osmanoglûyê 67 salî 72 roj in ji bo piştgiriya Ozakça û Gûlmenê di greva birçîbûnê de ne.

Di 54emîn Mihrîcana Filman a Antalyayê de dema filmê yekem ê pêşbirkê dihat nîşandan ji ber ku peyva “gerîla” di binnivîsê de derbas bû, temaşevanan bertek nîşan da. Film bêyî ku temam bibe hat qutkirin. Şîrketê daxuyanî da û got ku “xeteya teknîkî” derketiye.

Li taxa Çalê ya Sêrtê wesayiteka zirxkirî ya polîsan duhî li Felek Batura 7 salî daye, zarok miriye.

Li Herêma Kurdistana Iraqê hilbijartinên parlamentoyê û yên serokatiyê hatin bipaşxistin.

Li Amedê li ber deriyê mala serbazekê pispor êrîş li wî hatiye kirin, serbaz birîndar bûye.

Rojnameger Sîbel Yukler, Dîren Yurtsever û Selman Guzelyuz piştî ku li emniyetê îfadeyên wan hatin standin serbest man.

Semîh Ozakça dersdêrek e ku 228 roj in ji ber ew ji karê wî hatiye avêtin di greva birçîbûnê de ye. Ozakça di 20ê Çiriya Pêşiyê de hat tehlîyekirin.

Rojnameger Mûrat Çelîkkan roja şemiyê serbest ma ku ji ber bibû Berpirsê Weşanê yê Nobedar ê Rojnameya Ozgur Gundemê sal û 6 meh ceza lê hatibû birîn.

Tûgrûl Eryilmaz ji ber ku ji bo rojnameya Ozgûr Gûndemê bûbû berpirsê nobedar ê weşanê Dadgeha Cezayên Giran a Stenbolê salek û 3 meh cezayê girtinê û 6 hezar cezayê pereyî da wî. Cezayê wî hat paşdedan.

Ji bo rojnameya hatî girtin, Ozgûr Gûndemê ji 3yê Gulanê û heta 7ê Tebaxa 2016ê kampanyaya nobedariya berpirsiyarîya weşana Ozgûr Gûndemê hat pêkanîn. Derbarê 11 lêpirsînan de doz nehat vekirin. Yek jê ji ber ku dema lêpirsînê tijî kir, bêyî ku encamê bistîne bidawî bû.

Di lûtkeya serokên YEyê de alîkariyên malî yên ji bo Tirkiyeyê û rewşa gotûbêjan hat nîqaşkirin. Merkelê aşkere kir ku wan li ser kêmkirina alîkariyên malî li hev kirine. Lûtke wê îro berdewam bike.

122 rojnameger di meha Çiriya Pêşiyê de hatin girtin. Ji bo 296 rojnameger û nûnerên medyayê di çarçoveya Yasaya Ceza ya Tirkan (TCK) û Yasaya Têkoşîna Dijterorê (TMK) de bi giştî 182 cezayê muebetê û 3 hezar û 36 sal cezayê girtinê hatiye xwestin. 109 rojnameger û xebatkarên medyayê ji kar hatin avêtin an jî neçar man ku ji kar derkevin.

Li Enqereyê di encama serdegirtina malan de, editora Jin Newsê Sîbel Yukler, nûçegîhanên Jin Newsê Duygu Erol û Habîbe Eren û nûçegîhanên Ajansa Nûçeyan a Mezopotamyayê Dîren Yûrtsever û Selman Guzelyuz hatin desteserkirin.

Jinan bûyerên destdirêjiyê yên hatîn serê wan, li medyaya civakî bi etîketa #MeToo(#EzJî) parve kirin. Mêran bi etîketa #HowIWillChange (#EzêÇawaBiguherim) dest bi parvekirinan kirin.

UNICEFê eşkere kir ku di sala 2016ê de her roj 15 zarokên ji 5 saliyê biçûktir mirine.