Balyozxaneya Dewletên Yekbûyî yên Amerîkayê(DYA) eşkere kir: Tirkiyeyê ew piştrast kiriye ku Tirkiye dê pêvajoya hiqûqî ji bo xebatkarên berpirsiyarîyên Amerîkayê neke. Tirkiyeyê ev yek red kir.

Li Wanê serpelê birîndar Wekîlê Fermandarê Liqaya Komandoya Asayişê ya Navçeya Çaldêranê Mehmet Sakalli mir ku şer di navbera PKKiyan û leşkeran de şer derketibû û birîndar bûbû.

Li Bajarê Zonguldakê karkerên komirê ji bo Saziya Komira Berîn a Tirkiyeyê ji bo şirketên taybet neyên firotin dest bi protestoyekê kiribûn, karkeran piştî 21 sietan dest ji protestoyê berda.

Li gorî daxuyaniya rapora Meclîsa Tenduristiya Karkeran û Ewlekariya Karî di meha Çiriya Pêşiyê de herî kêm 182 karker mirine. Di 10 mehên salê de jî herî kêm 1683 karker mirine.

Li mîtînga HDPyê, li Diyarbekirê bi bombeyan êrîş hatibû kirin. Ji ber ku polîsan êrîş asteng nekiriye doz li 14 polîsan hatiye vekirin.

Li bajarê Zonguldakê karkerên komir qanûna nû protesto kir. Li gor pêşniyarnameya guhertina qanûnan a ku Lijneya Plan û Bûtçeyê ji bo Meclisê rêkirîye Saziya Komira Berîn a Tirkiyeyê dê ji bo şirketên taybet bê firotin.

Li nêzîkî Yemenê helîkoptereke Erebistana Siûdiyê ket. Mansûr bîn Mukrîn kurê Mukrîn bîn Abdulazîz di encama qezayê de mir ku Kral Salmanî ew ji welîahtiyê derxistibû.

Îspanyayê biryara girtinê ji bo serokê Katalonyayê û 4 wezîrên berê yên wê derê li hemiya Yekîtîya Ewropayê dabû derêxistin. Dadgeheka Belçîkayê biryara serbestberdana wan da.

Polîsê DYAyê aşkere kir ku li dêreke Eyaleta Teksasê di encama êrîşa kesekî de 26 kes mirin. Êrîşkar hemwelatiyê DYAyê ye û piştî êrîşê di wesayita xwe de mirî hat dîtin.

Ji ber nûçeyên Qetlîama 10ê Çiriya Pêşiyê ya 2015yê ya li Enqereyê doz li rojnameger Cem Gûrbetoglû, Tamer Arda Erşîn, Kemal Goktaş, Fatîh Polat û Can Dundarî hat vekirin ku 102 kes miribûn.

Qeymiqamiya Akorenê ya Konyayê bi sebeba Burak Ozgûner neçûye eskeriyê 1486 TL(Lîreyên Tirkan) ceza da wî.

Şaxê Enqereyê ya İHDyê rapora xwe ya derbarê binpêkirina mafên li 13 girtîgehên Anatoliya Navîn aşkere kir.

Piştî ku li Dewletên Yekbûyî yên Amerîkayê(DYA) wan jinên derhênerê Harvey Weinstein destdirêjî li wan kirî axivîn derî li îfşakirinê vebû. Yek bi yek navên tacizkarên Hollywoodê eşkere dibin

Hikûmeta Îspanyayê heşt wezîrên Katalonyayê ji karî derêxistin, Dadgeha Madrîdê biryara girtina wan da.

Li navçeya Kayapinar a Amedê polîsan girtin ser malekê ku dihat gotin PKKyî li wir in. Di dema operasyonê de pevçûn qewimî û polîsek mir.

Mîhrîcana Navneteweyî ya Fîlmên Zarokan dê li 9-16ê Çiriya Paşiyê de li enqereyê bê pêkanîn.

Parlementerê Rûhayê, Osman Baydemîrî têbînîya Wezareta Dadê ya li ser Selahattîn Demîrtaşî ji perlamanê pirsî.

Prof. Bûgrayê ji bo desteserkirina hevjînê xwe Kavalayî destnîşan kir ku, kesên zabitnameyên derbarê girtina Kavalayî de di dema ku karmendên endamên FETO/PDYyê li ser kar bûn hatine amadekirin. Bûgrayê got: “Her biryara ku li gorî van pratîkan tên dayin, dihêle ku dema dadgehkirinê meşrû bibe.”

Li navçeya Şemzînanê ya Colemêrgê di navbera PKKyî û hêzên çekdar ên fermî de şer derket. Heşt leşker û cerdevan û çar PKKyî mirine.

Weqfa Mafên Mirovan a Tirkiyeyê li ser îlankirina qedexeya derketina derve daxuynîyek belav kir. Li gor daxuyaniyê milyonek û 809 hezar kes bi qedexekirina derketina derve hatine mexdûrkirin.