Baroya Dêrsimê ji bo Qetlîama Dêrsimê daxwaza lêborîna fermî kir û xwest ku rastiyên derbarê qetlîamê bi raya giştî re par ve bikin, ci û warên windayan lêkolîn bikin û ji bo kesên ku mirine merasîma yadkirinê bê çêkirin.

Filmê bi navê “Hadîa” (Hediye) li Festîvala Filmên Zarokan a Chicagoyê ya Navnetewî du xelat standin. Derhênerê filmî Sînem Sakaoglû ye û film di çarçoveya projeya Anadulu Kültürê ya bi navê “Mîrateya Çandî ya Sûriyeyê ya ji bo Zarokan: Pirtûk û Lîstik” de hatiye amadekirin.

DMMEyê ji ber 4 sal 8 meh cezayê girtinê dabû Işikirikî Tirkiye bi dayina tezmînatê mehkûm kir ku Işikirik bi beşdarbûna merasîma cenazeyekî û çalakiyeke li zanîngeha xwe û nîşana serfiraziyê hatibû sûcdarkirin û ceza lê birîbûn.

Komîteya Karên Derve ya Senatoya DYAyê piştî 40 salan careke din karbidestiya bikaranîna çekên nukleer a Serokê DYAyê nîqaş dike. Demokrat dibêjin ku “Ji ber Trump gelekî bêhevseng e û guherbar e em bi endîşe ne”.

Parlamenterê AKPyê Kavcioglûyî ji bo akademisyenên aştîxwaz got, “Li ti welatê mafê jiyanê nadin yek ji van akademisyen, siyasetmedar û rojnamegerên ku ev belavok îmze kirine.”

Tirkiye di rapora Azadiya Internetê ya 2017yê de yek ji welatên azadî herî zêde lê tê astengkirin de ye ku rapor ji hêla Freedom Housê saziya ramanê ya DYAyî ve hatiye amadekirin.

BBCyê îdia kir ku 250 DAIŞî ji hêla hêzên HSDyê û koalisyona di bin serpereştiya DYA û Ingiltereyê de tevlî sivîlan ji Reqqayê hatine derxistine.

Pênc pisyorên serbixwe yên Usûlên Taybet ên Konseya Mafên Mirovan a Neteweyên Yekgirtî (NY) bertek nîşanî biryarên girtina parêzer û mafparêzan û sûcdarkirina wan a ji ber “terorê” dan.

Serokê Giştî yê ÇHDyê û yek ji parêzerên doza Somayê Selçûk Kozagaçli duh piştî jêpirsîna dadweriya ceza ya sulhê, hat girtin.

Di sêyemîn daneşîna doza medyayê ya hewldana darbeyê de jî biryara tehliyeyê derneket ku 17 kes tên dadgehkirin. Di destpêka daneşînê de heyeta dadgehê axavtina parêzerên Altanan asteng kirin û ew ji salonê avêtin.

Tirkiyeyê piştî du caran pêvedem jê re hat dayin, di serlêdana girtiyên doza Cûmhûriyetê ya DMMEyê de xwe parast.

Osman Kavalayî bi rêya parêzerên xwe, ji girtîgehê daxuyaniyek rê kir û ji bo kesên ku mesajên piştgiriyê jê re şandine spasiyên xwe pêşkêş kir; “Hêviyên min ew in ku dûr an jî nêzîk wê edalet pêk bê"

Rûsyayê daxuyaniyek belav kir û di vê daxuyaniyê de hat diyarkirin, Vladimir Putin Serokdewletê Rûsyayê û Donald Trump Serokê DYAyê di wê mijarê de li hev kirine ku divê çareseriya li Sûriyeyê ne leşkerî lê siyasî be.

Di encama wê erdheja bi pileya 7.3yê çêbûye de herî kêm 335 kes mirin ku navenda erdhejê Silêmaniye bû. Zêdetirî 2 hezar û 500 kes jî birîndar bûne.

Piştî ku CHPyê Zekeriya Temîzel û HDPyê jî Selma Irmak ji bo Serokatiya Parlamentoyê weke namzet nîşan da, MHPyê jî Celal Adan kir namzetê xwe. AKPyê jî namzetê xwe diyar kir. Namzetê AKPyê dîsa Serokê Parlomentoyê Îsmaîl Kahraman e.

Li Myanmarê nûçegîhanên serbest ên TRT Worldê jî di nav de ji bo 4 kesan 2 meh cezayê girtinê hat birîn ku ji ber drona bêdestûr li gel wan bûye hatibûn girtin.

Dadgeha Îstinafê biryara beraetê ya rojnameger Hasan Cemalî betal kir ku ji ber doza nivîsa xwe ya bi navê “Rojnivîsên Vekişanê” dihat dadgehkirin. Dadgehê herwiha di dozên din de cezayên Cemalî erê kir ku bi “kirina propaganda” û “Weşandina daxuyaniya rêxistinê” dihat sûcdarkirin.

Nazim Elmas yek ji pîrên Cemxaneya Habîblerî got ku bi madeyeke agirgir êrîşî cemxaneyê kirine û li hemberî ihtimala êrîşê sê heftene ku polîs di dema îbadetê de ewlehiya cemxaneyê digirin. Elmasî got, “Bûyereke gelekî cidî ye, divê piçûk neyê dîtin”.

31 taxên bi ser Colemêrg, Çelê, Şemzînan û Geverê ve girêdayî ne, ji bo 14 rojan weke “Herêmên Ewlehiya Taybet” hatin îlankirin.

Koma muzîkê ya Îranê Rastak wê 23yê Çiriya Paşiyê li Stenbolê û 25ê Çiriya Paşiyê jî li Amedê konsertê bide.