Weşanxaneya Lîsê yek ji şanoyên Ludvig Holberg nivîskarê Skendînevî ya bi navê Jeppeyê "Li Serê Çiyê" bi Kurdî weşand.

Serokkomarê Fransayê Emmanuel Macronî serokkomarê Tirkiyeyê Recep Tayyîp Erdogan vexwend Fransayê, ji berya ku Erdogan biçe Fransayê Macronî gazind ji azadiya çapemeniyê ya li Tirkiyeyê kirin.

Li gorî Rapora Binpêkirinê ya Mafên Çapemeniyê ya 2017yê ku ji hêla Însiyatîfa Rojnamegerên Azad (ÎRA) hat aşkerekirin, di salekê de 187 rojnameger hatine desteserkirin, 59 ji wan hatine girtin. 165 rojnamegeran jî di girtîgehê de derbasî sala 2018an bûne.

Walîtîya Rûhayê biryar da ku heta 30ê Kanûna Paşiyê, li Rûhayê xwendina daxuyaniyan, meş û xwenîşandan qedexe ne.

Pirtûka bi navê “Di bin Siya Çengan de/Dema ku Şengal Biaxive” behsa serpêhatiyên Êzidiyan dike ku piştî DAIŞê di Tebaxa 2014yê de êrîş biribû ser Şengalê û Êzidî neçar mabûn ku mal û milkên xwe, cî û warên xwe terk bikin û berê xwe bidin Tirkiyeyê.

Walîtîya Bedlîsê eşkere kir ku bi biryara dadgehê 279 gor hatine vekirin, 11 gor vala bûne û hestiyên di 268 goran de ji bo testa DNAyê bê kirin ji bo Stenbolê hatine şandin.

6emîn Dadgeha Cezayan a Sulhê li Enqereyê, biryar girt ku malperên nûçeyan Mezopotamya Ajans, Demokrat Haber, Ozgurlukçu Demokrasi û 1HaberVar werin astengkirin.

“Berbang”a Ereb Şemoyî ango Erebê Şemoyî ji hêla Weşanxaneya Lîsê ve hat weşandin. Pirtûk guhartoyeke pirtûka "Şivanê Kurmanca" ye.

Walîtîya Bedlîsê bi daxuyaniyeka nivîskî eşkere kir ku li 7 gundên navçeya Hîzanê ya bajarê Bedlîsê derketina derve qedexe ye.

Almanyayê reaktora ku 33 sal in li eyaleta Bavyerayê li herêma Grundremmingenê enerjiya nûkleerê çêdikir sekinand.

Li Dewletên Yekbûyî yên Amerîkayê(DYA) ji 300ê zêde jinên li sektora sînemayê kar dikin, li dijî tacizê kampanyayeka bi navê Time’s Up(Wext temam bû) da dest pê kirin.

Li Îranê ji 28ê Kanûna Pêşiyê ve welatî xwe nîşan didin. Di xwenîşandanan de polîsek miriye, bi vê yekê hejmara kuştiyan bûye 13.

Dîwana Hoşeng Osê ya bi navê “Fincana Jehrê" - Ji rojnivîsên şervaneke winda) di nav weşanên Avesta de derket.

Serdozgeriya Enqereyê piştî 267 rojan biryara serbestberdana xebatkarê rojnameya Cumhuriyetê, Emre Îperî da.

Yekîtiya ji bo Demokrasiyê ku demeke berê dest bi kampanyaya “TirkiyeyaBêRewşaAwarteyê” kiribû saet 21.00ê kampanyayê li ser Twitterê belav dike ku kampanya bi gotina “Em dest ji têkoşîna li hemberî Rewşa Awarteyê û KHKeyan bernadin” dest pê kiribû.

Li Amedê wesayiteka zirxkirî li Hatun Elmahanê daye û ew kuştiye, dadgehê pêşiyê salek û 8 meh cezayê girtinê da polîsê wesayîtajo paşê ew ceza bi paş de da.

Nivîskar Mûrat Saat ku di 21 saliya xwe de cezayê muebetê danê û 21 sal in di girtîgehê de ye çû ser dilovaniya xwe. Saatî bi pirtûka xwe ya çîroka ya di girtîgehê de nivîsandibû sala 2014yê Xelata Çîrokan a Komeleya Rojên Çîrokan a Enqereyê ya Navnetewî wergirtibû.

Ferhat Tûncî ji bo zêmara bi navê “Sonde Halvoriyê” di 80emîn salvegera darvekirina Seyîd Riza û hevalên wî vîdeo-klîpek amade kir ku stran di albuma wî ya bi navê “Kobanî”yê de cî digire.

DAIŞê li paytexta Efxanistanê, Qabûlê êrîşî navendeka çandê kir, di êrîşê de 40 kes mirin 48 kes birîndar bûn.

Piştî ku Serokkomarê Recep Tayyîp Erdogan ji bo serokê Sûriyeyê Beşar Esadî got “ew terorîst e” Esadî bersiva wî da.