Weqfa Aştiyê bi 3 zimanan rapora “2013-2015 Di Pêvajoya Çareseriyê de Rola SCSyan” amade kir ku rola saziyên civaka sivîl ya di pêvajoya çareseriyê de amade kir.

Dadgeha Cezayên Giran a Stenbolê 16 kes dad kirin û biryara tehliyekirinê ji bo 6 kesan da. Yek ji kesên hatî tehlîyekirin Meşale Tolûya rojnameger û wergêr e.

Kawa Nemir dê li Zanîngeha Bogazîçîyê ya Stenbolê helbestên xwe yên di kitêba “Morana Gerdûnê, Bayê Labûte” de bixwîne.

Serokomar Erdoganî xwest ku karîkatûrên Carlos Latuffî werin astengkirin.

Wezîrê ragihandinê pêşiyê got: “[sendika.org] ji ber taciza li zarokan, mûstehcenî, fihûş û xumarê hatiye girtin, paşê lêborîn xwest.

30 cihên bi ser Dêrsim û navçeyên wê Pulur, Pilemûriyê, Xozat û Nazmiyeyê ve girêdayî, ji bo 14 rojan weke “Herêmên Ewlehiya Taybet” hatin diyarkirin.

Piştî ku Dewletên Yekbûyî yên Amerîkayê(DYA) Quts wek paytextê Îsraîlê nas kir, Neteweyên Yekbûyî amadekariyan dike ku mijarê bêxe di rojeva civînê de.

Hat îdiakirin ku serdarê bi navê İ. Cyî li navçeya Şemzînanê ya Colemêrgê ji ber sedemeke ku nehatiye zanîn xwe kuştiye.

Mîhrîcana Fîlman a Kanî Mafên Mirovan a 9. dê di 15-16-17ê Kanûna Pêşiyê de bihatiya pêkanîn. Walîtîya Amedê pêkanîna festîwalê qedexe kir.

Wekîlê Dîlokê yê ji Partiya Gelan a Demokratîk(HDP) pirsnameyek da Meclîsa Tirkiyeyê û pirsî gelo çend endamên DAIŞê li Tirkiyeyê hatine berdan û ew dîsa beşdarî DAIŞê bûne?

Ciwanmerd Kulekî kitêba Lois Borgesî ya bi zimanê Spanî wergerandiye zimanê Kurdî û Weşanxaneya avestayê weşandiye.

Stranbêja kurd a ji Tetwanê, Rewşan Çelîkerê li ser stranbêja navdar a fransî Êdith Piafê teza masterê nivîsîye, di şanoya bimûzîk de(musica teatral) dilîze, bi çar enstrûman û 11 zimanan distire.

Ji ber ku li hemberî beşdarên Hefteya Rûmetê gef xwaribû li hemberî Serokê şaxa Stenbolê yê Ocakên Alperenan (Alperen Ocakları) Mîcanî doz hatibû vekirin û Mîcanî di dozê de xwe parast û diyar kir ku biryara qedexeyê ya Walîtiya Enqereyê ya derbarê çalakiyên LGBTİyan de jê re bûye hincet.

Paketek li ber deriyê Balyozxaneya Almanyayê hat dîtin ku guman hebû teqemenî tê de hebe. Caddeya balyozxane li ser e ji bo wesayitan hat girtin.

Akdemîsyenên ku Danezana Aştiyê îmze kirîn têne dadkirin, li Dadgeha Cezayên Giran a 36. civîna 47. hat pêkanîn.

Rêxistina Doktorên Sînornenas (MSF) aşkere kir ku li eyaleta Rakhineyê ya Myanmarê di nava mehekê de 6 hezar û 700 Arakanî hatine kuştin. Di nava kuştiyan de bi sedan zarok hene.

Di sala 2013ê de dema ku Recep Tayyîp Erdoganî behsa Kurdistanê kir wekîlên AKPyê çepik kiribûn dema Osman Baydemîrî heman gotin got, bi dengên wekîlên AKPyê ceza xwar.

Walîtiya Amedê aşkere kir ku bi hinceta operasyona wê li dar keve, li gundek û 3 gundikên navçeya Pasûrê derketina derve hatiye qedexekirin.

Civîna Rêxistina Hevkariyê ya Îslamê li Stenbolê hat pêkanîn. Di encamnameya civînê de hat eşkerekirin ku “Qudsa Rojhilatî paytexta Filistînê ye.”

Komîteya Parastina Rojnamegeran a Navnetewî (CPJ) aşkere kir ku li gorî daneyan heta meha Kanûna Pêşiyê ya 2017yê li cîhanê 262 rojnameger di girtîgehan de bûn. Tirkiye du sal in ku dibe “welatê herî zêde rojnameger lê girtî ne”.