Erdoganî derbarê hêza sînorî ya ku wê DYA ava bike û YPG jî di nav de ye got, “Baş e lê em Tirkiye ne yaw! Yaw em ne dewleteke konan a ji rêjê ne! Biborînin lê li Sûriyeyê hin kesên qûngemar, radibin û gefan li me dixwin.”

Di 10ê Çiriya Pêşiyê ya 2015ê de li Enqereyê bi êrîşeka bi bombeyan 102 kes mirin. Rojnameyên Evrensel û Cumhuriyetê li ser îhmalkariya di bûyerê de nûçe çêkirin ji ber wê doz li wan hat vekirin.

Seyran Demîrê ji girtîgehê ji bo Komeleya Mafên Mirovan nameyek şandiye. Wê gotiye ew ketiye nexweşiyên penceşêr û Hepatit-Byê gelek zeîf bûye û bûye 35 kîlo.

Selahattîn Demîrtaşî got, ew wê kampanyaya îmzeyan rast nabîne ku beriya kongreya HDPyê ya 11yê Sibatê ji bo Demîrtaş careke din bibe hevserok hatibû destpêkirin: “Ez li bendê me ku hûn pêşniyara hevserokên bihêz û alternatîf bikin.”

Koalisyona Navnetewî ya li dijî DAIŞê ya DYA serpereştiya wê dike, aşkere kir ku ew ê hêza ewlekariyê ya ji 30 hezar kesan pêk tê ava bikin. Li ser navê Tirkiyeyê Berdevkê Serokomariyê Îbrahîm Kalinî bersiv da: “Bi ti awayî ne mimkun e ku ev rewş bê qebûlkirin.”

Hevserokê Partiya Gelan a Demokratîk(HDP) bi sûcê “heqareta li serokkomarî” îro hat dadkirin.

1823 kesên ku biryara vegerê ya ser kar ji bo wan hatiye standin bi hinceta ByLock bi kar anîne hatibûn ixrackirin lê paşê derketibû holê ku dema bi sîstema “Mejiyê Binevşî” re sepanekê dadixin bi nezanî programa bi navê ByLockê daxistine telefonên xwe yên mobile.

Mêran di meha Kanûna Paşiyê de 31 jin, 5 zarok kuştine, herweha mêran du mêrên hewil dayîn ji bo kuştina jinan bibin asteng jî kuştine.

Dadgeha Destûrî biryar girtibû ku “maf û ewlekariya takekesî” û “azadiya xweîfadekirinê û ya çapemeniyê” hatine binpêkirin û ji bo rojnameger Şahîn Alpay û Mehmet Altanî daxwaza serbestiyê girtibû. Lê dadgehên herêmî ev biryar qebûl nekirin û biryara berdewamiya girtina Alpay û Altanî kir. Berdevkê hikûmetê Bozdagî ji bo biryara Dadgeha Destûrê got; “Dadgeha Destûrî sînorên xwe yên yasayî derbas kiriye”

Bi hinceta ku beşdarî xebatên Parlamentoyê nedibû parlamenteriya Leyla Zana Parlamentera HDPyê ya Agiriyê ji hêla Meclîsa Miletê ya Mezin a Tirkiyeyê (TBMM) ve hat betalkirin. Parlamenterên HDPyê ji Civata Giştî derketin.

Parêzer Veysel Okî got, biryara Dadgeha Destûra Bingehîn pesend kir ku ji ber zêdetirî salekê girtî mane neheqî li wan hatiye kirin. Okî diyar kir ku ew hêviya wî tiştî dikin ku naveroka biryarê weke mînak bê dîtin û bi kêrî hemû rojnamegeran bê.

Piştî ku hevserokê Partiya Gelan a Demokratîk(HDP), Selahattin Demirtaşî eşkere kir ew ê di kongreya HDPyê de ji bo hevserokatinê nebe namzet, gelek ji HDPyîyan behsa Ahmet Turkî kirin, Turkî daxuyand ew ê nebe namzet.