Ji bo nûçeya Tirkî bitikîne
Di operasyona “Çiqilê Zeytûnê” de ku li ser Efrînê hatibû kirin, serbazekê pispor ê bi navê Necmettin Yigit birîndar bûbû. Yigitê birîndar vê sibeyê li Nexweşxaneya GATAyê miriye.
Necmettin Yigitê 23 salî di 22yê Adarê de li Efrînê birîndar bûbû. Li Tirkiyeyê dihat dermankirin. TSK(Hêzên Çekdarên Tirk) vê sibeyê bi daxuyaniyekê da zanîn ku Yigit miriye.
Di teqîna ku Yigit birîndar bûbû de, erê* bi navê Gokhan Gullu miribû. Di heman rojê de erekê bi navê Muhammed Hasan Çeçen birîndar bûbû. Rewşa wî baş e.
Berdevkê hikûmetê Bekir Bozdagî di 26ê Adarê de eşkere kiribû ku di operasyona “Çiqilê Zeytûnê” de 49 leşker mirine. TSKyê di 27ê Adarê de eşkere kiribû ku 27 leşker mirine. (AS/MB)
Wêne: Fatih Yılmaz – Tokat / DHA
