Dadgehê sal û sê meh cezayê zindanîkirinê li 3 akademisyenan birî. Aşkerekirina biryara Oztan û Riza Turkayî hate taloqkirin. Lê Gulhan Turkayê nexwestiye biryar bê taloqkirin.

CİSST\TCPS di dawiya vê hefteyê de, konferanseka navnetewî ya bi navê “Alternatîfên Zindanîkirinê” wê pêk bîne.

“Dûpişk” duyemîn kitêba nivîskar e, berhema wî ya yekem “Nav”, di 2016an de derketibû.

Wezareta Karên Navxweyî ya Brîtanyayê Plana Berxwedana li Dijî Nefretê ji bo salên 2016-2020ê amade kiribû. Wezaretê ji bo wê planê vîdeoyek amade kiriye.

Li gundê Qerxebazara Kanîreşa Çewlîgê yekem berfa demsalê barî û rûyê erde spî kir.

Wezareta Navxweyî aşkere kiriye ku di hefteyekê de parvekirinên 324 hezabên medyaya civakî hatine kontrolkirin û lêpirsînname ji bo 280 kesan hatiye vekirin.

Li bajarê Zonguldakê li kaneka(circirika) komirê teqînek çêbûye, bi teqînê sê karker mirine û du karker birîndar bûne. Xwediyê kana komirê Ismail Aygun hatiye girtin.

Sosyolog Îsmaîl Beşîkçî, 26ê Çiriya Paşiyê ya 2018ê li Washington, paytexta DYAyê wê di panelekê de bi axive. Panel ji hêla Kurdish Policy Research Centerê ve tê birêxistinkirin û wê bi ser navê “Paradîgmaya Li Dijî Kurdan: Ji Sykes-Picotê heta Referandûma Îlona 2017ê ya Kurdistanê” çêbibe.

Li Endonezyayê balîneyeka li peravê okyanûsê hatiye dîtin û di gedaya(mîde) balîneyê de 6 kîlo bermayiyên plastîk derketiye.

Beriya niha bi 83 salan stranbêja navdar Feyrûz ji dayik bûye. Dengê Feyrûzê ji Rojhilata Navîn ber bi cîhanê ve diherike û bandora xwe li muzîk û jiyanê dike.

Editorê bianet kurdiyê Murat Bayram wê li Şîrînevlera Stenbolê li Morî Kitap Cafeyê behsa pirtûka xwe ya “Belkî Îşev Binive”yê bike.

Berdevkê Sekreteriya Giştî yê Konseya Ewropayê Holtgen gotiye "Li gor xala 46ê ya Peymanê hemû welat girêdayî biryarên dadgehê ne".

Li Tirkiyeyê li bajarên li ser sînorî, zêdetirî 900 hezarî, li hemû Tirkiyeyê jî zêdetirî milyonek mayin hene. Ji sedî 90ê mayinên ku tên zanîn li ser sînorê Sûriyeyê ye.

Parêzerên Demîrtaşî, piştî biryara DMMEyê, ji bo tehliyeyê serî li dadgehê dane.

Serokomar Recep Tayyîp Erdoganî ji bo biryara DMMEyê ya derbarê Demîrtaşî de gotiye, “Biryarên DMMEyê me eleqedar nakin. Em ê gavê li hemberî vê bavêjin.” Lê DMMEyê di biryara xwe de gotiye, heke Tirkiye biryarê pêk nîne, tê wateya ku peymanê binpê dike.

DMMEyê di biryara xwe de xwestiye ku ji bo dawiyê li rewşa girtîtiyê ya Demîrtaşî bîne, divê hemû tedbîr bên standin. Molû û Demîr, parêzerên Demîrtaşî gotin “Biryar dane ku Demîrtaş ji ber sedemên siyasî hatiye girtin û divê demildest bê berdan.”

Li navenda Afyonê, tê îdiakirin ku dema leşkerê neçar ê bi navê M.Ç. nobet digirt xwe kuştiye.

Di 29emîn salvegera qebûlkirina Peymana Derbarê Mafên Zarokan de, li cîhanê rojê 15 hezar zarok ji ber wan nexweşiyan dimirin ku dikarin pêşî lê bê girtin. 155 milyon zarok birçî ne û her ji pênc zarokan yek, nikare biçe dibistanê.

Rapora Şopandina Li Mayinan a Navnetewî ya 2018ê, sibê wê li Taxim Hill Otelê bê aşkerekirin.

Dadgehê 6 sal û 10 meh û 15 roj cezayê girtîgehê li polîs Ahmet Kûşî biriye ku di dema berxwedana Geziyê de bûbû sedema kuştina Abdûllah Comertî. Beriya ku dadgeha bilind biryara dadgehê bi şûn de bişîne, 13 sal û 4 meh ceza li Kûşî hatibû birîn. Kûş nehatiye girtin.