Li du dadgehên Stenbolê çar akademîsyen hatine dadkirin, li Dadgeha Cezayên Giran a 36. a Stenbolê, dozgerê dozê xwestiye akademîsyenek bi sûcê “propagandaya ji bo rêxistinên terorî” ceyayî bistîne.

Weqfa Îsmaîl Beşîkçî(IBV) rêzesemîneran pêk tîne. Di semînera duyem de Prof. Dr. Baskin Oran dê biaxive.

Lîga Mafên Mirovan ji sala 1962yê ve li ser navê rojnamegerê Alman Carl von Ossietzkyî, xelatê dide mafparêzan. Xelata îsal Leyla Îmret û Ottmar Miles Paulî standiye.

Kovara mûzîkê ya xwerû bi kurdî, Ziryabê dest bi weşanê kiriye û jimara yekem li firoşgehan e.

Zanîngeha Oxfordê û Enstîtûya Reutersî li 37 welatan ji 74 hezar kesan pirsên li ser medyayê kiriye û wek raporekê amade kiriye.

BBC Cultureyê, ji bo diyarkirina fîlmên herî baş ên dinyayê yên ne-ingilîzî bi rexnegirên fîlman re rapirsînek amade kiriye. 12 fîlmên herî baş hatine hilbijartin yek ji wan fîlmeka kurdî ya bi navê “dema hespên serxweş e.”

Wekîla Partiya Gelan a Demokratîk(HDP) ya Colemêrgê û hevseroka Kongreya Civaka Demokratîk, Leyla Guvenê daye zanîn ku wê dest bi greva birçîbûnê kiriye.

Kakerên avakirina Balafirgeha Stenbolê ji bo di şertên mirovane de kar bikin li balafirgehê xwenîşandanek pêk anibû. Cendirme û polîsan karkerên xwe nîşan dayîn desteser kiribû, dozgerekî îdianameyek li ser karkeran amade kiriye û Dadgeha Stenbolê qebûl kiriye.

Wezareta Karên Navxweyî rapora xwe ya hefteyane eşkere kiriye û diyar kiriye di hefteyekê de lêpirsîn li ser 142 kesên bikarhênerên medyaya civakî hatiye vekirin.

Duhî hilbijêrên Dewletên Yekbûyî yên Amerîkayê(DYA) ji bo hilbijartina walîyan, endamên Meclîsa Nûneran û Senatoyê deng dane. Yekem car e ku jinên kurd bûne endamên meclîsa navborî. Rashida Tlaib û Ilhan Omar ji bo endametiya meclîsê hatine hilbijartin.

Neteweyên Yekbûyî îro raporek weşandiye û tê de diyar kiriye lku DAIŞê li Iraqê ya kêm li 200 cihan mirov bi komî bin-ax kirine.

Welatîyên Dewletên Yekbûyî yên amerîkayê dê îro bi hilbijartinê endamên Kongreyê hilbijêrin

Wezîrê veguhestin û plansaziyê yê Tirkiyeyê, Cahit Turhanî bersiva pirsên rojnamegeran daye û diyar kiriye ku ji bo avakirina Balafirgeha Stenbolê 30 karker mirine.

Alî Fîkrî Işik rojnamegerek e ku li ser fûtbola(tepa pêyan) dinivîse herweha ew bi wijdana xwe red dike ku biçe leşkeriyê wî nêrînên xwe li medyaya civakî nivîsîye dozgerekî doz lê vekiriye.

Di deh mehên sala 2018ê de 1640 ksrker mirine. Di meha Çiriya Pêşiyê(Cotmeh) de 177 kes mirine 10 ji wan jin in 2 ji wan zarok in.

Saziya Statîstîkan a Tirkan(TUIK) rêjeya Enflasyonê ji bo meha Çiriya Pêşiyê(Cotmeh) eşkere kiriye, li gor par heman mehê enflasyon ji sedî 25,24 zêde bûye.

Cemal Kaşikçi ew rojnameger e ku li Balyosxaneya Erebistana Siûdiyê hatiye kuştin lê termê wî nehatiye dîtin. Zarokên wî dixwazin termê bavê xwe veşêrin/binax bikin.

Dewletên Yekbûyî yên Amerîkayê dabû zanîn ku piştî biryara îmzenekirina hevpeymana ji bo enerjiya nûkleer ceza dê li Îranê bê birîn. Dema cezayan îro dest pê dike.

Freedom House rêxistineka azadiya fikirînê ye ku navenda wê li DYAyê ye, wê rêxistinê diyar kiriye ku pêl bi pêl li warên dîjîtal otorîterî zêde dibe.

Bi beşdariya nûnerên bianet, Hewldana Li Dijî Sûcên Ramanê û P24ê wê panelek çêbibe. Di panelê de wê beşdar li ser rêyên têkoşînê yên li dijî çanda bêcezatiyê biaxivin. Panel wê bi rêya înternetê saet di 16.00ê bi awayekî zindî bê weşandin.