Bidenî aşkere kiriye ku wê dest deynin ser mal û milkên olîgarkên rûsî. Li Ûkrayneyê perwerdeya çêkirina molotofan didin gelî.

Dadgeha Federalî ya Iraqê biryar daye nabe ji bo Serokomariyê careke din namzet werin diyarkirin. Dadgehê di biryara xwe de diyar kiriye ku di vê mijarê de erk ne di destê Serokatiya Parlamentoyê lê di destê Parlamentoyê bi xwe de ye. Li gorî vê biryarê wê PDK nikaribe namzetekî diyar bike.

Parêzbendiya Semra Guzel, Parlamentera Amedê ya HDPê bi dengdana li Lijneya Giştî ya Parlamentoyê de hatiye rakirin.

Li ser bangewaziya HDPê, bi tevlibûna 7 partiyên siyasî daxuyaniyeke hevpar hatiye dayîn. Di daxuyaniyê de wiha hatiye gotin: “Kesek nikare Tirkiyeyê beşdarî bloka şer a NATOyê an jî Rûsyayê bike. Gelên aştîxwaz dê rê nedin vê hewldanê û dê nebin aliyekî şer.”

Ûkraynayê aşkere kiriye ku Rûsyayê bi moşekan êrîşî avahiya walîtiyê ya Xarkîvê kiriye. Welatên rojavayî jî biryarên sepandina cezayan û qedexeyan aşkere dikin.

Ger vê şemî û yekşemê hilbijartinek pêk bê, ne rêkevtina desthilatê ne jî ya mixalefetê, nikare di dora yekem de posta Serokomariyê bidest bixe. Di rêya bidawîkirina Sîstema Hikûmeta Serokomariyê û avakirina sîstema nû de HDP hîna hêza sereke ye.

Di peymana hevbeş de hatiye diyarkirin ku wê Sîstema Hikûmeta Serokomariyê bidawî bikin, benda hilbijartinê bixin, alîkariya darayî ya bi partiyên siyasî û namzetan re tê kirin were aşkerekirin û erka kontrolê ya Meclîsê zêdetir bikin.

TGC, TYS, TURKYAYBIR, Komeleya Nivîskaran (PEN) Komeleya Rojnamegerên Hemden nûnertiya Stenbolê bi daxuyaniyeke hevbeş bang li saziyên medyayê kirine ku li gorî rojnamegeriya aştîxwaz weşanên xwe bikin.

Yekîtiya Ewropayê wê bi bihayê 450 mîlyon Euroyî "çekên kujer" ji Ûkraynayê re bişîne. her weha wê bi bihayê 50 mîlyon Euroyî jî sotemenî û yên kelûpelên din jî rê bike.

Raportorê Daimî yê PEyê Nacho Sánchez Amorî gotiye ku Tirkiye dilsar e ku biryarên DMMEyê ji bo Kavala û Demîrtaşî dane, pêk bîne û ev jî nêrîneke neyênî li ser Tirkiyeyê çêdike.

Xwediyê Xebata Aştiyê ya Nobelî Dmitriy Muratovî Pûtîn bi van gotinan rexne kiriye: "Serfermandar ‘bişkoka nukleerê’ weke kilîldankeke erebeyeke biha di destê xwe de li ba dide.” Zêdetirî 100 rojnameger û 30 rojnameyên serbixwe jî belavokek bi navê “Ji şer re na” weşandiye.

Komîsyona Têkel a Destûra Bingehîn û Edaletê, rapora ku ji bo Parlamentera HDPyê Semra Guzelê amade kiriye, ji Civata Giştî ya Parlamentoyê re şandiye. Komîsyonê xwestiye ku parêzbendiya Guzelê rabe.

Komeleya Lêkolînên Kurdî wê di 7ê Adarê de dest bi dersên kurdî bike. Di vê serdemê de di kursan de dersên kurmancî û kirmanckî wê bên dayîn.

Piştî Rûsyayê êrîşî Ûkraynayê kir, gelek welatan bi mesajan rewş şermezar kiriye. Ûkraynayê ji Tirkiyeyê xwestiye ku Geliyan li Rûsyayê bigirin.

Pûtînî gotiye ku wan li bajarê Donbasê dest bi “operasyona leşkerî ya taybet” kiriye. Piştî vê daxuyaniyê li paytext Kîev û çendîn bajarên din ên Ûkraynayê dengê teqînan hatiye bihîstin.

Wezareta Xezîneyê ya DYAyê, piştî Rûsyayê cidabûna Komara Gel a Donetskê û Komara Gel a Luhanskê qebûl kir, biryar daye ku 2 bankên Rûsyayê, 42 hevkar û 5 kes ceza kiriye.

Ozturk Turkdogan, ji ber xebatên xwe yên mafparêziyê hate dadgehkirin. Dadgehkirina Turkdoganî wê 19ê Nîsanê dewam bike.

Serokdewletê Ûkraynayê Vladîmîr Zelenskiyî ji bo biryara Rûsyayê ya naskirina Donetsk û Lûganskê wiha gotiye: “Hemû berpirsiyariya encamên biryara hatiye dayîn, li ser milê Rûsyayê ye.”

Gonul Delîl û Havva Can, her du jin diçin li Komeleya lêkolînên ziman û çandê ya Arîyê û perwerdeya zimanê Kurdî dibînin. Delîl û Canê qala pêvaljoya perwerdeyê û veguherîna di jiyana xwe de kirin .

Mahmût Ozer, Wezîrê Perwerdeyê aşkere kiriye ku di qonaxa perwerdehiyê ya 2021-2022an de 20 hezar û 265 xwendekaran weke dersa bijarte kurdî hilbijartine.