Bi Biryarnameya Bi Hikmê Qanûnan a 672yê, ji 40 hezaran zêdetir karmend ji karî hatin derêxistin. Herî zêde ji MEBê hatine derêxistin.

Erdogan derbarê YPGê û operasyona Cerablusê de got: “Niha ji me re dibêjin ku ‘ew derbasî rojhilatê Firatê bûne’. Em jî dibêjin ku na derbas nebûne. Li gor tesbita me wê piştrast bibe ku derbasî rojhilatê Feratê bûne."

Serdozgeriya Komarê ji ber neh rojnameger beşdarî ‘’Nobedariya Berpirsiyariya Weşanên Ozgûr Gûndemê’’ bûne ji wan xwest ew îfadeyê bidin. Di nav rojnamegeran de, Nadîre Mater, Tûgrûl Yilmaz û Hasan Cemal jî hene.

Komeleya Jinên Nivîskar ji bo 1ê Îlonê Roja Aştiyê ya Cîhanê daxuyanîyek da û di serî de ji bo Necmiye Alpay û Asli Erdogan xwestin ku hemû nivîskarên girtî serbest bên berdan.

Li Çiyayê Tendûrekê yê navçeya Bazîdaxayê ya Wanê, di operayoneka li dijî PKKyîyan de şer derketiye, di şerî de PKKyîyan leşkerek û cerdevanek kuştine.

Berdevka Wezareta Karên Derve ya Rûsyayê, Maria Zaharovayê bang li Tirkiyeyê kiriye û gotiye divê Tirkiye êrîşan li YPGyê neke û hevalbendiyê digel Hikûmeta Sûriyeyê bike.

Li navçeya Berwarî ya Sêrtê li dijî hêzên PKKê operasyon hat lidarxistin û di encama şerê derketî de leşkerek canê xwe ji dest da, yek jî birîndar bû.

Nivîskar Vedat Turkalî ku di 29ê Tebaxê de wefat kiribû, piştî merasîma li Mizgefta Teşvikiyeyê wê li Goristana Zincirlikuyuyê were definkirin.

Berdevkê Pentagonê, Cookî li ser Operasyona Cerablûsê got: ‘’HSD çûye rojhilatê Ferdê û tiştê ez dizanim YPG jî di nav wan de ye.’’

Di hejmara 8an ya Kovara Zaremayê de bi feraseta nivîskarên ji gelek aliyan ve çawaniya sînemayê tê nirxandin. Di vê çarçoveyê de rewşa heyî ya sînemaya kurdî, pirsgirêk û kêmasiyên wê û siberoja çanda sînemayê di warê netewî, siyasî û hunerî di tehma zimanê kurdî de tê nîqaşkirin.De kerem bikin!

Endama Lijneya Şêwirmendiya Weşanê ya Ozgur Gundemê, fîlolog û nivîskar Necmiye Alpay bi hinceta “endama rêxistina çekdarî ye” û “xerakirina yekîtiya dewletê” hat girtin.

Duhî hin rêxistinên sîyasî yên kurdan li DTKyê ragihandibûn ku ew ê dest bi greva birçîbûnê bikin û heta digel rêberê PKKyê hevdîtin neyên kirin ew ê grevê bidomînin, piştî daxuyaniyê polîsan bi ser DTKyê de girtine .

Serokwezîrîyê li şûna Alayî wezîrê Wezareta Xebat û Ewlehiya Civakî erkdar kiriye.

HDP, HDK, DBP, KCD û KJA bi daxuyaniyeke hevpar diyar kirin ku eger ku di çarçoveya hiqûqê de bi Ocalan re hevdîtin pêk neyê wê di 5ê Îlonê de ji hêla 50 kesên dilxwaz ve gireva birçîbûnê bidin destpêkirin.

24 belavkarên Azadiya Welat ku di encama serdegirtina li ser avahiya navenda rojnameyê hatibûn binçavkirin, hê jî binçavkirî ne. Polêsan avêtin ser malên kesên binçavkirî jî. Parêzerê rojnameyê got ku wan derbarê binçavkirinan de ti muxatap nedîtine.

Li ser îdiaya ku Tirkiye û AAS di operasyona Cerablûsê de bi YPG û MLC re li hev kirine, berdevkê serokkomariyê û serokwezîrî gotin ‘’ti behsa hevpeymanekê nîne.’’

Walîtîya Dêrsimê ji 1ê Îlonê heta 15ê îlonê 31 cihên Dêrsimê wek ‘’Herêmên Ewlehiya Taybet’’ îlan kir.

13 gundên girêdayê navçeyên Lice û Hênê ya Amedê derketina derve hat qedexekirin.

Li gor rapora Komeleya Mafên Mirovan(IHD) di sala paşiyê de li herêmên derketina derve lê hatine qedexekirin, 320 kes hatine kuştin ku 75 ji wan zarok in.

Serokomar Erdogan ji ber pirsgirêkên siyaseta li hemberê YE, Îraq û Sûriyê jî Fetullah Gulen sûcdar kir.