Li gor rapora bianetê %23yê jinên hatîn kuştin û %17ê jinên bi giranî hatîn birîndarkirin, dixwestin ji mêrê xwe cida bibin. Êrîşên li jinên trans zêde bûne. Ji ber ku dibistan hatine girtin destdirêjiya li zarokên keç kêm bûne.

Wezareta Derve ya Rûsyayê di daxuyaniya xwe de ragihand ku li Sûriyeyê çalakî û operasyonên leşkerên artêşa tirk û mûxalifên ku piştgiriya wan dikin bêhiqûq e û ew ji vê yekê bi fikar in.

Du hûnermendên ku ji bo hevdîtin digel rêberê Partiya Karkerên Kurdistanê(PKK) Abdullah Ocalanî re bên kirin di greva birçîbunê de ne ji bianetê re axivîn. Herdu hunermendên Berfîn Emektar û Nazim Hîkmet Çalişkan behsa sebebên ew ketine di grevê de, tiştên wan li wê derê dîtine û bandora kêşeyên kurdan a li ser hûnerê kir.

Rojnamegerên Mehmet Guç, Faruk Balikçi, Pîrê Elewiyan Hasan Hayrî Şanli û hunermend Deniz Turkalî ku beşdarê kampayaya nobedariya weşanê ya ji bo Ozgur Gundemê bûbûn, gazî îfadedayînê hatin kirin.

Ji ber hewildana derbekirinê ya 15ê Tîrmehê, ji bo lêpirsîna li ser cimaeta Fethûllah Gûlenî, polîsan sê nivîskarên rojnameya Yenîçagê, Servet Avci, Adnan Islamogullari û Yavuz Selim Demirag desteser kirine.

Alîkarê Şêwirmendê Ewlehiya Neteweyî ya Amerîkayê Rhodes ragihand ku pirsgirêkên heyî li her deverê Sûriyê ye û got: “Li gorî me tehsîskirina hezên leşkerî yên Amerîkayê ji bo avakirina herêma ji firînê re qedexekirî ti encameke bo çareseriyê pêk nayne.”

Du akademîsyenên ku ji Zanîngeha Kocaelîyê hatine derêxistin. Doç. Dr. Ozlem Ozkanê got: ‘’Em ji karê civakê bêne derêxistin jî, em ê israra ji bo aştiyê bidomînin.’’ Prof. Dr. Onur Hamzaoglûyî jî got: ‘’Em [têkiliya digel] xwendekarên xwe li Kocaeliyê nahêlin.’’

EFJê ji bo nûçegihanên Evrenselê Cemîl Ugur û Halil Îbrahîm ku 15 roj in hatine binçavkirin û derbarê wan de ti agahî nayê dayîn de bang kir ku demildest serbest werin berdan.

DAIŞê li başûrê Çobanbeyê bi rokêtan êrîşî tangên TSKyê(Hêzên Çekdar ên Tirkan) kirin, sê leşker hatine kuştin çar jî birîndar bûne.

Deutsche Welleyê daxuyand ku wan ji bo bernameya xwe ya Conflict Zoneyê bi Wezîrê Werzişê Akif Çagatay Kiliç re li avahiya wezaretê hevpeyvîn kirine lê ji ber ku di wê hevpeyvînê de derbarê jikarderxistin û girtinên piştî hewldana derbeya 15ê Tîrmehê ji Kiliç hatiye pirsîn, wezîfedarên wezaretê dest danîne ser qeydên hevpeyvînê.

Yazdeh rêxistinên ragihandinê yên navneteweyî, li Stenbolê kom bûn û bi daxuyaniyekê da zanîn ku ji ber Rewşa Awarte û Biryarnameyên Bi Hikmê Qanûnan, li ser medyaya serbixwe zordariyeka ‘’nedîtî’’ hatiye kirin.

DMMEyê biryar daye ku leşker û polîsan di du operasyonan de, sê welatî bêdad înfaz kirine. Tirkiye dê ji ber ‘’binpêkirina mafê jiyanê’’ tezmînatê bide.

Li navçeya Payîzava ya Wanê di kolandina li Kela Çavuştepeyê genim û kunciyên 2800 salî hatin dîtin. Serokê ekîba kolandinê Doç. Dr. Rafet Çavuşoglu ragîhand ku eger reşbûyîna wan genîm û kuncîyan bî awayekî xwezayî pêk hatibe wê careke din hewl bidin ku ji nû ve were reşandin.

Di serdagirtina buroya Azadiya Welat de 11 xebatkarên rojnameyê ku hatibûn binçavkirin, 9 jê serbest hatin berdan, 2 rojnamegerên bi navên Arap Turan û Ferit Toprak hatin girtin.

Serokê Rûsyayê, Pûtînî gotiye: ‘’ Ji ber bûyerên li Sûriyeyê me pirsgirêkên li Tirkiyeyê didîtin. Ji bo ku mirov vê yekê fêm bike ne hewce ye ku analîst be.’’

Orhan Koçak yek ji pêşketî û rewşenbîrê edebiyata li Tirkiyeyê ye û îsal ew hêjayî Xelata Erdal Oz ya Edebiyatê hat dîtin.Erdal Oz damezirinerê Weşanên Canê ye û malbata wî her sal ji bo bîranîna wî merasîma Xelata Erdal Oz ya Edebiyatê lidar dixe. Îsal Orhan Koçak hêjayî xelatê hat dîtin.

Îtîraza ji bo girtina nivîskar û endama Lijneya Şewira Weşanê ya Rojnameya Ozgur Gundemê Asli Erdogan hat redkirin.

Dadgeha 2. a Cezayên Giran a Amedê, ji bo lêpirsîna KCKyê biryar da parlamenterên Partiya Gelan a Demokratîk(HDP) ji bo dadgehê ‘’bi zorê bide anîn.’’

50 siyasetmedarên kurd ji bi di çarçoveya hiqûqê de bi Ocalan re hevdîtin were kirin bi awayekî bêdorveger dest bi gireva birçîbûnê kirin.

Li navçeya Çelê ya Colemêrgê çar roj in ku di navbera PKKyîyan û leşkeran de şer heye. Serê sibeyê di şerî de du leşker hatine kuştin.