Li eyaleta North Carolinayê ya Amerîkayê piştî protestoyên ji bo şermezarkirina êrişên li dijî welatiyên zengî, ji ber ku 4 polês bi şûşeyên pet birîndar bûne rewşa awarte hat îlankirin. Polêsan gule reşandin ser xewpêşandanek û wî birîndar kirin lê polêsan vê yekê qebûl nekirin.

Li Salona Pêşangehan a Cezayîrê pêşangeheka wêneyan a bi navê ‘’Yên ku li ser axa xwe biyanî ne: Êzidîyên Şingalê’’ dê di 23yê Îlonê de bê vekirin.

Beriya hefteya 600. a çalakiya Dayîkên Şemiyê Besna Tosuna keça Fehmî Tosun ku ew jî piştî binçavkirinê hatibû qetilkirin, got: “Di hefteya 600. de û ji vir şûn de jî em bang li her kesî dikin ku bila piştgiriya daxwazên me yên heqîqet edalet û aştiyê bikin.”

Serokwezir Yildirim derbarê êrişkarê ku ewil hat berdan, paşê jî hat girtin de axivî û got: “di pergala edaletê de pirsgirêk heye, biryarên hiqûqî ne li gorî berteka civakê, li gorî qanûnan tên dayîn.

Hikûmetê dema hatina rapornivîsê îşkenceyê yê Neteweyên Yekbûyî bi paş de da, rapornivîsê NYyê Méndez, dê di Çiriya Pêşiyê de bihatiya Tirkiyeyê hatina wî heta demekê nedîyar hat paşdedan.

Erdogan û Joe Biden li New Yorgê hevdîtin pêk anîn û derbarê Operasyona Sûriyê de axivîn.

Xelatên Emmyê yên ji bo nûçe û belgefîlman hatin belavkirin. Tîma nûçeçêkirinê ya BBC World News Amerîcayê ya ku Zeynep Erdîm jî tê de ye xelat stand.

Beriya hefteya 600. xwişka Hasan Ocak bang kir: "Em ê her tim hesab bipirsin. Bila her kes ne tenê ji bo hefteya 600., divê her dem piştgirî bidin vê israra me."

Ahmet Altanê ku ji berpirsê weşana rojnameya Tarafê yê berê bû û Prof. Dr. Mehmet Altan ji 10ê Îlonê ve girtî bûn, dadgehê biryara girtina Mehmet Altanî da, Ahmet Altan serbest berda.

Medyaya Yûnanîstanê ragihand ku ji 8 leşkerên di derbeya leşkerî ya 15ê Tîrmehê de çûbûn Yûnanîstanê, daxwaza penaberiyê ya 3 leşkeran nehatiye qebûlkirin.

Li Şaredariya Hezexê qayûm hat tayînkirin. Hevşaredarê Hezexê Mehmet Muhdi Aslan jî di encama serdegirtina mala wî bi hinceta “endamê rêxistinê ye” hat binçavkirin.

Serokê PYDyê, Salih Mûslîmî dîyar kiriye ku wan ti îdiayên avakirina dewleteka kurdan li Sûriyeyê nînin. Ji bo kantonan jî Mûslîmî gotiye ji xwe piştî li Sûriyeyê îstiqrar çêbibe yekîtî dê çêbibe.

Kesekî ku di destê wî de kêr hebû xwest ku biçe balyozxaneya Îsraîlê û êrişê wir bike. Wî kesî di îfadeya xwe de got: “Min ji bo rawestandina xwîna ku li Rojhilata Navî dirije vî yekê kir.”

Neteweyên Yekbûyî piştî êrîşa li konvoya wê hatî kirin biryar da ku ew ê li sûriyeyê xizmetên ji bo alîkariyên mirovî bisekinîne. Amerîka ji bo êrîşê Rûsya û Sûriyeyê tewanbar dike, Rûsya vê yekê qebûl nake.

Nivîskar Asli Erdogan ku ji 19ê Tebaxê vir ve girtî ye, hejayê xelatê yê Tucholskyê hat dîtin.

Nûçegîhanê DÎHAyê Feyyaz Imrak piştî rûniştina duyem a dozê hat tehliyekirin. Imrak ji 15ê Sibatê vir ve girtî bû.

Erdogan li Neteweyên Yekbûyî(NY) li ser FETOyê, operasyona Mûsilê û şerê li Sûriyeyê axivîye.

Wezareta Parastin a Rûsyayê di daxuyaniya xwe de ragihand ku ne balafirên şer ên Rûsya û ne jî yên Sûriyeyê êrişî konvoya Neteweyên Yekbûyî nekirine.

Rewşenbîrê kurd, Mûsa Anter(Apê Mûsa) ji beriya 24 salan li taxa Cumhuriyetê li kolana 442. hat kuştin, îro Mûsa Anter li cihê ew lê hatî kuştin hat yadkirin.

Dayîkên Şemiyê ku wê di 24ê Îlonê de cara 600. li Galatasarayê bin di bangewaziya xwe de wiha gotin: “Em bang dikin ku di 24ê Îlonê de her kes li cihê ku lê ye li dijî tinêkirin û kuştinan re ji bo rûmeta mirovahiyê dengê xwe bilind bike.”