Hayatin sesî, Azadî TV, Jiyan TV, Van TV, TV10, Denge TV û Zarok TV jî tê de weşana 10 televizyonan a li ser TURKSATê hat sekinandin.

Hevserokên Giştî yên HDPê ji Serokê Gêrîlayên FARCê Timeleon Jimenez û Serokê Dewleta Kolombiyayê Juan Manuel Santoyê re name şandin û aştiya ku hatiye îlankirin pîroz kirin.

Wezareta Parastinê ji bo li ser sînorê digel Sûriyeyê yê 911 kîlometreyî dîwar bê çêkirin, TOKI erkdar kir. Li ser hemiya sînorî dîwarekê bi sê metreyan bilind dê bê çêkirin û têlên jilêt pê ve dê li ser dîwaran bêne honandin.

Parêzer Durak ragihand ku ti hincet ji kesên ji ber RedHackê binçavkirîne re nayê gotin û got ku ew kesana li Mudiriyeta Emniyetê ya Enqereyê bi awayekî sîstematîk rastî îşkenceyê tên û polîsan hewl didin ku bi vî awayî delîlan çêbikin.

Jürgen Baurmann, Judith Butler, Margaret Atwood û Costa Gavras tê de 303 nivîskar, akademîsyen, hûnermend, mafparêz û zanyaran ji bo azadiya rojnameger û nivîskaran îmze avêtine bangnameyeka ji bo hikûmetê.

KESKê bi daxwaza “Bila OHAL were rakirin, pêkanînên KHKan paşve bikşînin” biryar da ku ji 29ê Îlonê şûnde li gelek deverên Tirkiyeyê çalakî werin lidarxistin.

Şîmon Peresê ku serokwezîrê berê û serokkomarê 9. yê Îsraîlê bû, li Tel Avîvê mir.

Hevserokê Giştî yê HDPê Selahattîn Demirtaş got: “Dibe ku di nav çend rojên bê de li Tirkiyeyê li dijî parlementerên me û partiya me bi xwe dînîtiyên weke binçavkirin, birina bi darê darê zorê û girtin, were kirin.”

Parêzer Gulay Koca Ozturkoglu ku di Komîsyona Hiqûqê ya DBPê de cih digire got ku KHKên OHALê ku pê dest danîne ser şaredariyê wan û qayûman lê erkdar kirine, ji hêla hiqûqê ve çewt û xelet e.

IHD(Komeleya Mafên Mirovan) ji bo rakirina Rewşa Awarte û betalkirina qanûnên di wê demê de dest bi kampanyayeka îmzekomkirinê kir.

Ji ber hewildana derbekirinê 87 xebatkarên MITê(Rêxistina Îstixbarata Neteweyî) bi tometa ku ew endamên FETOyê(Rêxistina Terorî ya Fethûllahgir) ji karî hatin derêxistin.

Rûniştina doza derbarê Arzû Demir de ku ji ber pirtûka wê ya 'Dagin Kadin Halî' hatiye vekirin, îro li 13. Dadgeha Cezayê Giran ya Stenbolê hat kirin. Doz taloqî 8ê Mijdarê hat kirin.

Parêzerên Ozgûr Gûndemê ji bo doza girtina rojnameya Ozgûr Gûndemê serî li Dadgeha Makeqanûnê da.

Di rûniştina doza qetilkirina Mûsa Anter de ku bi doza JÎTEMê re kirine yek de Veli Kuçuk îfade da û îdia kir ku “ti tevger an saziyeke JÎTEMê nîn e, wî Mahmut Yildirimî li cem xwe nedaye xebatê û qetilkirina Apê Mûsa jî ji çapemeniyê bîhistiye”.

Piştî şerê 52 salan, Hikûmeta Kolombîyayê û gerîllayên FARCê hevpeymana aştiyê îmze kir.

Li ser riya Şirnex-Wanê li nêzî Girtîgeha Şirnexê di encama êrişa hêzên PKKê de 6 leşker hatin kuştin, 2 jî birîndar bûn.

Me li gorî agahî û raporên Komeleya Mafên Mirovan ya Şaxa Amedê û Navenda Heqîqet, Edalet û Hafizayê înfografîka doz û lêpirsînên derbarê kesên windakirî de amade kir.

Saziya medyayê ya Almanyayê, Deutsche Welleyê(DW) ji ber ku wezîrê Werzîş û Ciwaniyê dest danibû ser dîmenên wan, doz li wezîrî vekiriye.

Derbarê Arzû Demir de doza ku ji ber pirtûka wê ya 'Dagin Kadin Halî' hatiye vekirin, sibe 13. Dadgeha Cezayê Giran ya Stenbolê dest pê dike.

Li Mêrdînê dema minubusa ku leşker û cerdevan tê de derbas dibû teqîn pêk hat û di encamê de 2 tîmên taybet hatin kuştin û 8 ji wan jî birîndar bûn.