Ji hêla serokomariyê ve ‘Mitînga Demokrasî û Şehîdan’ tê lidarxistin. Kiliçdaroglu ku beriya niha gotibû wê tenê heyeteke CHPê beşdarê mitîngê bibe, biryareke nû da ku ew ê jî bi xwe jî biçe mitîngê.

Akademîsyen Doç. Candan Badem ku hatibû binçavkirin, piştî serbest hat berdan di twîtterê de got: ‘Ez keseke sosyalîst, marksîst û ateîst im. Hûn çawa dikarin navê min bi FETO re bi kar bînin. Armanca wan kesên ku navê min bi FETO re tînin ziman dibe ku bixwazin lêpirsînan vala derxînin.’

Mumtazer Turkone jî di nav de 12 rojnamegerên ku piştî hewldana derbeya 15ê Tîrmehê di çarçoveya lêpirsîna li dijî cemaeta Fetullah Gulenî hatibûn binçavkirin, îro hatin girtin.

Walîyê berê yê Stenbolê Hûseyîn Avnî Mûtlû jî tê de 12 kesên walî, cihgirên waliyan û qeymiqam bi tewana ‘’endambûna rêxistina terorî’’ hatin girtin.

Li Londonê Weqfa Tahîr Elçîyî hat avakirin. Hevsera wî Tûrkan Elçîyê got: ‘’ Me bi hêviya ku bêyî em cidayê bêxin di navbera mirovan de em bikarin li nik wan bin û aşên wan bibihîsin me Weqfa Tahîr Elçîyî ava kir.’’

Rektorê Zanîngeha Pamukkaleyê Prof. Huseyîn Bagci ji wezîfeyê hat dûrxistin. Hejmara rektorên ku piştî hewldana derbekirinê ji wezîfeyê hatine dûrxistin, derket 5an.

Parlementera HDPê Meral Daniş Beştaş xwest ku îxlalkirinên mafan ku bi destpêka OHALê ve gelek zêdebûne werin lêkolînkirin û pêkanînên dijmirovî ku li hemberî girtî û mehkûman pêk tînin jî bi dawî bibe.

Piştî ku Erdoganî biryar da ew dozên heqaretê yên li xelkê vekirî betal dike, Yildirimê serokwezîr jî heman biryar da. Parêzerê Yildirimî eşkere kir ku wan dest ji hezar û 500 dozan berdaye.

YOKê daxuyanîyek ji bo xwendekarên ku bi qanûna Halê Awarte zanîngeha wan hatiye girtin belav kir. Xwendekar dê li gor pûanên xwe yên sala wan dest bi zanîngehê kiribû, zanîngeheka dî hilbijêrin.

Li Colemêrgê li ber derîyê şaredariyê HDP û DBPyîyan nobeta ‘’bila derbe nebin, dila demildest demokrasî hebe’’ digirtin û ji bo vê yekê kon danibû, polîsan bi ser konê nobetê de gitine.

Şaredariya Colemêrgê ji ber bajêr dikin navçe bertek nîşan da û got: ‘Li Tirkiyeyê hêjî welatiyan nikarin ji bo siberoja xwe biryaran bidin’. Esnafên li bajêr îro dikanên xwe venekirin.’

Almanyayê ji bo sivîlên ku li Helebê asê mane bangewaziyê kir ku bila destûr ji NYê re were dayîn ku alîkarî ji wan sivîlan re bibe.

Doç. Dr. Evren Baltayî bersiv da pirsa me ya gelo artêş dikeve di destên sivîlan de an jî hewildanek e ku hêz hemî li yek navendê kom bibe.

Parlementerê HDPê Atalan di axaftina xwe ya li meclisê de daxwaz kir ku baweriya êzdiyan bi awayekî fermî were naskirin, şertên ji bo îbadetkirina wan were pêkanîn, biryar bê girtin ku cih û mekanên wan ên pîroz û dîrokî werin parastin û tehrîpkirina gundên êzdiyan were tespîtkirin.

Li navçeya Sûrê ya Amedê, da ku zarok sehma(sam) şer û qedexeyan ji ser xwe rakin û bikarin xwe îfade bikin ji bo 8 hefteyan atolyeyeka wêneyan hat dest pê kirin.

Di duyemîn salvegera Qetlîama Êzidiyan de li gelek bajaran jin daketin qadan û komkujiya ku ji hêla DAIŞê ve hatibû kirin, şermezar kirin.

Nûçeyên ku li ser Bilal Erdoganî hatibû çêkirin û tê de hatibû dîyarkirin ku wî pereyên neqanûnî kirine qanûnî û li Îtalyayê lêpirsîn li ser wî hatiye vekirin hatine astengkirin.

2. Festîvala Fîlman a Amedê di navbera 4-13ê Mijdarê de wê were lidarxistin. Serlêdanên ji bo festîvalê jî dê heta 15ê Îlonê bidome.

Ji sedî 11ê jinên hatîn kuştin, ji beriya ku bêne kuştin dadgehê biryara parastina wan daye. Ji sedî 11ê jinan ji ber ku xwestine ji mêrê xwe cida bibin hatine kuştin.

EGITIM-SENê ragihand ku piştî hewldana derbeya 15ê Tîrmehê 136 endamên wan ji wezîfeyê hatine dûrxistin û diyar kir ku dewsa kesên ku ji wezîfeyê hatine hilanîn de wê xebatkarên demkî werin wezîfedarkirin û bo wan yekan bertek nîşan dan.