Cihgirê serokê Amerîkayê vê sibeyê hatiye Enqereyê, mijara sereke ya axiftinê Sûriye ye. Yek ji rayedarên Amerîkayê jî piştgiriya xwe ya ji bo operasyona Cerablûsê diyar kir.

Hevserokê PYDê Salih Muslim derbarê operasyona Cerablusê de got: ‘Tirkiye wê di gola genî ya Sûriyê de têk biçe.’ Erdogan jî derbarê gotinên Muslim de wiha got: ‘Hûn hesabê siberoja xwe bikin.’

Wezîrê karên navxweyî, Efkan Alayî ji bo operasyona li ser Sûriyeyê got: ‘’ Tirkiye dê ewlehiya sînorên xwe biparêze. Dema Tirkiye vê yekê dike jî li gor têkilî û hesasîyetên navneteweyî dike.’’

Bi biryara BTKê careke din malperên DIHA û JÎNHAyê hatin qedexekirin. Heta niha 44 caran malpera DIHAyê, 9 caran jî malpera JÎNHAyê hatine qedexekirin.

Hêzên Çekdar ên Tirkan(TSK) digel hêzên hevpeyman li dijî DAIŞê dest bi operasyoneka li ser Cerablûsê kir.

Li navçeya Geverê piştî li dijî maşîneyek zirxî ya polîsan çalakî pêk hat, heta 3 rojan derketina derve hat qedexekirin.

Rojnameyeke nû ya ku demokrasî, jin, mafên mirovan, ked û ekolojiyê esas digire derket pêşberî xwendevanan. Rojnameya Ozgurlukçu Demokrasî ya ku ji bo nûçegihaniya azad namzet e îro li bayiyan e.

Piştî ku Dadgeha Makeqanûnê jî serlêdana derbarê Qetlîama Roboskiyê de red kir, dosye bi serlêdana 281 kesan ve çû DMMEyê.

Polîsên hêzên taybet li navçeya Silopyayê ya Şirnexê dema bi ser malan de digirt, nûçegihanê DIHAyê, Sabahattîn Koyuncu desteser kiriye.

Sê roketên ji Sûriyeyê hatine berdan li Kilîsê ketine, topeka hewanî li navçeya Karkamişê ya Dîlokê ketiye.

Li navçeya Qilebanê ya Şirnexê bombeya ku li ser rê hatibû bicihkirin, dema wesayîta leşkeran derbas dibû hat teqandin û di encamê de 2 leşkeran canê xwe ji dest dan. Li Şemzînanê jî di encama êrişa li dijî wesayîta leşkerî de 3 leşkaran canê xwe ji dest dan.

Dadwerê doza Hrant Dink ku derbarê cinayetê de biryara ‘rêxistin nîn e’ dabû hat girtin.

Li Tirkiyeyê di 15ê Tîrmehê de hewildana derbekirinê hat kirin ku Tirkiyeyê ji ber wê biryara girtina Fethûllah Gûlenî daye, heyeta Amerîkayê ji bo hevdîtinên li ser îadekirina Gûlenî hatiye Tirkiyeyê.

Berpirsê Weşana Girştî ya Ozgur Gundemê û Mudirê Karên Nivîsan Înan Kizilkaya piştî ku li Dadgeha Stenbolê îfade dan dozgeriyê ji hêla dadweriyê ve hatin girtin.

Yildirimê serokwezîr, li ser êrîşa Dîlokê got: ‘’ Mixabin ne rast e ku bi qinaeteka zû em bibêjin kê an kîjan rêxistinê ev êrîş kiriye, ji bo agehdarkirina civakê jî ev yek ne rast e.’’

Heyeta Îmraliyê diyar kir ku divê bi awayekê ciddî, hikumet dewlet û hêzên demokrasîyê li daxuyaniya duhî hatî eşkerekirin a KCKyê binêrin.

Tugba Tekereka rojnameger dema ku ji bo çêkirina nûçeyekê wêne digirtin hatibû desteserkirin, serdozgerî bêyî îfadeya wê bistîne biryara serbestberdana wê da.

Hejmara ‘’Fa’il heman kes e, armanc heman tişt e’’ ya Rojnameya Ozgûr Gûndemê ya ku Rojnameya Atilimê ji bo hevgiriyê wek pêvekekê derxistibû dê bê komkirin.

3 kesên ku di encama êrişa bombeyî ya li dijî daweta li Dîlokê bi giranî birîndar bûbûn îro destê sibehê canê xwe ji dest dan û bi vî awayî hejmara kesên qetilkirî derket 54an. Hêjî li nexweşxaneyan 66 birîndar hene û rewşa 14 ji wan giran e.

Qetilkirina Hande Kader li Stenbol Îstiklalê bi meşa lidarxistî ve hat şermezarkirin. Di meşê de alên keskesorê hatin vekirin. Polêsan nehiştin ku meş heta Qada Galatasarayê bidome.