Saziya Agahî û Ragihandinê (BTK) ragihand ku derbarê êrişên li Balafirgeha Ataturkê de hemû belavkirin û parvekirinên nûçeyan hatine qedexekirin û got: ‘Derbarê parvekirinên ku di nav civakê de dibe sedema înfîalê û kesên ku vê yeke pêk tînin de li gorî qanûnê dê pêvajoya lêpirsîn û dadkirinê dest pê bike.’

Li Termînala Xetên Derveyî ya Balafirgeha Ataturkê duh saet 22:00an de 3 êrişên xwekujê pêk hatin û heta vê deme 36 kesan canên xwe ji dest dan û 147 kesan jî birîndar bûne.

Bînalî Yildirimê serokwezîr dîyar kir ku şeva dî sê êrîşkaran li ser Firîngeha Atatûrkî êrîş kiriye û bi êrîşê 36 kes mirine.

Li Balafirgeha Atatûrkî, li beşa firîna ji bo derveyî welatî du teqîn çêbûn

Erol Onderoglu û Ahmet Nesin ku ji ber hevgiriya bi Ozgur Gundemê re beşdarê kampanyaya nobedariyê girtî ne, ji Metrisê şandin Girtîgeha Silivriyê.

Derbarê 53 pirtûkên Weşanên Aramê ku di nav de yên Abdullah Ocalan, Sakine Cansiz û Apê Mûsa biryara komkirinê hat dayîn û ew pirtûkana hatin qedexekirin.

Li Navçeya Pîranê ya Amedê, PKKyê êrîşî tirimbêla polîsan kir, polîsek kuşt. Polîsek û şeş welatî birîndar bûn.

Hevserokê Gişti yê HDPê Selahattîn Demirtaş gotinên Erdogan yên ‘Eger pêwist be em ê dîsa balafira Rûsyayê bixin, em ê bi ti awayî lêborîn naxwazin’ bi bîr anî û got: ‘Ew pirsgirêkana bi nameyeke çareser nabe.’

DISK, TTB, TMMOB û KESKê daxuyaniyeke hevpar dan, yên ku li Tirkiyeyê diqewimin bi tundî rexnekirin û ragihandin ku divê demildest Eniya Demokrasiyê were avakirin.

Onderoglû, Korur Fîncanci û Nesîn ên ku ji bo hevgiriya digel Ozgûr Gûndemê bûbûn berpirsên weşana wê û hatibûn girtin, li benda dadkirinê ne.

Serokwezîr Yildirimî jî gotibû ku naveroka nameyê gelek zelal e, wan xemgîniyên xwe anîn ziman û amade ne ku tamînatê jî bidin. Lêbelê AAyê hêjî îdia dike ku di wê nameya ku Erdoganî ji Putîî re şandiye de bi ti awayî behsa lêborîn û tazmînatdayînê nîn e.

UNICEFê raporek belav kir, li gor raporê heta 2030ê, 167 milyon zarok dê di şertên xerab ên hejariyê de bijîn.

Francisê Papa, eşkere kir ku dêr nikare biryaran li ser cimaeta homoseksûelan bide, divê dêr lêborînê ji wan civatan bixwaze ku dêrê berê navên wan reş kirine.

Serokê Dîwana Konfederasyona Rûsyayê lêborînxwestina Erdoganî wek gaveka erênî nîşan da. Serokê Dîwana Têkiliyên Navneteweyî, Konstantin Kosaçevî diyar kir xwestina lêborînê ne bes e.

Yildirimê serokwezîr bersiva pirsên li ser hevpeymana digel Îsraîlê, lêborînxwestina ji Rûsyayê û têkiliyên digel Yekîtîya Ewropayê da.

Polêsan îro li Stenbol Gaziyê bi ser nûçegihana Kovara Yuruyuşê Ebru Yeşilirmak gule reşandin. Di encamê de Yeşilırmakê bi giranî birîndar bû û wê rakirin nexweşaxaneyê.

Berdevkê Kremlinê Dmitry Peskovî ragihand ku Erdogan ji bo xistina balafira Rûsyayê û kuştina pîlotê wê lêborîn ji Serokê Dewleta Rûsyayê Vladimir Putinî xwest.

Yildirimê serokwezîr got: ‘’ [Îsraîl] dê 20 milyon dolaran wek tazmînat bide [Tirkiyeyê], dê astenga li ser Filistînê dê rake TOKI dê li Gazzeyê avahiyan çêbike.’’

Serokwezîrê Îsraîlê Netenyahuyî got: ‘Wê bi peymana ku me danî re gaza xwezayî ya Îsraîlê bi ser Tirkiyeyê ve bighije Ewropayê.’

Di hilbijartina Îspanyayê de dengên herî zêde partiya Mariano Rajoyê serokwezîr stand. Partiya serokwezîrî ya bi navê Partiya Gelî nikare bi serê xwe hikumetê ava bike û dê bi partiyên dî re hikûmeta bi koalîsyonê pêk bîne.