Erol Onderoglûyê Raporên Çavdêriya li Medyayê, ji bo bianetê amade dike û berpirsê RSFyê yê Tirkiyeyê bi hêceta ew bûye berpirsê weşana Ozgûr Gûndemê, yê nobedar daxwaza girtina wî hat kirin.

Rêxistina Çavdêriya li Mafên Mirovan(HRW) daxuyand ku neyîna karî, dibistanan û xizmetên ji bo saxlemiyê dê bibe sebeba wê yekê ku hejarî çêbibe.

Navenda Çavdêriya li Mafên Mirovan a Sûriyeyê, da zanîn ku leşkerên Tirkiyeyê li wan kesên dixwestin ji sînorî biborin reşandine, 8 penaber kuştine ku 4 ji wan zarok in.

Walîtiya Stenbolê daxuyand ku Meşên Rûmetê hatîne qedexekîrîn. Komîteyên Rûmeta Transan û ya Rûmeta LGBTI+ Stenbolê derbarê wê biryara walîtiyê de daxuyanî dan bianetê.

Artêşa Iraqê ragihand ku artêşê serê sibeyê navenda bajarê Fellûceyê kontrol kiriye.

Hunermenda navdar Sezen Aksuyê ji bo Hefteya Rûmetê ji komîteya organîzeyê re peyam şand û got: ‘Ti tundî nikare kesan ji xweza û baweriya wan dûr bîxe. Paşiya paşî wê evîn serbikeve.’

Swîsrayê ji beriya 24 salan bi daxwaza endambûna Yekîtîya Ewropayê serî li wê rêxistinê dabû, Swîsrayê ew daxwaza xwe betal kir.

Jin li dijî rapora Komîsyona Cihêbûnê ya Meclisê wê li gelek bajaran çalakiyên hemwext li dar bixin.

Dewra perwerdeyê ya salên 2015-2016ê îro qediya. Ezmûnên xwendekarên xwendina navê û lîseyê hene. Dewra perwerdeyê ya salên 2016-2017ê dê li 19ê Îlonê dest pê bike.

Sekretera Giştî ya DISKê ku bi hinceta ‘heqaret li serokomar’ kiriye hatibû binçavkirin, serbest hat berdan.

Erdoganê serokkomar piştî xwarina fitarê axivî û ji Yekîtîya Ewropayê re got: ‘’ Hûn dixwazin bi wan pertalan peyaman ji kê re rêkin? Bila hûn bizanin ku ev kiryar dilê Tirkiyeyê xweş nakin.’’

Hevserokatiya Konseya Rêveber a KCKê di daxuyaniya xwe ya îro de got: ‘Pirsgirika kurdî ancax bi desthilatdariyeke xwedî zihniyeta demokratîk re çareser dibe.’

Komîsyona lêkolînê ya Konseya Mafê Mirovan a Neteweyên Yekbûyî daxuyand ku DAIŞê li Sûriyê û Îraqê Êzdî qir kirin.

Li gor plana hatî danîn dîwarê 350 kîlometreyî yê li ser sînorê Tirkiye-Sûriyeyê dê li serê salê bê temamkirin.

Prof. Dr. Zeynep Balikçioglu bi hinceta ‘heqaret li serokomarî kiriye’ ji hêla Rêveberiya Zanîngeha Bilgiyê ve ji kar hat derxistin.

Dewletên Yekbûyî yên Amerîkayê, duhî da zanîn ku pêngava pêşiyê ya operasyona Minbîcê hatiye temamkirin.

Rêxistina Bexişînê ya Navneteweyî ji bo Orhan Aslan (19) û Muhammet Aydemir (16) ku li navçeya Giyadînê ya Agiriyê li firûna ku lê dixebitîn de hatibûn kuştin, daxwaz kir ku hemû agahiyên derbarê bûyerê de were zelalkirin û sûcdar werin cezakirin.

Navenda Giştî ya Polîsên Stenbolê, bi daxuyanîyekê dîyar kir ku polîsan ji bo girtina gumanbarekê bi ser mala Fîgen Yûksekdagê de girtiye.

Serokatiya Telekomînîkasyonê ya Ragihandinê sîteya bi navê webcache.googleusercontent.com qedexe kir.

Welatiyê bi navê Levent Yeşilot ku di encama êrişa li Veznecilerê de birîndar bûbû, duh canê xwe ji dest da.