Parlementera Amedê ya HDPê derbarê zarokeke ku li Girtîgeha Maltepeyê îşkence lê hatiye kirin de pirsname da meclisê.

Di operasyona ji bo Tevgera Mertalê Firatê li El Babê tê kirin de du leşker dî jî mirin. Hejmara leşkerên ji duhî ve mirîn bû 16 bi temamî di operasyonan de 37 leşker li Sûriyeyê mirine.

Dadgehê daxwaza bera’etkirinê ya herçar akademîsyenên aştîxwaz, Esra Mungan, Meral Camci, Muzaffer Kaya û Kivanç Ersoyî qebûl nekir. Herçar akademîsyenan îmze avêtibûn bangewaziyeka aştiyê.

Serokwezîr Yildirim di civîna serokên bajêr ên partiya xwe de axivî û derbarê makeqanûna nû û geşedanên li Sûriyê de nirxandinan kirin.

Heyeta Bloka Aştiyê li Girtîgeha Edirneyê Hevserokê Giştî yê HDPê Selahattîn Demirtaş ziyaret kir û wan peyama Demritaş ragihand: “Divê di van rojên ku tundî û qetlîam zêde ne de dengê aştiyê zêdetir derkeve.”

Leşkeran li ser El Babê operasyonek kir. Di operasyonê de şer der ket. Di şerî de 10 leşker mirin. Bi temamî di wê operasyonê de hejmara leşkerên mirîn bû 35.

Derbarê Mudirê Nûçeyan ê Ajansa Nûçeyan a Firatê Maxime Demiralp ku di 15ê Kanûnê de li Belgiûmê (Belçika) hatibû binçavkirin de, biryara girtinê hat dayîn.

Baluken di nameya xwe de got: “Êrişên bêhiqûqî, li vir jî bi tecrîtkirinê pêk tên.” Gulser Yildirim jî got: “Ji bo welateke ku her kes bikaribe tê de bijî, divê her kes bi awayekî aştiyane berxwe bide.”

TSKyê li El Babê operasyonek pêk anî, di operasyonê de şer derket 4 leşker mirin û 15 leşker birîndar bûn.

Li Weqfa Hrant Dinkê bi moderatiya Nûrcan Akad ve Prof. Alankuş, parazvanê mafê mirovan Çelikhan û rojnameger Çubukçu wê li ser “Li Tirkiyeyê Rojnamegeriya Aştîxwaz û Medya” de biaxivin.

Şaredariya Bajarê Mezin a Amedê tabelaya xwe guhert. Navê Amedê hatiye rakirin, T.C. û alaya Tirkiyeyê li tabelayê hatiye zêdekirin.

Ji bo rûniştina nehem a birêvebirina doza kuştina Hrant Dînkî, lêpirsîna li ser serokê îstixbaratê yê hingê, Ramazan Akyûrekî temam bû.

Piştî girtina hevşaredarên navçeyê li Şaredariya Hawêlê qayayûm hat tayînkirin. Qahyûm jî qaymeqamê navçeyê Mehmet Kocabey e.

Li Berlînê bi êrîşekê 12 welatî mirin, DAIŞê eşkere kir ku wê ew êrîş kiriye. Penaberê desteserkirî serbest hat berdan.

Hevşaredarê Xizanê Îhsan Ugur, Hevşaredarê Motkanê Ozcan Birlik, Hevşaredarê Tatikê Felemez Aydin, Hevşaredarê Hawêlê Selva Erdogan û Hevşaredarê Weysil Qeraniyê Enes Cengiz hatin girtin.

HDPyê li ser dema qedexeya derketina derve ya Geverê raporek çêkir. Qedexeyê 78 rojan dom kir. Di wê demê de 90 kes mirine û 6 hezar û 707 mal tehrîb bûne.

Di 17ê Kanûna Pêşiyê de li Qeyseriyê êrîşeka bi bombeyan li otobêseka leşkeran hat kirin û 14 kes bi êrîşê miribûn. TAKê da zanîn ku êrîşa li Qeyseriyê wê kiriye.

Polîsê bi navê Ufuk Bozgeyik ku di teqîna li Beşiktaşê de birîndar bûbû, mir. Bi vî awayî hejmara kuştiyên di encama teqînê de derkete 45an.

Rêvebirê ÇHDê Parêzer Barkin Timtik jî tê de 26 kesên ku ji cemgehê hatibûn binaçavkirin de biryara girtinê hat dayîn.

Merkel piştî êrîşa li Berlînê hatî kirin ku bi wê êrîşê 12 welatî hatibûn kuştin axivî. Mekelê got: “zehmet e em bi penaberan re têkildar bikin.”