Li nezî gundê Atadogdu ya Dêrsîmê navbera leşker û hêzên PKKê de şer derket û çawîşekî pispor canê xwe ji dest da.

Ajansa Anadolûyê ragihand ku Tirkiye û Rûsyayê ji bo agirbesteka li Rûsyayê li hev kiriye û li ser planekê dixebite. Berdevkê Kremlînê Dmitriy Peskovî got “li ser wê yekê agahiyên min ên berfireh nînin.

Di maça Gençlerbirligi û Amedsporê de tenê kesên ku li Amedê ji dayîk bûne wê karibin têkevin tirîbunên Amedsporê.

Parlementerê Şirnexê yê HDPê Ferhat Encu bo 5. salvegera Qetlîama Roboskiyê ji malbatan re name şand.

Li Girtîgeha Maltepeyê du girtiyên zarok ji ber pirtûkên wan nadin wan, televizyon û sarincê wan hatine hilanîn û mafê wan ê hewahilanînê tê astengkirin bertek nîşanî gardiyan dan. Her du zarok gireva birçîbûnê dane destpêkirin.

Li 11 gundên gundên girêdayê navçeyên Lice, Hezro û Karazê yên Amedê derketina derve hat qedexekirin.

Hevşaredara Agirîyê, Mukaddes Kubîlay hat girtin. Bi girtina Kubîlayê 71 hevşaredarên 46 şaredariyên DBPyî hatin girtin.

Bozarslanê leşker li El Babê di şerê digel DAIŞê de birîndar bûbû. Leşkerê birîndar li Enqereyê di Nexweşxaneya GATAyê de dihat dermankirin. Leşker îro li nexweşxaneyê miriye.

Numan Kurtulmuş piştî Civîna Lijneya Wezîran daxuyanî da ji çapemeniyê re. Kurtulmuş li ser pirsa nûçegihanê Cumhuriyetê Sînan Tartanoglu ya derbarê “2 leşkerên ku tê îdiakirin DAIŞê wan şewitandiye” de bersiveke tund da.

Şahînera nivîskar ji ber ku ji Bilal Erdoganî re gotibû “yê zêde zana” polîsan ew desteser kiribû. Ji ber desteserkirinê şirketa çêkirina fîlman ya ku wê jê re kar dikir, Lîmon Yapimê ew ji karî avêtiye. Xwediyê Lîmon Yapimê Hayrî Aslanî bersiva pirsên bianetê neda û da zanîn paşê ew ê daxuyaniyekê bide.

Fatma Sumbul ku yek ji Dayîkên Şemiyê ye û 36 sal li pey kurê xwe ket û aqûbeta wî ji dewletê dipirsî duh êvarê wefat kir.

Serokkomarê Qibrisa Bakurî, Mustafa Akinciyî eşkere kir ku heke 8-10 maddeyên çareserkirina Qibrisê bê pêkanîn çêdibe li Havîna 2017ê, li Qibrisê referandûm bikeve di rojevê de.

Dadgeha Enqereyê ya Sûlh û Cezayî ya 7. çêkirina nûçeyên li ser kuştina balyozê Rûsyayê yê li Tirkiyeyê qedexe kir.

21 sal ewil iro li navçeya Çelê ya Colemêrgê her du birayên bi navên Eyup û Mahir Karabey piştî binçavkirinê hatin qetilkirin.

Wezareta Karên Hundir daxuyand ku derbarê bi sedan kesan de ji ber parvekirinên di medyaya civakî de bi hinceta ‘nav li gel dikin ku wan kîndar û xwedînefret bikin, pesnê rêxistinê didin, heqaretê li mezinên dewletê dikin’ ve lêpirsîn daye destpêkirin û li gorî vê yekê di 6 mehên dawî de 1565 kes hatine girtin.

Li şaredariyên Xîzan, Motkan û Tatîkê qayûm hat tayînkirin û derbarê Hevşaredara Akdenizê Yuksel Mutlu de jî biryara girtinê hat dayîn.

Leşkerê ku li El Babê birîndar bûbû li Nexweşxaneya Dîlokê dihat dermankirin. Îro leşkerê birîndar miriye. Di operasyonên TSK li Sûriyeyê digel AASyê dike heta niho 38 leşker mirine.

433 sînemagerên ku danezane piştgirîdayînê ya ji bo Akademisyenên Aştîxwaz belav kiribûn de bi hinceta “pena sûc û sûcdaran dane” ve lêpirsîn dan destpêkirin.

Şenol Buran Çayfiroşê Rojnameya Cumhuriyetê ye. Wî gotiye ku ew ê çayê nede serokkomarî li ser vê yekê polîsan ew girtiye.

Edîtorê Dikenê Tunca Ogreten, Berpirsê Rojnameya Yolculukê Eray Saygin, Şefê Buruya DIHABERê Omer Çelik, nûçegihan Metin Goksu, xebatkarê BirGunê Mahir Kanat û Mudira ETHAyê Derya Okatan di serdegirtina malan de hatin binçavkirin.