Osman Kavalayê ku 1539 roj in girtî ye ji ber darizandineke edîl nîne tevlî danişînê nebûye. Dadgehê danişîn taloqî 21ê Sibatê kiriye.

Olûçî diyar kiriye ku wê sibê li Enqereyê bi banga HDPê partiyên çepgir kom bibin û wê li ser polîtîkayên aboriyê û hilbijartinan biaxivin.

Dilê Seyît Narîn, Hevşaredarê Sûra Amedê yê berê di 4ê Kanûna Paşiyê de di girtîgehê de sekinîbû. İmam Taşçier, Parlamenterê HDPê yê Amedê derbarê rewşa Narînî de pêşniyarname daye meclîsê.

Ji ber berfa zêde li Wan, Mûş, Colemêrg û Bedlîsê rêyên 552 gundewaran hatine girtin.

Di van rojan de ku cendekên girtiyan ji girtîgehan derdikevin û sê pirtûkên helbestan jî ji girtîgehan derketin. Helbet ne tesadif e, li hêlekê desthilat dixwaze rêya mirinê li ber girtiyan vebike, li hêla din girtî di nava van şert û mercan de, berovajî vê helwesta desthilatê, bi helbestên xwe dixwazin dengên xwe derxin.

Li Taxa Amanyûrda Wanê li aliyê sînorê Îranê termên du penaberên ku qerisîne û mirin e hatiye dîtin. Her weha ji wan jin bûye.

Ajalparêz li Enqereyê li hev kom bûne û çalakiyek li dar xistiye. Ajalparêz li dijî berhevkirina ajalan dijqanûnî derketine.

Wezareta Tenduristiyê aşkere kiriye ku di 24 saetan de test ji bo 364 hezar û 426 kesan hatine kirin û di encamê de testa 54 hezar û 100 kesan pozîtîf derketiye, 136 kes pê mirine.

Di danişîna doza êrişa nijadperest ya li Konyayê de polîsan xizmên malbatê avêtine erdê û derp kirine. Heyeta dadgehê ji salonê derketiye.

Hevalên Hrantî, roja 19ê Kanûna Paşiyê li ber Apartmana Sebatê ya li ser Kolana Halaskargaziyê ya Şîşliyê wê bernameyeke bîranînê pêk bînin.

Mehmet Çelebî, Serokê Bajarê Edenê yê CHPê gotiye, “Tenduristiya Aysel Tûglûkê bêyî ku hê xiraptir bibe divê were tehliyekirin.”

Di kovarê de wê nûçe, hevpeyvîn, gotarên cihereng werin weşandin. Di hejmara yekem a kovarê de mijara sereke rewşa koçberan a li ser sînorê Poland û Belarûsê ye.

Piştî ku Baroya Amedê Komîsyona Zimanê Kurdî ava kir, li Mêrdîn, Êlih, Şirnex, Wan û Rihayê jî Komîsyonên Zimanî ava bûn. Komîsyon du sal in karên xwe dewam dikin. Li Mêrdîn û Rihayê ji bilî kurdî bi Erebî û Suryanî jî xebat tên kirin.

Ji ber ku heqê beşdarbûnê yê salane nedane, mafên dengdayînê yên 8 welatan li KGNYê hatine rawestandin. Heta ku ew welatana deynên xwe yên salane nedin wê mafên wan yên dengdayînê rawestandî bimîne.

Rapbêj Agirbest straneke nû bi navê “Lo Kurdo” weşandiye. Vê hefteyê wê konserên Metin Kemal Kahramanî, Govend Istanbûl, şanoya Gimgim Tiyatro Zonema, nivîskarên girtî li dar bikevin.

Enstîtuya Çapemeniyê ya Navneteweyî (IPI) xwestiye ku hemû rojnamegerên li Kazakistanê hatine desteserkirin bên berdan û êrîşên li hemberî çapemeniyê wer in sekinandin.

Dîrektorê Giştî yê WHOyê aşkere kiriye ku li parzemîna Afrîkayê milyarek mirov hene ku bi tenê dozek derziya Covid-19ê jî li wan nekirine û gotiye "Ger ev ferqa di navberê de em nikaribin bigirin, em ê nikaribin qonaxa akûtê bidawî bikin."

Wezareta Tenduristiyê aşkere kiriye ku di 24 saetan de test ji bo 410 hezar û 116 kesan hatine kirin û di encamê de testa 75 hezar û 564 kesan pozîtîf derketiye, 153 kes pê mirine.

MTAyê li gundê Dagyeniya navçeya Germencîka Aydinê dest bi xebatên lêgerîna zêran kiribû. Di encama berxwedana gundiyan de MTAyê dest bi rakirina makîneyên sondajê û ekîpmanan kiriye.

Li sînemayên Tirkiyeyê vê heftê sê jê xwemalî bi tevahî heşt fîlm wê bikevin vîzyonê.