Tenduristiya girtiya nexweş Fatma Tokmakê her diçe xerabtir dibe. Digel ku rapora wê ya dibêje “Nikare li girtîgehê bimîne” heye ew nayê tehliyekirin. Parêzera wê Jiyan Kayayê got: “Nahêlin derman bibe, em gelekî bifikar in.”

Hûn dikarin li ser malpera atolyebia.org-ê li vîdeoyên perwerdeyê yên Rojnamegeriya Mafparêz, Foto-Rojnamegerî, Rojnamegeriya LGBTI+parêz û Azadiya Xweîfadekirinê temaşe bikin.

Li Cizîrê, navçeya Şirnexê ciwanê ku wesayîta zirxpoş ya cureya Rangerê lê dabû, miriye.

Wezareta Tenduristiyê aşkere kiriye ku di 24 saetan de test ji bo 416 hezar û 536 kesan hatine kirin û di encamê de testa 77 hezar û 434 kesan pozîtîf derketiye, 188 kes pê mirine.

Nûneriya Şaxa Mêrdînê ya Platforma Zimanê Kurdî ji bo dersên bijarte yên di dibistanên navîn de bang li gel kiriye. Platformê di daxuyaniyê de gotiye, “Eger Kurd vê derfeta ku heye baş bi cîh werinîn dê di pêşerojê de dergeh li ber perwerda bi zimanê dayike jî vebe”.

ÎHDa Stenbolê rapora xwe ya 3 mehan a têkildarî binpêkirina mafan li 20 girtîgehan belav kiriye. Li gorî raporê li girtîgehan tecrîd girantir bûye û 3 hezar û 118 bûyerên binpêkirinê qewimîne.

Ji sedî 95 ê daxwazên rakirina tweetan ji van 5 welatan e: Japonya, Rûsya, Tirkiye, Hîndîstan û Koreya Başûr.

DMMEyê di sala 2021ê de derbarê Tirkiyeyê de 78 biryar aşkere kiriye. 76 jê, li dijî Tirkiyeyê bûn.

Berpirsê First Nationê Willie Sellarsî gotiye ku ji 470 hektarê kontrola 14 hektarî bi radarê kiriye û heta niha cihê 93 goran derxistine holê.

Federasyona Komeleyên Dersimê (DEDEF) bi daxuyaniyekê ragihandiye ku pêvajoya hiqûqî a avakirina 2 bendavan li Geliyê Mûnzûrê bidawî bûye û herdu proje jî betalbûne.

12 fezelekeyên ku derbarê 10 parlamenterên HDPê û DBPê de hatine amade kirin, şandine parlamentoyê.

Rayedarên saziyên tenduristî û teknolojiyê yên Kubayê diyar kiriye ku ew dikarin bi bihayê piştevaniyê 200 milyon doz derziyên Covid-19ê bidin Başûra Kurewî.

Wezareta Tenduristiyê aşkere kiriye ku di 24 saetan de test ji bo 418 hezar û 427 kesan hatine kirin û di encamê de testa 76 hezar û 174 kesan pozîtîf derketiye, 156 kes pê mirine.

HDPyê di daxuyaniya xwe de wiha gotiye: hêzên ji bo êrîşê têk bibin ji Kobaniyê derketine rê, SIHAyan (Balafirên Bêmirov ên Biçek) êrîşî wan kiriye û ev jî tê wê wateyê ku piştgiriya asmanî dane DAIŞê.”

Kûrtûlanê bal kişandiye ser rewşa tenduristiya Aysel Tûglûkê û diyar kiriye ku Tûglûk nehatiye dermankirin.

Dadgeha Mafên Mirovan ji ber ku Denîz Yucel 367 rojan di girtîgehê de hiştiye, Tirkiye ceza kiriye. Dadgehê diyar kiriye ku “mafê azadiya xweîfadekirinê, azadiyê û yê ewlehiyê hatine binpêkirin.”

Dîplomatên YEyê, DYAyê, Ingilistanê, Fransayê, Îtalyayê û Norwecê bi Talîbanê re li Osloyê dicivin. Mijara sereke ya hevdîtinan xizaniya ku li Afganîstanê berdawam dike ye û 10 mîlyar dolarên ku welatên Rojava bloke kirî ye. Koçberên Afganistanî yên li Osloyê ne li dijî van hevdîtinan nerazîbûn nîşan dane.

Ji ber barîna berfa zêde li 6 bajarên herêmê rêya hezar û 648 gund û taxan hatine girtin.

Hunermend, nivîskar û helbestvan, hiqûqnas û zanyar jî di nav de hezar û 32 welatiyan daxuyaniyek weşandiye û gotiye li Tirkiyeyê rêveberî bi lez û bez ji rêgezên demokratîk dûr dikeve.

Piştî berfa zêde ya li Stenbol û herêma Marmarayê, Balafirxaneya Stenbolê saet heta 13.00, Balafirxaneyên Ataturk û Sabîha Gokçenê jî saet heta 04:00'ê hatin girtin. Çûnû hatinê Stenbolê jî ji hêla Anadolû û Trakyayê ve wê pêk neyê.