Garîbe Gezer ku di Girtîgeha Kandirayê ya bi hejmara 1a Tîpa Fyê de girtî bûye, miriye. Hatiye îddiakirin ku Gezerê xwe kuştiye.

Wezareta Tenduristiyê aşkere kiriye ku di 24 saetan de test ji bo 350 hezar û 522 kesan hatine kirin û di encamê de testa 19 hezar û 696 kesan pozîtîf derketiye, 195 kes pê mirine.

Wezareta Berevaniyê ya Netewî ragihandiye ku li Herêma Kurdistanê 3 leşker mirine. Her weha li Îdlîbê jî leşeker miriye.

Kemal Kiliçdaroglû, Serokê Giştî yê CHPê serdana Emîne Şenyaşara ku 276 roj in di Nobeta Edaletê de ye kiriye. Kiliçdaroglû gotiye, “Hemû agahî li holê ne. Kes cesaret nake ku gav navêje. Ez jî wek kurek te, birayê te ez ê vê dozê bişopînim”

Kovara “Folklor û Ziman”ê bi hejmara xwe ya çaran li ber destê xwendekaran e. Di vê hejmara kovarê de gotarên zanistî, wergêran, analîza berheman û nirxandina pirtûkan hene.

Nusrettîn Maçîn, Parlamenterê Partiya Demokratîk a Gelan(HDP) ji ber gotina “ji Kurdistanê re azadî” bi dûrxistina ji sê civînên Lijneya Giştî ya Parlamentoyê hatiye cezakirin.

Wezareta Tenduristiyê aşkere kiriye ku di 24 saetan de test ji bo 356 hezar û 254 kesan hatine kirin û di encamê de testa 20 hezar û 874 kesan pozîtîf derketiye, 192 kes pê mirine.

Meclîsa Jinan ya HDPê derbarê Aysel Tûglûka ku tenduristiya wê guncaw nîne li girtîgehê bimîne de daxuyanî daye û gotiye Tûglûkê demildest azad bikin.

Mehmet Emîn Ozkan girtiyê nexweş û kurê wî Ahmet Ozkan ku di heman qawişê de dimîne bi vîrûsa Covîd-19ê ketine. Mehmet Emîn Ozkanê 83 salî di gel ku dozgeriyê gotiye sûcê wî nîne 25 sal in di girtîgehê de ye.

Hevdîtinên peymana karî yên di navbera Sendîkaya Rojnamegenan a Tirkiyeyê (TGS) û BBCyê de bê encam mane. TGSyê ragihandina grevê bi bûroya BBCyê ya li Stenbolê ve kiriye.

Wezareta Tenduristiyê aşkere kiriye ku di 24 saetan de test ji bo 355 hezar û 317 kesan hatine kirin û di encamê de testa 22 hezar û 687 kesan pozîtîf derketiye, 198 kes pê mirine.

Pêşniyara xala sereke: Tîma MOM Tirkiyeyê nûvekirinên 2020-21ê yên Projeya Çavdêriya Xwedîderketina Medyayê ( MOM ) xilas kir.

Derbarê 12 parlamenterên HDPê û parlamenterek serbixwe de 15 fezlekeyên nû hatine amadekirin û ji bo Serokatiya Parlamentoyê hatine şandin.

Ji bo rojnameger Dogan Ergun û Îzel Sezerê ku li Îlerî Haberê kar dikin heta 11 sal û 4 mehan cezayê girtîgehê tê xwestin.

Prof. Dr. Umît Dînçer bûye serokê nû yê KAFFEDê.

Serdozgeriya Komarî a Wanê derbarê Osman Şibanê ku leşkeran ew ji helîkopterê avêtibû de îddianame amade kiriye.

Wezareta Tenduristiyê aşkere kiriye ku di 24 saetan de test ji bo 354 hezar û 269 kesan hatine kirin û di encamê de testa 20 hezar û 33 kesan pozîtîf derketiye, 187 kes pê mirine.

Şaredariya Sêrtê, Berîvan Helen Işik û Dara Tûrhan jî di nav de ji 25 endamên meclîsê vê carê jî faîza ku hatibû jê birin xwestiye. Faîza hatibû jê birin 761 hezar û 908 TL ye. Wezareta Navxweyî ji ber ku şaredarî ji faîza deynê xwe yê avê bihuriye lêpirsîn li 25 endamên meclîsê yên Şareradiya Sêrtê vekiribû.

Parêzerên Îpek E.yê bertek nîşanî kêm kirina cezaya ku li Mûsa O. hatibû birîn dane û gotine, “Em edaleta rast dixwazin”. Mûsa O. “êrişa zayendî” li Îpek Erê kiribû û bûbû sedem ku ew xwe bikuj e.

Walîtiya Mêrdînê, lîstika şanoyê ya kurdî ya bi navê Tartûfe ya Şanoya Bajar a Amedê qedexe kiriye.