Rêxistina Tenduristiyê ya Cîhanî behsa newekheviya derzîlêdanê û rêjeya hindik a testan kiriye û diyar kiriye ku ji ber rêjeyên hindik ên derzîlêdanê û testan, dibe varyantên nû peyda bibin.

Serokomar Recep Tayyîp Erdoganî, alîkarê Wezîrê Xezîne û Darayiyê, li şûna Wezîr bi xwe erdkar kiriye.

Mêran tundkarî herî hindik li 62 jinan kiriye, herî hindik sê zarok kuştine, îstîsmar herî hindik li 11 zarokên keç û kur kiriye, tacîz herî hindik li 16 jinan kiriye, karkeriya seksê ya mecbûrî bi 56 jinan dane kirin.

Wezareta Tenduristiyê aşkere kiriye ku di 24 saetan de test ji bo 355 hezar û 252 kesan hatine kirin û di encamê de testa 22 hezar û 556 kesan pozîtîf derketiye, 196 kes pê mirine.

Alper Yalçinî gotiye, "Lêkolîna dîsîplînê ya sûcê îşkenceyê ya Midûriyeta Emniyetê ya Amedê, tevî ku di vîdeoya ku min temaşe kir de ku ji aliyê polîsan ve hatiye kirin jî, nêzîkatiyeke ku kesên vî sûcî dikin diparêz e."

15 saziyên civaka sivîl, rêxistinên ked û pîşeyî, ‘Platforma Ewlehiya Hilbiajrtinê ya ji bo Hilbijartina Adil” ava kiriye.

Li gorî rapora “Projeya Berdêla Nûçeyê” di meha Çiriya Paşiyê de 111 rojnameger û xebatkarên çapemeniyê hatine dadgehkirin û heta hezar û 896 salan cezayê girtîgehê ji wan re hatiye xwestin. Li 5 rojnamegeran 6 sal û 4 meh û 12 cezayê girtîgehê û 16 hezar lire cezayê pere hatiye birîn.

Li Oxfordê, bajarokê Mîchîganê yê eyaleta DYAyê, di lîseyekê de êrîşeke çekdarî pêk hatiye. Di encamê de herî kêm 3 kes mirîne, 6 kes jî birîndar bûne. Rayedaran gotiye ku xwendekarek hatiye desteserkirin.

HDPê duh êvarê li ser hesabê xwe yê medya civakî pêşniyara xwe ya ji bo mehaneya herî kêm ragihandiye û gotiye ku bila di sala 2022an de mehaneya herî kêm bibe 6 hezar lire. Her weha HDPê xwestiye ku bila bac ji mehaneya herî kêm neyê birîn û dema xebata heftane jî bila daxin 35 saetî.

21 dersdarên di Çiriya Paşiyê ya 2020an de ji ber lêpirsîna KCDyê hatibûn desteserkirin, îxrac kirine. Kasım Dersdaran xwestin ku li dijî vê biryarê civîneke çapemeniyê pêk bînin, polîsan destûr neda wan.

Piştî ku Serokomar Erdogan duh di bernameya hevbeş a TRTyê de axiviye, nirxê dolarî li beramberî lîreyê tirkan zêdetir bhuye. Nirxê dolarekî amerîkî bûye beramberî 13,96 lîreyê tirkan.

Wezareta Tenduristiyê aşkere kiriye ku di 24 saetan de test ji bo 359 hezar û 420 kesan hatine kirin û di encamê de testa 25 hezar û 216 kesan pozîtîf derketiye, 207 kes pê mirine.

22em Dadgeha Cezayê Giran a Enqereyê daxwaznameya guhertina heyeta dadgehê ya parêzeran qebûl kiriye û ji bo nirxandinê şandiye 23êm Dadgeha Cezayê Giran a Enqereyê.

Oktay Înce piştî dadgehkirinê ji bianetê re wiha got: "Weke karmendên îcrayê çawa dixwazin û çiqas dixwazin bila werin. bila li ser navê Serokomarî pereyan ji gelî kom bikin. Ev êdî têkoşîna min e. Ez ê texsîr nekim.”

Meral Daniş-Beştaş û Sarûhan Olûç, Cîgirên Serokê Koma HDPê ji bo tevahî detayên kuştina Tahîr Elçî, Serokê Baroya Amedê li parlamentoyê were lêkolînkirin daxwaza civîna taybet kirine.

Bi tohmeta ku heqaret li Wekîlê berê yê Serdozgerê Komarî yê Stenolê û Alîkarê Wezîrê Edaletê, Hasan Yilmazî kiriye, Dozger Huseyîn Emre Erbaş xwestiye rojnameger Denîz Yucel bi 2 sal û 4 meh cezayê girtîgehê were cezakirin.

Dadgeha Aştî û Cezê ya Nobedar biryara girtina Metîn Gurcan, endamê lijneya damezrîner yê Partiya DEVAyê daye û ew şandiye girtîgehê. Gurcanî bi tohmeta ku “Sîxuriya leşkerî û sîyasî kiriye” hatibû desteserkirin.

9emîn care ji bo îfadeyê bang li Emîne Şenyaşara ku têkoşîna edaletê li pêş Edliyeya Rihayê didomîne, dikin.

Biroya Hiqûqê ya Sedsalê aşkere kiriye ku wan xwestiye biçin li Girtîgeha Îmraliyê Ocalan û miwekilên xwe bibînin, lê daxwaza wan nehatiye qebûlkirin. Derketiye holê ku bi du biryarên cida cezayê qedexeya hevdîtinê li Ocalanî birîne.

Bekîr Şahîn, Serdozgerê Komarî nêrîna xwe ya derbarê doza girtina HDPê de pêşkeşî Dadgeha Destûrî kiriye. Şahînî xwestiye ku bila îtiraz û daxwazên di paraznameya HDPê de ne neyên qebûlkirin û nêrîna xwe ya di îddianameyê de ya ku “bila ji binî ve were girtin” dûbare kiriye.