Dayikên/Mirovên Şemîyê wê di 24ê Çiriya Paşîyê de careke din werin dadgehkirin.

Serokomar Erdoganî gotiye: “Yaw wê hilbijartina pêşwext nebe, Hezîrana 2023yan! Ev nizanin bi kê re dimeşin, ew çû. Ew roj derbas bûn. Karê qebîleyên hov e ku her ji 15-20 mehan carekê hilbijartinekê li dar bixe.”

Ji bo parêzbendiya wan rabe derbarê 13 parlementerên HDPê de 16 fezlekê amade kirine. Fezlekeyên parêzbendiyê pêşkeşî Serokatiya Meclîsê kirin e.

Komeleya BİRARADAyê gotiye ku serlêdanên bi dehan akademîsyenên endamên komeleya wan jî nehatine qebûlkirin.

Meclîsa Şaredariya Bolhuyê biryarên cidaxwaz ên Şaredarê Bolûyê, Tanjû Ozcanî dane, bi pirdengî qebûl kiriye. Li gorî van biryaran wê li Bolûyê metrekupa avê bi 2 dolar û nîvan bifiroşin biyaniyan.

Dema desteserkirinê ya rojmaneger Emrûllah Acar, Nûçegîhanê Ajansa Mezopotamyayê ku di19ê Çiriya Paşiyê hatibû desteserkirin, 4 roj hatiye dirêjkirin.

Wezareta Tenduristiyê aşkere kiriye ku di 24 saetan de test ji bo 361 hezar û 5 kesan hatine kirin û di encamê de testa 24 hezar û 856 kesan pozîtîf derketiye, 193 kes pê mirine.

Nexweşxaneya Zaningeha Pamûkkaleyê aşkere kiriye ku Kadîr Înanir emelîyat bûye. Lîstikvan Jûlîde Kûralê derbarê rewşa tenduristiya Kadîr Înanirî de wiha gotiye, “Piştî emelîyatê di rewşa tenduristiya Înanirî de tu tiştek neyînî nehatiye tespîtkirin.”

Komîsyona Parêzerên Doza 10ê Çiriya Pêşiyê, Qetlîama Enqereyê gotiye ku faîlên rast ên qetlîamê û rayedarên dewletê yên berpirsiyariya wan heye, bi zirxê necezakirinê tên parastin.

Alî Îhsan Yavûz, Cîgirê Serokê Giştî ê AKPê gotiye, “Li Tirkiyeyê ne mimkune ku hilbijartina pêşwext çêbibe. Ma êdî mimkûn e? Ji aliyê teorîk ve her tim mimkun e, lê ji bo ku bibe ti sedemek nîne.”

Komeleya Dersdarên Zanîngehan gotiye ku biryarên Komîsyona Rewşa Awarte yên derbarê akademîsyenan de “aşkere ye ku siyasî ye”.

Di çarçoveya operasyona li dijî Komeleya Jinan a Rosayê de derbarê rojnameger Nûrcan Yalçinê de bi tohmeta ku “endama rêxistinê ye” û “propagandaya rêxistinê kiriye” doz hatibû vekirin. Dadgehê 3 sal û 7 meh cezayê girtîgehê li Yalçinê biriye.

Li gorî encamên destpêkê, li Bûlgaristanê di dora duyem a hilbijartina serokomariyê de Rumen Radev careke din hatiye hilbijartin.

Parlamenterê CHPyê yê Stenbolê, Tûran Aydoganî gotiye ku ji bo zarokên bi dayikên xwe re li girtîgehan dimînin wan daxwaza guhertina qanûnan kiriye, lê desthilatê bersiv nedaye van daxwazan.

Ûgûr Kaymaz di 21ê Çiriya Paşiya 2014an de li Qoserê, navçeya Mêrdînê bi bavê xwe Ahmet Kaymaz re ji aliyê polîsan ve bi 13 guleyan hatibû qetilkirin. Herdu di salvegera mirina xwe de li ser gorên xwe hatine bibîranîn.

Wezareta Tenduristiyê aşkere kiriye ku di 24 saetan de test ji bo 350 hezar û 163 kesan hatine kirin û di encamê de testa 21 hezar û 177 kesan pozîtîf derketiye, 195 kes pê mirine

Nûray Turkmen, Endama Meclîsa Partiyê û Huseyîn Kaçmaz, Parlamenterê Şirnexê îro li Navenda Giştî ya partiya xwe civînek çapemeniyê lidarxistine û derbarê xebatên partiya xwe de zanyarî dane.

Komîsyona Mafên Zarokan a Komeleya Mafên Mirovan di daxuyaniya xwe de bal kişandiye ser girîngiya Peymana Stenbolê û xwestiye ku Peyman careke din were qebûlkirin.

Komeleya Rojnamegeran a Dîcle û Firatê derbarê bi serdegirtina mala rojnameger Hîkmet Tunçê û desteser kirina rojnameger Emrûllah Acarî de daxûyanî daye.

Welatî ji ber zêdebûna bihayê xurekan bigazindin: “Ji ber polîtîkaya bihayan ya hikûmetê, dîsa welatî zehmetiyan dikişînin. Her hefte etîtekên li marketan diguherin, bihayê tiştan zêde dibe.”