Wezareta Berevaniya Milî aşkere kiriye ku xebatên ji bo avakirina Navenda Hevbeş a Liv û Tevgerê berdewam dikin.

Mehmet Ali Şahinî ji bo xebata Babacan û Davutogluyî ya avakirina partiyeke nû, gotiye: “Ev hevalên me yên ku li gel Erdoganî derketine rêyê, piştgiriyê didin projeya Tirkiyeke bê Erdoganî, ji ber wê, em xemgîn in.”

Wekîlê ji ÎYÎ Partîyê (Partîya Baş), Zeki Hakan Sıdalıyî li rêya di navbera Aydin û Izmîrê de dema wesayit diajot, wesayita wî li Beşîr Kayayê 18 salî ketiye.

Berdevkê HDPyê ji bo lihevkirina di navbera DYA û Tirkiyeyê de wiha gotiye: “Ji ber ku muxatabên pirsgirêkê di peymanê de cih negirtine, kêm e û serkeftina wê biguman e.”

Buroya Hiqûqê ya Asrinê aşkere kiriye ku Ocalanî gotiye: “Ez hewl didim ku qadekê ji kurdan de vekim, werin em pirsgirêka kurdan çareser bikin. Ez dikarim çareser bikim, bi xwe bawer im, ji bo çareseriyê amade me.”

Ji bo balê bikişînin ser qetlîama jîngehê ya li Heskîf û Çiyayên Qazan, pankarteke mezin li Pira Galatayê hatiye daliqandin.

Rasatxaneya Kandîllîyê aşkere kiriye ku li navçeya Bozkûrtê ya Denîzlîyê bi lerza 5,7an erd hejiya ye.

Çavkaniya ku ji ajansa SANAyê re axivî ye ji bo rejîma Tirkiyeyê wiha gotiye: "Li herêmên cida yên cîhana erebî kaosê belav dike û dixwaze xeyalên mîrektiya Osmaniyan ji nû ve zindî bike û heta wê bi cî nîne dê nesekine."

Li nav Behra Egeyê bi lerza 4,8an erd hejiya ye.

Biryarnameyek derbarê qaymeqam û alîkarên waliyan de hatiye ragihandin û di Rojnameya Fermî de hatiye weşandin. Li gorî vê biryarnameyê cihê 403 qaymeqam û alîkarên waliyan hatiye guhertin ku beşek ji wan weke kayûman kar dikir.

Serokomar û Serokê Giştî yê AKPyê, Erdoganî gotiye: “Me û amerîkayiyan biryar da ku navendeke operasyonê ava bikin."

Ji bo hevserokê berê yê HDPyê Selahattîn Demîrtaşî li ser medya civakî kampanyaya piştgirîyê destpê kiriye. Ji bo azadiya #freedemirtas bi hezaran peyamên piştgiriyê têne weşandin.

Piştî ku Mark Esper, Wezîrê Berevaniyê yê DYAyê gotiye ew ê destwerdana yekalî a Tirkiyeyê li bakurê Sûriyeyê qebûl nekin, Erdoganî axivî ye û diyar kiriye ku “Em ê tevgera Mertalê Firatê û Çiqlê Zeytûnê derbasî merheleyeke din bikin.”

Wezîrê Berevaniya DYAyê Esperî gotiye ku heke Tirkiye destwerdanekê li Rojhilatê Firatê bike ew ê li hemberî vê bibin asteng. Rojhilatê Firatê di bin kontrola HSDyê de ye.

Victoria’s Secretê di kreasyona xwe ya îsal de wê cih bide yekem modela xwe ya transseksuel. Par rêveberekî Victoria’s Secretê gotibû, “Ew di şovên mezin de cih nadin kesên xwedî qalibên mezin û trans.”

Hevdîtinên derbarê “herêma ewle” ya li bakûrê Sûriyeyê, di navbera rayedarên DYA û Tirkiyeyê de li Enqereyê dest pê kiriye.

Serokomar û Serokê Giştî yê AKPyê Erdoganî gotiye, “Em ê bikevin rojhilatê Feratê. Me ev ji Rûsya û DYAyê re jî gotiye.”

HDP, KCD û HDKyê li Amedê daxuyaniyeke hevbeş daye. Hevserokê Giştî yê HDPyê Temelliyî gotiye, “Em bang li desthilatdariya siyasî û muxalefetê dikin ku li cihê polîtîkayên şer û pevçûnê, di polîtîkaya aştiyê de bibin xwedî aqilekî hevpar û bi pêş bixin”

Yekîtiya Niştimanî Kurdistanê (YNK) piştî koça dawî ya Celal Talabaniyî cara ewil dê kongreya xwe pêk bîne.

James Jeffrey, Nûnerê Taybet ê DYAyê yê Sûriyeyê gotiye, nelihevkirinên di navbera DYA û Tirkiyeyê de dibe asteng ku “herêma ewle” bê avakirin.