Li DYAyê di Sêşema Super da li 14 eyaletan pêşhilbijartina serokatiyê ya Demokratan hatiye kirin. Li gor encaman heta niha Joe Bîdenî ji 11 eyaletan 8, Bernie Sandersê ku weke favori dihat nîşandan jî li 3 eyaletan bi ser ketîye.

Mêran di meha Sibatê de, tundkarî herî hindik li 51 jinan kiriye, tecawiz li çar jinan kiriye. Bi darê zorê karê seksê bi 134 jinan kirine. Istismara cinsî herî kêm li 23 zarokên keç kiriye û tacîz li pênc jinan kiriye.

Malbata Rêberê PKKyê Abdullah Ocalan û ya Hayrî Konar û Veysî Aktaşî çûne Îmraliyê û bi xizmên xwe re hevdîtin pêk anîne.

Walîtîya Stenbolê bi sedema operasyonên leşkerî yên li Sûriyeyê çalakîyên wekî xwepêşandan, civîn, daxuyanî, vekirina standan, belavok û komkirina imzayan ji bo rexnekirin û rawestandina operasyonên me heta 10ê Adarê saet 23.59ê qedexe kiriye.

Idrîs Sayilgan, nûçegihanê Ajansa Mezopotamyayê piştî ku parêzerên wî li hemberî biryara girtina wî derketin, îro serbest bûye.

Rojnamegera girtî Rûken Demîrê, 5ê Adarê li 19em Dadgeha Cezayê Giran a Edlîyeya Bayrakliyê ya Îzmîrê cara yekem dê derdikeve pêşberî dadgehê.

Li ser îdiaya ku şirketa Apple-ê modelên têlefonên xwe yên berê bi qestî giran kiriye, doz lê hat vekirin û heke xwediyê modelên iPhone 6, 6S, 7 û SEyê bixwazin, şirket wê 25 dolarî bide wan.

Vîrûsa Covid-19ê ji xeynî Çînê heta niha li 76 welat û herêma belav bû ye. Ji ber vîrûsê lİ DYAyê hijmara miriyan derketiye 6an û li seranserê Cihanê heta niha 3 hezar û 119 kes mirî ne.

Piştî ku komên rastgir ên li Grava Mîdîlliyê rêya çûna kampa Moriayê li ber penaberan girtiye, penaber neçar mane şeva xwe li peravan derbas bikin.

Wezareta Berevaniyê ya Netewî aşkere kiriye ku di encama topbarana Artêşa Sûriyeyê de leşkerekî bi navê Mustafa Muhammed Ak miriye. Leşkerek jî birîndar bûye.

Bernameya meha adarê ya Wêjegeh Amedê aşkere bûye. Kargeha Medyaya Kurdî jî wê di navbera 12-15ê Adarê de li Wêjegeh Amedê pêk were ku Atolye BIA li dar dixe.

Li Bazîdê, navçeya Agiriyê bi roketan êrîş birine ser wesayîteke Midiriyeta Gumrikê ya Gurbulaxê. Di êrişê de leşkerek mirî ye.

Idrîs Sayilgan, nûçegîhanê Ajansa Mezopotamyayê hatiye girtin ku ji bo bûyerên derbarê penaberên dixwestin biçin Yewnanistanê de amade bike, çûbû Edîrneyê û li wir hatibû desteserkirin.

Vîrusa Koronaya nû (Kovîd-19), cara pêşin li Vuhana bajarê Hûbeya eyaleta Çînê di 12ê berfanbara 2019an da hatibû tesbîtkirin û di demeke demek da li bajar û welatên din belav bûbû. Li gor zanyariyan çavkaniya wê vîrusê şevşevok bûye û piştre derbasî mirovan bûye.

Alptekîn Dûrsûnoglû, Berpirsê Giştî yê Weşanê yê malpera Yakin Dogû Haberê bi sedema hin mesajên li ser medyaya civakî hatiye girtin.

Piştî ku Tirkîyeyê derîyên xwe ji bo çûna penaberan vekiriye û penaberên ku çûne ser sînorî, hêzên ewlekariyê yên Yewnanistanê bi ava şid, bombeyên gazê û yên dengî êrîşî wan kirine.

Li Bexdayê du moşek avêtine Herêma Kesk ku avahiyên hikûmetê li wir in.

Piştî ku hat gotin wê pêşî li ber çûna penabaran a Ewropayê neyê girtin, gelek penaber ber bi sînorên Ewropayê ve ketine rê.

Sergey Lavrov, Wezîrê Karûbarên Derve yê Rûsyayê gotiye ku Serokdewletê Rûsyayê Vladimîr Pûtîn û Serokomarê Tirkiyeyê Recep Tayyîp Erdogan “bi înisiyatîfa Enqereyê” axivîne.

Muhammed Alî Wekîlî, Endamê Heyeta Serokatiyê ya Parlamentoya Îranê aşkere kiriye ku vîrusa Koronaya Nû li çar parlamenterên din peyda bûye.