Anadolû Kulturê di çarçoveya xebatên ji bo zarokan de raporek bi zimanê kurdî û tirkî weşandiye. Di raporê de bal kişandiye ser rola hunerê ya ji bo bandorên pevçûnên li Êlih, Amed, Mêrdîn, Şirnex û Wanê yên li ser zarokan di nava 5 salên dawî de.

Selahattîn Demîrtaşê ku digel biryara DMMEyê nehatiye berdan îro li danişînê axiviye: “Te pasaport da serokê mafyayê, te destûra mitîngan daye wî. Di vê dema ku ev zilam hemû xirabiyên sîstemê, rejîmê aşkere dike de em girtî ne.”

Devlet Bahçelî, Serokê Giştî yê MHPyê derbarê îdiayên Sedat Pekerê bi serkêşiya komeke mafyayê tê tohmetkirin de gotiye, “Wê nikaribe rojeva Tirkiyeyê bike hêsirê xwe” û “em piştgirên dewleta xwe ne.”

HDP, EMEP, TÎP, TKP, Halkevlerî, TOP û Partiya Çep derbarê têkiliyên ‘dewlet-siyaset-mafya’yê de daxuyaniyek hevpar dane. Partiyan bang li rêxistinên cemawerî yên demokratîk, sendika û partiyên siyasî kirine û gotine, “Divê em li dijî vê sîstema talanker ya ku dadê çavê xwe jê re girtiye, tekoşînê mezin bikin û tevahî rastiyan derxînin holê.”

Ali Osman Koseyê ku 37 sal in girtî ye got ku ew nexweşê pençeşêrê ye û ew nayê dermankirin, bersiva parêzerên wî jî nadin.

Piştî ku Suleyman Soylû gotiye, Rêxistina Efûyê çar sal û nîv in têkildarî îşkenceyê tu tiştek nedaniye pêşiya me, Rêxistina Efûyê weke bersiv li ser hesabê xwe yê medya civakî raporên têkildarî îşkenceyê û miemeleya xirap yên di salên dawî de hatine kirin, parve kiriye.

Oguzhan Ozbaşê ku ji Tebaxa 2019an û vir ve Alîkarê Serokê Banka Navendî bû, ji wezîfeyê dûr xistine. Prof. Dr. Semih Tumen li şûna wî dest bi wezîfeyê kiriye. Di sala 2021an de Ozbaş dibe duyem kes ku ji heman wezîfeyê dûr dixin.

Wezareta Tenduristiyê aşkere kiriye ku di 24 saetan de test ji bo 216 hezar û 655 kesan hatine kirin û di encamê de testa 7 hezar û 523 kesan pozîtîf derketiye. Her weha 178 kes jî mirine.

Piştî ku Dadgeha Bilind biryara Doza Somayê qebûl nekiribû û gotibû bila dadgehkirin jinûve pêk were. Îro di duyem danişîna dozê de heyeta Dadgehê hemû daxwazên parêzeran red kiriye. Dadgehkirin wê 14ê Hezîranê dewam bike.

Baroya Îzmîrê û Amedê giliyê Sedat Peker, Suleyman Soylû, Mehmet Agar, Tolga Agar û Erkan Yildirim, kurê Bînalî Yildirim kirine. her weha Baroya Îzmîrê xwestiye Soylû ji wezifeyê were girtin.

Rêzefîlma bi navê Îşev li bajarê Êlihê tê amakirin. Çêker û lîstikvanên rêzefîlmê ji bianet Kurdîyê re behsa guherîna Îşevê li jiyana wan kirî kirin.

Piştî îdiayên ku Sedat Pekerî anîn ziman, TGS, RSF û DISK Basin-Îşê daxuyanî dan. TGSyê gotiye ku “wî berî bikişînin bila dîwar hilweşe”, “Basin-Îşê gotiye, “Êdî herkesê/a ku bêdeng bimîne wê bibe şirîkê sûcdaran”, RSFyê jî gotiye, “Divê lêpirsîna gotinên Pekerî were kirin.”

Penaberê Kurd, Behzad Mahmûdî di 18ê Gulanê de çûbû Ofîsa NYyê ya li Hewlêrê û alîkarî xwestibû. Piştî bersiveke neyênî dabûn wî, Mahmûdiyî li ber ofîsa NYyê agir bi laşê xwe xistibû. Behzad Mahmûdî duh bi şev miriye.

Dadgeha Îstinafê biryara beraetê ya ku di doza kuştinên faîlên wan nediyar in de ji bo 19 bersûcan ku Mehmet Agar, Korkût Eken û Ayhan Çarkin jî di nav de bûne, hatibû dayîn, betal kiriye.

Polîsan li Edene, Şirnex û Dêrsimê bi ser malan de girtine û rêveberên HDP û DBPyê jî i nav de 20 kes desteser kirine.

Wezareta Tenduristiyê aşkere kiriye ku di 24 saetan de test ji bo 210 hezar û 291 kesan hatine kirin û di encamê de testa 9 hezar û 839 kesan pozîtîf derketiye. Her weha 197 kes jî mirine.

Dadgeha Silh û Cezayan a 4em a Amedê du malperên JinNewsê asteng kiriye.

Wezareta Tenduristiyê aşkere kiriye ku di 24 saetan de test ji bo 218 hezar û 846 kesan hatine kirin û di encamê de testa 9 hezar û 528 kesan pozîtîf derketiye. Her weha 214 kes jî mirine.

Parêzerên HDPyiyan di doza Kobaniyê de îro gotine, ew bawer nakin ku dadgehkirineke adil û bêalî pêk were. Heyeta dadgehê biryar daye ku dadgehkirin 14ê Hezîranê dewam bike.

HDP û EMEPê derbarê Qirkirina Çerkezan de daxuyanî dane û destnîşan kirine, divê mafên Çerkesan bên naskirin û daxwazên wan werin pêkanîn.