Di qonaxa Çiriya Pêşiyê, Çiriya Paşiyê û Kanûna Pêşiya 2022an de neh xebatkarên medyaya Kurdan hatin girtin, 11 rojnameger hatin desteserkirin û 171 rojnameger derketin pêşberî dadwer. 257 nûçeyên onlîne hatine sansurkirin. Bila 10ê Kanûna Paşiyê Roja Rojnamegerên Dixebitin, pîroz be!

Kemalbayê gotiye: “Li pêşiya me hilbijartin heye. Yek ji krîtîktirîn hilbijartinên Tirkiyeyê ye. Lê rewşeke nediyar li pêşiya Tirkiyeyê ye. Rizîbûna heyî roj bi roj zêdetir dibe.”

Hevseroka Giştî ya ÎHDê parêzer Eren Keskîn, psîkologa Ûkraynayî Marta Chumalo û rojnamegera îranî ya mafparêz Narges Mihemedî hêjayî Xelata Olof Palmeyê ya 2023an hatine dîtin.

Saziyên civaka sivîl ên navnetewî û yên Tirkiyeyê, ji bo doza girtina HDPyê gotiye, “mînaka dawî ya hewldanên jinavbirina partiya mixalif e.”

Dozgeriyê derbarê giliyê rojnamegeran yê ji bo ‘lêgerîna tazî’ biryara neşopandinê daye. Li dijî biryarê rojnamegeran li Dadweriya Cezê û Aştiyê ya Rojava ya Enqereyê îtiraz kiriye.

Li Wanê di saetên êvarê de barîna berfê destpê kiriye û hê jî didome. Ji ber berfê rêya gelek tax û gundan hatine girtin.

Koma MA 21ê mehê li Enqereyê, 23yê mehê li Stenbolê û 26ê mehê jî wê li Îzmîrê konseran bide.

Hêzên ewlehiyê yên Brezîlyayê, alîgirên serokdewletê berê Jair Bolsonaroyî ji avahiya Kongre, ya Qesra Serokdewletiyê û ya Dadgeha Bilind derxistine. Serokdewlet da Silvayî xwenîşandan bi gotinên “hov, neo-faşîst û tundrew” penase kiriye.

Hevpeymana Ked û Azadiyê ji bo mitînga ku wê di 15ê Kanûna Paşiyê de pêk bînin, banga beşdariyê kiriye.

Li gorî rapora Meclîsa ISIGê di sala 2022an de rojê herî kêm 5 karker di dema karkirinê de mirine.

Weqf di sala 2011ê de hatiye avakirin û di bin banê Weqfê de bi dehan bername û çalakî pêk hatine.

Di 2emîn danişîna doza GOÇÎZDERê heyeta dadgehê bi şertê kontrola edlî biryara serbest berdana 13 kesan daye.

Êşa zirav yek ji nexweşiyên her kevn e lê li Tirkiyeyê û cîhanê hîna jî gelek kes ji ber wê dimirin.

Hejmara 18em a Kovara akademîk û xebatên kurdî ya navneteweyî Nûbihar Akademî (NA) derketiye. Kovarê di vê hejmarê de li ser mijara “Lor û Goran di Çavkanîyên Serdema Navîn da” dosyayeke taybetî amade kirîye. Serpereştiyarê dosyayê Dr. Esmail Shams e û temaya dosyayê jî beşek ji dîroka Kurdan e.

Ji 122 partiyên siyasî yên li Tirkiyeyê 11 milyon û 241 hezar endamên AKPyê hene ku yekem partî ye. Di rêza duyem de CHP heye ku milyon û 369 endamên wê hene û yên IYI Partiyê 617 hezar in.

Erdoganî gotiye: “Dibe em li gorî şert û mercên demsalê, dîroka hilbijartina 2023yan hinekî bi pêş de bînin û nû bikin, herî baş hûn girîngiya vê hilbijartinê dizanin.”

Serdozgeriya Komarî ya Dadgeha Bilind ji Dadgeha Destûra Bingehîn re nivîsek şandibû û gotibû, “ji bo bikaranîna alîkariya xezîneyê ya di kar û barên ji derveyî yên partiyê de bên astengkirin, divê dest deynin li ser hesabên alîkariya xezîneyê yên HDPyê.” Dadgeê li gorî vê daxwazê biryareke demkî daye.

Di vê hejmarê de dosyeyek li ser “Teoriyên Derûnnasiyê” hatiye amadekirin.

Parlamenterê HDPyê yê Dêrsimê Alîcan Onluyî çend pirs arasteyî Parlamentoyê kiriye û li aqûbeta Gulistan Dokûyê pirsiye.

Li Seravê, navçeya Wanê du leşkerên bi girêbest bi tohmeta ku desdirêjî li jinekê koçber a Efxanî kirine hatine girtin.