Yekitiya Doktorên Almanyayê, Yekitiya Doktorên Berlîn, Hessen û Hambûrgê, Rêxistina Aştiyê ya Tibî, Komeleya Doktorên Demokratîk, sendîkaya doktor û xwendekarên tibê daxwaza serbest berdana Prof. Dr. Şebnem Korur-Fincanciyê kirine.

Weşanxaneya Nayê pirtûka Mizgîn Heskoyê, Weşanxaneya Nûbiharê jî ya Bamed Serdarî çap kiriye.

Endamê Komeleya Hiqûqnasan a ji bo Azadiyê (OHD) Parêzer Şemdîn Şahîn û endamên Baroya Amedê Semra Balyan û Mewlûd Çelîk, ji bianet kurdiyê re behsa kiryarên derhiqûqî yên polîs û leşkeran ên di demên serdegirtina malan de kirin.

Otobisa rêwiyan ya ji Wanê ber bi Agiriyê ve diçû, li navenda Dûtaxê ya navçeya Agiriyê, li bin guhê du barhilgirên silkbarkirî ketiye. Li gorî zanyariyan her du barhilgir berê li bin guhê hev ketibûn. Piştî ku otobis li bin guhê wan ketiye, agir pê ketiye.

Platforma Jinan a 25ê Çiriya Paşiyê li ser hesabê xwe yê medyaya civakî peyamek weşandiye û gotiye: “Hadê em saetên xwe ji bo demê eyar bikin, em jinekê jî nehêlin ku banga me negihiştibe wê.”

Rêxistinan erkên rêveberiyên herêmî careke din bibîr xistine û wan gotiye ku hewldanên dibin sedema dubendiyan asteng bikin.

Saziya Mafên Mirovan a Îranê aşkere kiriye ku di xwepêşandanên piştî mirina Mahsa Emîniyê de 304 kes mirine. Ji kesên ku mirine jê 41 temenê wan di bin 18 salî de ye.

Di encama bûyerê de 2 kes mirine û 20 kes jî birîndar bûne. Otobusa ku qeza kiriye penaber/koçber dibirin navenda şûnde şandinê.

Li Amedê, merasîma xelatdayîna Pêşbirka Helbestan a Arjen Ariyî hat lidarxistin. Bahadîn Akhan yek ji xelatgirê pêşbirkê ye ku bi dosyaya xwe ya bi navê “An jî gilî û gotinên li ser hatinê” beşdarê pêşbirkê bûbû. Her weha xelata rûmetê jî li ser navê Ragip Zarakoglû hat dayîn.

Ji destpêka şer heta niha, cara pêşiyêye elektrîk li herêma Hersonê qut bûye. Şaredarê Kîevê Klîçkoyî gotiye, ger êrîşên Rûsyayê ên li ser binesaziya sivîlan berdewam bike, dibe ku ew bajar bi temamî vala bikin.

Selahettîn Demîrtaş, Hevserokê berê yê HDPê gotiye, “Armanca vê dozê siyasî ye, dixwazin HDPê wek sûcdar nîşan bidin û wek siyasî îzole bikin. Bi vê dozê dixwazin ku AKP-MHP careke din di hilbijartinê de bi ser bikeve.”

Li salonên sînemayê vê hefteyê 3 jê xwemalî 7 fîlmên nû wê bên nîşandan.

Dadgeha Destûra Bingehîn sedema biryara xwe ya derbarê Cizîrê de aşkere kiriye ku gotibû “maf nehatine binpêkirin.” Dadgehê di biryara xwe de gotiye ku “Neçar bûn hêza kujer bikar bînin.”

Di doza rojnameger Beyza Kûralê de dozger nêrîna xwe aşkere kiriye û xwestiye her sê polîs were cezakirin.

Hunermendê Kurd Samîn Yassînî ku bi stranên xwe piştgirî dida çalakiyên li rojhilatê û Îranê, di 2ê Çiriya Pêşiyê de hatibû girtin. Dadgeha rejîma Îranê, cezayê darvekirinê li Yassînî biriye.

Xwendekarên dibistana navîn û amadehiyê yên temenê wan di navbera 12 û 18an de, dikarin serî li Bûrsa Perwerdeyê ya Îsmet Şerîf Wanliyî bidin.

Mêran di meha Çiriya Pêşiyê de tundkarî herî hindik li 70 jinan kiriye. Mêran, zarokên kur jî di nav de herî hindik îstismar li 18 zarokan kirine, herî hindik 13 jin tacîz kirine. Mêran bi darê zorê karê seksê herî hindik bi 14 jinan dane kirin.

Li bajarê Wezîrabadê li dijî konvoya Serokwezîrê berê yê Pakistanê Îmran Xan êrîşeke çekdarî pêk hatiye. Xanê ku di êrîşê de birîndar bûye birine nexweşxaneyê.

Ferît Şenyaşar di Nobeda Edaletê ya li ber Edliyeya Rihayê de axivîye û diyar kiriye ku ger di dosyaya cihê kar de biryara tehliyeyê ango beraetê dernekeve ewê biçin Meclîsê.

Li gorî raporî Meclîsa ISIGê di 20 salên ku AKP desthilat bûye de herî kêm 30 hezar û 224 karker di dema karî de mirine.