Li navçeya Cizîrê ya Şirnexê, tirimbêla zirxkirî ya polîsan li zarokekî daye û ew zarok miriye.

Li 16 gundên girêdayên navçeyên Lice û Hênê ya Amedê derketina derve hat qedekirin.

Di siet 08.50ê li Odeya Bazirganî û Pîşesaziyê ya Antalyayê teqînek çêbûye.

Walîtiya Bedlîsê daxuyand ku li gundên Oleka Jor û Oleka Jêr de operasyon leşkerî tê lidarxistin û li her du gundan derketina derve hatiye qedexekirin.

Wezîrê dadê da zanîn ku 476 zarok di girtîgehan de, digel dayika xwe dimînin.

Di encama hilbijartinên Baroya Stenbolê de namzetê “Koma Parêzerên Hemdem û Birêgez” Mehmet Durakoglu weke serok hat bijartin.

Artêşa Iraqê diyar kir ku îdiayên dibêjin Tirkiye beşdarî Operasyona Mûsilê bûye derew e.

Pêşmerge daxuyand ku wan derbarê bombekirina li Başikayê de ji Tirkiyeyê ti alîkarî nexwastiye. Îdiaya serokwezîr Yildirim ya “Pêşmerge ji bo operasyona Başikayê, ji me alîkarî xwest” ji hêla hukimeta Îraqê ve jî hatibû derewandin.

71 rojnamegerên gitî ji Medyaya ‘’Cimaetê’’ 29 ji wan jî ji Medyaya Kurdan in. 155 organên medyayê hatin girtin. 775 qertên rojnamegeriyê û 49 pesepot hatine betalkirin. 191 rojnameger têne dadkirin, dadgeh ji bo 2 hezar û 152 kesan daxwaza girtinê dike, ji bo kesekî daxwaza girtina hetahetayê tê kirin.

Mûrat Şahinê ku li ber dadgehê bi ser Can Dundar De gule reşandibû û piştre hatibû girtin, piştî 6 mehan serbest hat berdan. Can Dundar derbarê serbestberdana wî êrişkarê de got: “Ev jî bû: Dadê ji êrişa li ser çapemeniyê re destûr da.”

Rêxistinên mafan girtina nûnerê THIVê yê Cizîrê Dr. Serdar Kuni û binçavkirina Serokê IHDê ya Şaxa Colemêrgê Îsmaîl Akbulut şermezar kir û xwest ku ew serbest werin berdan.

Wezîrê Karên Derve yê Rûsyayê Sergey Lavrov ragihand ku ew ji ber êrîşên balafirên Artêşa Tirkiyeyê yên li bakurê Sûriyeyê pêk tînin, nîgeran in.