Li gorî rapora Komisyona Girtîgehan ya HDPê, li 17 girtîgehan 148 girtî di greva bêdem û bêdor de ne.

Rûsyayê aşkere kir ku ji bo li Sûriyê balafirên aliyan neyên li hemberî hev wan peymana ewlekariya firînê ya bi Amerîkayê re îmze kirine daye sekinandin.

Serokê Amerîkayê Donald Trumpî eşkere kir ku Artêşa Amerîkayê fûze li Sûriyeyê dane.

Ji bo referandûma 16ê Nîsanê serbestiya propagandayê dê di 9ê Nîsanê de destpê bike. Saetên dengdanê jî diyar bûn.

Dadweriya Ceza ya Sulhê li ser daxwaza Dozgeriya Amedê, derbarê lêpirsîna kuştina xwendekarî zanîngehê Kemal Kurkut de biryara veşarîtiyê stand ku Kurkut di dema ketina qada Newrozê de hatibû kuştin.

250 hunermendan bi daxuyaniyeke çapemeniyê aşkere kirin ku ew ê di referandûma guhertina destûra bingehên a 16ê Nîsanê de bibêjin “Na”.

Polîsan du nûçegihanên Şûjinê yên ji bo çêkirina nûçeyan çûbûn Tetwanê, desteser kirin.

Wezîrê Dadê Bekir Bozdag aşkere kir ku di encama otopsiya cenazeyên 3 kesên ji bajarê Idlibê yê Sûriyê anîbûn Edeneyê de derket holê ku çekên kimyewî hatiye bikaranîn.

Destûra kar a mamosteyê Zanîngeha Bilgiyê Chris Stephenson bêyî ti hincet bê nîşandan ji hêla YOKê ve hat betalkirin ku Stephenson di nava “Akademîsyenên Aştîxwaz de bû”.

Berkîn Elvan di dema Berxwedana Gezîyê de hat kuştin. Doza ji bo Berkîn Elvanî îro dest pê kir.

Heta niha li derveyî welêt 684 hezar û 954 kesan dengên xwe bikar anîne ku ev hejmar qasî ji çara yekê dengdêran e.

Li Kerkûkê alaya Kurdistanê hat bilindkirin. Li ser vê yekê serokkomarê Recep Tayyîp Erdoganî got: “Bedelê wê dê giran be, zûka wan alayan bînin xwarê” YNKyê bersiv da û got: “Em ê neînin xwarê.”

Li gorî daneyên Meclîsa Ewlekariya Kar û Tenduristiya Karker, di meha adarê de herî kêm 148 karker, di her 3 mehên pêşîn ên salê de jî herî kêm 441 karker mirin.

Yekîtîya Rojnamegerên Tirkiyeyê rojnamegerên salê hilbijartin.

Li 7 gund û taxên navçeya Genc a Çewligê û li gundek û 3 taxên navçeya Şemzînanê ya Colemêrgê qedexeya derketina derve hat ragihandin.

Piştî îdiayên ku li Idlibê çekên kimyewî hatine bikaranîn Rûsyayê daxuyaniyek weşand û got ku balafirên Sûriyeyê depoya çekên kimyewî bombebaran kirine. DYAyê jî berpirsiyariya mirinan xist stuyê Rûsya û Îranê. Di vê navberê de hejmara kesên mirin gihişte 72yan.

Mîhrîcana Fîlman a Stenbolê ya 36. duhî dest pê kir. Bariş Pîrhasanî got wî xelat ji bo rojnamegerên di girtîgehan de û hûnermendan standiye.

Rêziknameya Mafên Zarokan hat guhertin. Welatî dê bikarin bi şexsê xwe serî li lijneyê bidin.

Li bajarê Idlibê yê Sûriyê hat îdiakirin ku êrişeke gaza kimyewî pêk hat. Di encama êrîşê de 11 zarokên ku temenê wan ji 8ê biçûk jî di nav de 58 kesan jiyana xwe ji dest da.

Wezîra Saxlemiyê ya Rûsyayê, Veronika Skvortsovayê eşkere kir ku di êrîşa duhî li St. Petersbûrgê pêk hatî de, hejmara miriyan bûye 14.