Almanya ji ber ku di dema Naziyan de ceza xwaribûn wê bi awayekî fermî lêborînê ji hevzayendan bixwaze û tazmînatê bide wan. Tê texmînkirin ku ji 68 hezar û 300 kesên ku ji Xala 175an ceza xwarine 5 hezar kes dijîn.

Wezîrê Karê Derve yê Rûsyayê Lavrov diyar kir ku divê komên kurd beşdarî hevdîtinên Cenêvê bibin. Şanda muxalefetê jî gotin ku ew dixwazin dest bi gotûbêjên derbasbûnê yên siyasî yên rasterast bikin.

Êrîşkarekê li nêzîkî parlamentoya Ingilîzîstanê, êrîşkarekê bi tirimbêla xwe êrîşî welatiyan kir. Pênc kes mirin. Di nav wan kesên mirîn de polîsek û êrîşkar jî hene. 40 kes birîndar bûn.

Parlamentera HDPê Sibel Yigitalp rewşa Kurkut ê ku li Amedê di dema pîrozbahiyên Newrozê de ji hela polîsan ve hat kuştin li Parlamentoya Tirkiyê anî rojevê. Yigitalp pirsî û got, “Li gorî şahidan û dîmenên di çapemeniyê de hatine belavkirin dibû ku bêyî berdana guleyê bihata sekinandin.”

Polîsan li Amedê hevseroka berê ya DBPyê, Emîne Ayna desteser kir.

Li navçeya Çelê ya Colemêrgê êrîşek li baregeheka leşkeran hatiye kirin. Di êrîşê de leşkerek mir, sê leşker birîndar bûn.

Hevpeymana di bin serokatiya DYAyê de li Sûriyê, leşkerên Hêzên Sûriye yên Demokratîk (HSD) û yên amerîkî bi balafiran birin herêma Tebqa ya li nezî Reqqayê.

Serokomarê nû yê Almanyayê Frank Walter Steinmeier ji ber şibandina Naziyan bang li Erdogan kir û got, “Rojnameger Deniz Yucel berdin”.

Cihgirê serokwezîrî, Nûman Kûrtûlmûşî got: “Ti tiştên wek dayina mafê welatîbûnê ji bo penaberan nîne. Ew malzemeyên ji bo hilbijartinê ne.”

Sezgin Tanrikulu di girtîgehê de serdana Selahattin Demirtaş kir. Demirtaş û Tanrikulu derbarê referanduma li Tirkiyê de axivîn.

Xwendekarê beşa dadnasiyê, Alî Gûlî vîdeoyek li ser “Na çi ye?” çêkir û li ser hesabên medyaya civakî belav kir. Dadgehê ji ber vîdeoyê biryara girtina wî da.

Li Meydana Newrozê ya Amedê polîsan ciwanek kuşt. Walîtîyê diyar kir ku “guman hebû ew xwekujek be.”