Hevserokê Giştî yê HDPê Selahattin Demirtaş di peyama xwe ya ji girtîgehê şandî de got, “Xwedî bê erê em ê êvara referandûmê ne di ‘yek zilamî de’ di yek dilî de bigihêjin hev”.

Serfermandarê Sûriyê diyar kir ku hêzên hevpeymana navdewletî roja çarşemê li bajarê Dêra Zorê êrîş birin ser depoyeke çekên kimyewî û di encama êrîşê de bi sedan sivîl mirin.

Alîkarê Serokwezîr Veysi Kaynak got, “Bila di bin navê xebatên weqfan de xebatên xirakirinê yên yekîtiya netewî ya Tirkiyê neyên kirin. Em destûrê nedin xebatên misyoneriyê”.

Konferansa Dîroka Şanoya Kurdî dê îro siet: 17.30ê li Zanîngeha Bogazîçîyê bê pêkanîn.

Walîtîya Amedê ji siet 6.00ê sibeyê ve li 14 gundên Amedê derketina derve qedexe kir. Operasyon dê li herêmê bêne kirin.

Rûsyayê pêşnûmeya derbarê êrîşa kimyewî ya li Sûriyê veto kir ku di Konseya Ewlekariyê ya Neteweyên Yekgirtî hat dengdan.

Rêveberiya Girtîgeha Tîpa F a Wanê bi hinceta ku “Dibe di fîrarê de bê bikaranîn” jêbirka daktîloyê ku weke “daksîl” tê zanîn qedexe kir.

Taywan qetilkirina pisîk û kûçikan a ji bo xwarina mirovan qedexe dike. Kesên ku zilmê li ajalan bikin an jî wan bikujin dê bi cezayên girtîgehê û pareyan bên cezakirin.

Hemî bersûcên doza Oda TVyê, serbest hatin berdan. Dadgehê biryar da ku delîlên ji bo girtina wan kêm in.

UNICEFê aşkere kir ku her roja diçe hejmara zarokên ji hêla Boko Haramê weke xwekuj tên bikar anîn zêdetir dibe. Îsal di sê mehên pêşîn de 27 zarok ji bo êrîşên bombeyî hatin bikar anîn ku bêhtir keç bûn.

Walîtiya Amedê derbarê teqîna li avahiya Midûriyeta Emniyetê ya navçeya Baglarê de destnîşan kir ku tonek teqemenî di tunelê de hatiye bikaranîn.

Wezareta karên derve ya Rûsyayê da zanîn ku îro nûnerên Rûsya û Amerîkayê dê li ser hev herêma ji firînê re qedexe biaxivin.

Derbarê êrîşa li bajarê Idlibê ya Sûriyê ku tê îdiakirin bi çekên kimyewî pêk hatibû DYA, Îngiltere û Fransayê pêşnûmeyek pêşkêşî KENYyê kir ku daxwaza şermezarkirinê û lêpirsîna êrîşê tê kirin.

Di teqîna duhî li Amedê pêk hatî de, hejmara wan kesên mirîn bû sê. Wezîrê karên navxweyî Sûleyman Soylûyî diyar kir ku tûnel hatiye kolandin û teqemenî tê de hatiye teqandin.

Erkugrul Kurkçu bersiva gotinên Serokomar Erdogan ên derbarê Serokê CHPê Kiliçdaroglu de da û got, “Ji ber ku tanga em derkevin ser tune bû min berxwedana Hayati Yazici nedît”.

Cejna Cihûyan a bi navê Pesahê dest pê kir. Ev cejn pîrozkirina ji koletîya li Misrê ye.

Li gorî daxuyaniyên piştî Lûtkeya G7ê, li ser tunebûna Beşar Esad di dahatûya Sûriyê de hemû alî wek hev difikirin. Di lûtkeyê de ji bo mueyideyên nû yên li hemberî Rûsyayê biryar derneket.

Ji pêşiya referandûmê nûnerên partiyan dê ji bo propagandayê dest bi axiftina li TRTyê bikin. Nûnerê AKPyê dê 30, yên CHP, HDP û MHPyê dê 20 deqîqeyan biaxivin.

Ji bo piştgiriya girtiyên ku 56 roj in di greva birçîbûnê de ne li Amedê bi pêşekiya malbatên girtiyan greva birçîbûnê ya bidor hat destpêkirin.

Li gorî rapora Rêxistina Efûyê darvekirin herî zêde li Çînê pêk hatiye. Li Malezya û Vîetnamê hejmara kuştinan ji hejmarên fermî zêdetir in. Malezya û Filipîn jî dixwazin cezayê darvekirinê bi şûn de bînin. Darvekirin li Tirkiyê jî careke din bû mijara nîqaşê.