Pêkhateyên HDKê deklerasyona ‘Na’yê ya ji bo referandumê diyar kirin. Di deklerasyonê de wiha hat gotin: “Ji bo gelê me û welatê me, ji bo aştî, demokrasî û jiyaneke wekhev em dibêjin ‘Na’.”

Îdianameya derbarê Barnaros Şansal ku ji ber ‘gel tehrîkê kîn û dijminatiyê kiriye’ ve hatibû amadekirin, ji hêla dadgehê ve bi hinceta ‘Ti delîleke teqes û rast nayê xuyandin’ ve hat redkirin. Di îdianameyê de serokomarî jî weke muştekî cih digre.

Li navçeya Aladagê ya Edeneyê, warê xwendekaran şewitîbû, bi şewatê 12 kesên ku 11 ji wan zarok bûn miribûn. Ji ber şewata warê xwendekaran çar rayedarên hatibûn berdan hatin girtin.

NarPhotos ji bo wan kesên ku dikarin wêneyan bigirin dê atolyeya çîrokbêjîya bi wêneyan çêbike.

11 şîrketên dewletê yên bi navên THY, PTT, BOTAŞ, Ziraat Bank, Halkbankasi, Eti Maden, Çaykur, Turkiye Petrolleri, Borsa Istanbul, TURKSAT dewrê Fona Halxweşiyê hatin kirin.

Piştî derbarê Hevşaredarê Bismilê Eminoglu de biryara binçavkirinê hat dayîn, qaymeqamê navçeyê weke qayûm li şaredariyê hat tayînkirin.

Hevşaredarên Bazîdê Murat Rohat Ozbay û Delal Tekdemir jî tê 7 kes piştî binçavkirina bi rojan hatin girtin.

Parlementera berê û Berdevka Giştî yê KJAyê Ayla Akat Ata de doz hat vekirin û derbarê wê de heta 95 salan ceza tê xwestin.

Ji bo agirbesta li Sûriyeyê nûnerên Neteweyên Yekbûyî(NY), Rûsya, Îran û Tirkiye 2. car li Astanaya paytexta Qezakistanê civîyan.

Li Edene, Semsûr, Enqere, Antalya, Dîlok, Çewlig, Bursa, Çorum, Amed, Hatay, Stenbol, Izmîr, Kilîs, Kocaeli, Konya, Meletî, Manîsa, Mugla, Samsun, Rûha û Wanê li dijî DAIŞê operasyonek hatiye kirin.

Hevşaredarê Bajarê Mezin a Mêrdînê Ahmet Turk hat tehliyekirin.

Malbata Selahattîn Demirtaş wî li Girtîgeha Tîpa F ya Edirneyê ziyaret kirin û wêneyê li wir kişandin jî weşandin.