Parlamenterê Partiya Gelan a Demokratîk(HDP) yê Izmîrê, Ertûgrûl Kûrkçû li Meclîsa Parlamenteran a Konseya Ewropayê axivî. Kûrkçûyî got kapîtal û fînansê potansîyela hêza çarem kuştiye.”

Serfermandariya Artêşê aşkere kir ku li Sûriyê ji herêma Ezazê ya di bin kontrola PYDyê de ye, gule bera leşkerên Tirkiyê û yên Artêşa Azad dane ku di Operasyona Mertalê Firatê de xwedî wezîfe ne û wan jî li hemberî guleyan bi topên hawanê bersiv dane.

Li Dûzceyê hin xwenîşandaran zibil rijandin ber deriyê kampa ku beşdarên Meşa Edaletê dê bi şevê li wê derê bimana. Polîsan sê kes desteser kirin.

Serokê Partiya Komarê ya Gelî(CHP) Kemal Kiliçdaroglû 14 roj in ku ji Enqereyê dest bi meşa ber bi Stenbolê ve kiriye.

111 kesan ji bo Nûriye Gulmenê û Semîh Ozakçayî metna bangewaziyê belav kirin ku di nava wan de Ataoul Behramoglû, Ayşe Kûlîn, Ahmet Umît, Ferzan Ozpetek, Hayko Çepkîn, Latîfe Tekîn, Meltem Cûmbûl, Mûrathan Mûngan, Mujde Ar, Sila Gençoglû û Zuhal Olcay jî hene.

Li navçeya Qilaban a Şirnexê di êrîşa PKKyiyan de 3 leşker hatin kuştin.

Serokê Partiya Komarê ya Gelî(CHP) Kemal Kiliçdaroglû 13 roj in ku ji Enqereyê dest bi meşa ber bi Stenbolê ve kiriye.

8. Hefteya Rûmetê ya Transan îro destpê kir û hefte dê di 2yê Tîrmehê saet 17.00ê de, li Kolana Îstîklalê bi 8. Meşa Rûmetê ya Transan bidawî bibe.

Qetarê lîsteya ku ji 13 xalan pêk tê qebûl nekir ku welatên Erebî bi navbeynkariya Kûwêytê weke şertên rakirina ambargoyê pêşkêş kiribûn. Erdoganî piştgirî da Qetarê û xala girtina baregeha leşkerî ya Tirkiyê weke “bêhurmetî” nirxandibû.

Li navçeya Çelê ya Colemêrgê çawîşê pispor Mete Yahşiyî yê 28 salî, mir. Cenazeyê Yahşiyî piştî rêûresma li Colemêrgê şandin Samsûnê.

Polîs destûrê nadin kesên ala keskesor hildidin û parazvanên mafan bikevin Kolana Îstîklalê ku ji bo 15. Meşa Rûmetê ya Stenbol LGBTİ+ li Beyoglûyê kom bûne.

Îro cejna Misilmanan e, bila cejn li hemî Misilmanan pîroz be.

Hat diyarkirin ku êşên hestî û masûlk ên Gulmenê û Ozakçayî giran bûne ku 107 roj in di greva birçûbûnê de ne. Her wiha Esra Ozakçayê got ku dixwazin perwerdekeran di girtîgehê de bitenê bikin.

Piştî ku bi sedan leşkerên li Lîwaya Manîsayê ketin jehriyê, îro Serfermandarê Lîwayê, Şevkî Gûvenç ji karî hat avêtin.

Berdevka Wezareta Parastinê ya DYAyê, Heather Nauertê bersiva pirsa li ser girtina parlamenterê CHPyê Enîs Berberoglûyî da.

Erebistana Siûdiyê, Mîrnişînên Erebî yên Yekbûyî, Misrê û Behreynê şertên xwe yên ji bo rakirina ambargoyê pêşkêşî Qetarê kirin. Ji Qetarê tê xwestin ku hebûna leşkerî ya Tirkiyê li Qetarê bidawî bike, têkiliya xwe ya bi Îranê re bidawî bike û El Cezîreyê bigire.

Serokê Partiya Komarê ya Gelî(CHP) Kemal Kiliçdaroglû 9 roj in ku ji Enqereyê dest bi meşa ber bi Stenbolê ve kiriye. Kiliçdaroglûyî got CHP dê serî li Dadgeha Makeqanûnê bide.

Li gorî biryara ku Lijneya Wezîran di civîna xwe ya 5ê Hezîranê de standibû KHK ya hejmar 691ê hat weşandin.

UNICEFê raporek amade kir û eşkere kir ku li Iraqê 5 milyon zarok hewceyî alîkarîyê ne ku divê demildest bigihe wan.

Di doza esasî ya Ozgur Gundemê de careke din ji bo ti kesî biryara serbestiyê nehat dayin ku Asli Erdogan, Necmîye Alpay, Ragip Dûran, Fîlîz Koçalî, Înan Kizilkaya, Eren Keskîn, Bîlge Oykût, Zana Kaya û Kemal Sancili tên dadgehkirin. Dadgehê biryara qedexeya derketine ji derveyî welat a Asli Erdoganê û Necmiye Alpayê rakir.