Dadgeha Cezayên Giran a 6. a Enqereyê, diyar kir ku bersûcê kuştina Mûsa Anterî dema xwe ya girtîbûnê temam kiriye ji ber wê dadgehê biryara tehlîyekirina wî daye.

Serokê Giştî yê CHPyê Kiliçdaroglûyî di meşa xwe ya îro de çû serdana gora Gaffar Okanî ku di sala 2001ê de dema Midûrê Emniyeta Amedê bû hatibû kuştin.

Dadgeha Îstînafê ya Dîlokê 3 sal û mehek û 15 roj cezayê girtîgehê yê rojnameger Îsmaîl Eskînî pesend kir ku bi hinceta parvekirinên wî yên medyaya civakî dabûnê.

Save the Children û UNESCOyê eşkere kir, li Somaliyê komên Îslamîst rê girtine û alîkarî nagihe bi hezaran zarokan. Metirsî heye bi hezaran zarok ji ber kêmavî û kêmxwarinê bimirin.

Çavlirêye ku li Meclîsa Federal a Almanyayê sibê destûrdayîna zewacên hevzayendî were guftûgokirin û dengdayin.

113 roj in ku herdû dersdêrên bi navê Nûriye Gûlmen û Semîh Ozakça ji bo li karê xwe vegerin di greva birçîbûnê de ne û hatine girtin. Parêzeran serî li DMME da.

Wezîrê Karên Derve yê Almanyayê Gabrîelî aşkere kir ku Serokomar Erdogan dixwaze li Almanyayê bernameyê lidar bixe. Namzetê Serokwezîriyê yê SPDyê Schûlz got, “Ez naxwazim Erdoganê ku muxalifan û rojnamegeran dixe girtîgehê li Almanyayê bernameyê lidar bixe”.

Serokê Partiya Komarê ya Gelî(CHP) Kemal Kiliçdaroglû 15 roj in ku ji Enqereyê dest bi meşa ber bi Stenbolê ve kiriye.

Dadgeha Destûra Bingehînê serdana serbestiya Gulmenê û Ozakçayî bi gotina, “Girtina wan a di girtîgehê de li ser jiyan, hevgirtina madî û manewî ya wan xetereyê çênake” û bi yekdengiyê qebûl nekir.

Li Colemêrgê polîs û PKKyîyan şer kir. Polîsê Hêza Taybet ê bi navê Muhammet Ali Mevlûd Dûndar mir.

Serokê Partiya Komarê ya Gelî(CHP) Kemal Kiliçdaroglû 14 roj in ku ji Enqereyê dest bi meşa ber bi Stenbolê ve kiriye.

Hevserokê Giştî yê HDPyê Selahattîn Demîrtaşî ji girtîgehê ji bo Nûriye Gulmenê û Semîh Ozakçayî nameyek rê kir û diyar kir ku biryara destpêkirin û bidawîkirina greva birçîbûnê bi îradeya wan a azad ve girêdayî ye û rica kir ku greva birçîbûnê bidawî bikin.