Ji bo Nûriye Gulmenê û Semîh Ozakçayî yên ku 98 roj in di greva birçîbûnê de ne û girtî ne û ji bo Velî Saçilikê ku têkoşîna xwe li Kolana Yukselê didomîne kurtefilmek hat çêkirin.

Parlamenterê Êlihê Mehmet Alî Aslan li Balafirxaneya Êlihê hat desteserkirin ku wê biçûya Enqereyê.

Polîsan li Kadikoya Stenbolê operasyonek bi rê ve bir. Di operasyonê de kesek mir.

DMEEyê serlêdana rêveber, nivîskar û karîkaturîstên rojnameya Cûmhûriyetê nirşand û ji bo parastinê heta 2yê Cotmeha 2017ê dem da Tirkiyeyê.

Şaredarê ku wek qeyûm li Şaredariya Şaxê ya Wanê hatiye erkdarkirin, pira li ser çemê Şaxê da xerakirin.

Pervîn Bûldan Wekîla Serokê Parlamentoyê piştî hat desteserkirin û îfadeya wê hat standin, hat berdan.

Ji ber karê wê yê rojnamegeriyê û parvekirinên wê yên di medyaya civakî de Zehra Dogan bi sûcê “propagandaya ji bo terorê” hat girtin.

Li Behra Egeyê saet 15.28 deqîqeyan bi mezinahiya 6.3yê erdhejek pêk hat.

Walîtîya Colemêrgê 29ê Gulanê, 25 herêm wek “Herêmên Taybet” îlan kiribû. Walîtîyê îro eşkere kir ku dema îlanê heta 27ê Hezîranê hatiye dirêjkirin.

Nedîm Turfent nûçegîhanê DİHAyê ya ku bi KHKyê re hatibû girtin, di 13emîn meha xwe ya girtî de cara pêşî wê derkeve pêşberî dadwer. Înîsiyatîfa Rojnamegerên Azad beriya doz destpê bike daxuyaniyek belav kir û ji bo piştevaniyê bang li rojnamegeran kir.

Serbazekî rêya tirimbêla parlamenterê HDPyê yê Dêrsimê, Alîcan Onlûyî girt. Li ser vê yekê parlamenter û serbazî minaqeşe kir. Walîtîya Dêrsimê lêpirsîn li parlamenterî vekir.

UNICEFê ji bo zarok û sivîlên bixwazin ji bajêr derkevin bang li hemû aliyên li Reqqayê şer dikin kir. Rêxistinê daxwaz kir ku wan bişînin ciyên ewle, biparêzin û rêyên ewle ava bikin.

Ûgûr Kaymaz zarokek e ku di sala 2014ê de digel bavê wî hat kuştin. Şaredariya Qosarê peykerê wî yê li navçeyê hatî danîn rakir.

Partiya Macronî En Marche (Meş) li gorî encamên pêşîn, duh di hilbijartina parlamentoyê de li gorî partiyên din zêdetir deng stand û bi ser ket ku Macronî di 8ê Gulanê de di hilbijartina Serokomariyê de jî bi ser ketibû.

Rojnamegerê ji Fransayê Mathias Depardon mehek e ku li Dîlokê desteserkirî bû.Ew ê îşev bigihe Parîsê.

Serokê Giştî yê CHPyê Kemal Kiliçdaroglûyî serdana Hevseroka HDPyê Serpîl Kemalbayê kir û piştî hevdîtinê daxuyanî dan çapemeniyê. Di daxuyaniyan de li ser girîngiya diyaloga di navbera partiyan û demokrasiyê hat sekinandin.

Wezareta Karê Derve derbarê referandûma serxwebûnê ya Rêveberiya Herêmî ya Kurdistana Iraqê (RHKI) de got, “Gelekî aşkere ye ku ew referandûm wê dûrî nîşana îradeya gel be ku wê di nava şertên awarte de çêbibe û di ser de herêmên statuya wan binîqaş jî dinava xwe de dihewîne”.

Li Brîtanyayê di hilbijartina pêşwext a giştî de, ti partiyan zêdeyîya dengan nestandin.

Mêran di meha gulanê de 29 jin, 3 zarokên jin û 5 mêr kuştin; 4 mêr û zarokek jî birîndar kirin. Sedî 17 jin ji ber hevberdan/veqetînê yan jî ji ber redkirina zewacê hatin kuştin.

Şebnem Korûr Fîncanci, Erol Onderoglû û Ahmet Nesîn ji ber Nobedariya Weşana Ozgûr Gûndemê hatin dadkirin.