Walîtîya Şirnexê diyar kir ku leşkeran li dijî PKK(Partiya Karkerên Kurdistanê) operasyonek kiriye, di operasyonê de teqemeniyeka bi destan hatî çêkirin li leşkerekî teqiyaye û ew miriye.

8emîn daneşîna doza rojnameya Cûmhûriyetê li edliyeya Silivriyê berdewam dike ku parêzer Akin Atalay, Serokê Lijneya Îcrayê yê rojnameya Cûmhûriyetê û bikarhênerê medyaya civakî Ahmet Kemal Aydogdû yên girtî jî tê de 20 kes di dozê de tên dadgehkirin.

Ji mara duyem ya Kovara Derwazeyê ya zanistên civakî û mirovî li firoşgehan e.

Li navçeya Samsatê erd hejiyaye û di encamê de 39 kes bi sivikî birîndar bûne. Biryara betlaneyê ji bo dibistanan hatiye standin.

UNESCOyê biryar girt ku Xelata Guillermo Canoyî ya Azadiya Çapemeniyê ya Cîhanî bidin Mahmoud Abu Zeid (Shawkan) nûçegîhanê girtî yê Misrî.

Mîr Mîqdad Mîthed Bedirxanî di 22yê Nîsana 1898ê de li Qahîreya Misrê yekem jimara yekem rojnameya kurdî ya bi navê Kurdistanê çap kiriye. Duhî di salvegera 120ê ya yekem rojnameya kurdî de, weşanxaneya JJyê îlan kir ku wê hemî jimarên rojnameya Kurdistanê wek kitêbekê weşandiye.

Wezareta Navxweyî aşkere kir ku di hefteya derbasbûyî de ji ber parvekirinan, 710 hesabên medyaya civakî kontrol kirine û lêpirsîn li ser 208 hesaban kirine.

Parlamenter Sezgîn Tanrikûlûyî derbarê binpêkirina mafên jiyanê ya zarokan de raporek belav kir. Li gorî vê raporê, di hejmara mirina a di encama tundkarî û mirina di dema karî de kêm nebûye, hejmara mirinên di encama înfaza bêdadgehkirinê jî di navbera salên 2015 û 2016ê de gelekî zêde bûye.

Piştî ku 15 parlamenterên CHPyê derbasî İYİ Partiyê bûn, YSKyê partiyên ku wê karibin beşdarî hilbijartina pêşwext a 14ê Hezîranê ya 2018ê kir. Di lîsteyê de İYİ Partî jî di nav de 10 partî hene.

YSK(Lijneya Bilind ya Hilbijartinan) ji bo siet û rojên herdu tûrên hilbijartina serokkomar û wekîlan eşkere kir.

Pêşniyaznameya hilbijartinê ya AKP û MHPyê hat qebûlkirin ku tê xwestin hilbijartina serokomariyê û ya parlamenteriyê di 24ê Hezîranê ya sala 2018ê de çêbibe.

Serokwezîrê Binalî Yildirim diyar kir ku ji bo hilbijartina pêşwext hin qanûn dê bêne guhertin. Ji bo wê yekê ew ê teklîfa guhertina 8-10 qanûnan bide.