Ji ber Dadgeha Destûrê serîlêdana parêzerên wê qebûl nekiriye, dersdêr Ayşe wê bikeve girtîgehê. Dersdêr Ayşe di 8ê Kanûna Paşiyê ya 2016ê di dema weşana zindî de gotibû “Li vir zarokên ku hîna jidayik nebûne û dayik dimirin, bêdeng nemînin” bi tohmeta “propagandaya rêxistinê” kiriye ceza dabûnê.

Hevserokê Giştî yê berê yê HDPyê Demîrtaşî derbarê hilbijartina pêşwext de ji girtîgehê peyamek şandiye û gotiye: “Werin em dest bidin hev, em vê rikberiya tirsnak ji holê rakin. Em vê hilbijartinê bikin daweta demokrasî û biratiyê. Bawer bikin ku em dikarin bikin, bawer bikin û em bikin”.

Serokê Sûriyeyê Beşar Esadî gotiye “ez ê nîşana rûmetê ya dewleteka ku koleya Amerîkayêye li nik xwe nehêlim” û nîşan li Fransayê vegerandiye.

Di 7emîn roja desteserkirina edîtora ETHAyê Semîha Şahîn û nûçegihana heman saziyê Pinar Gayipê de, dadgehê biryara girtina wan derxist.

Sendîkaya Rojnamegeran a Tirkiyeyê çû serdana rojnamegera girtî, Zehra Doganê. Doganê ji sendîkayê re behsa şertên girtîgehê kir.

Bi hinceta ku ceza li wan hatiye birîn, parlamenteriya Osman Baydemîr û Selma Irmaka HDPyî hat betalkirin. Li gorî vê encamê heta niha parlamentiriya 11 parlamenterên HDPyê hatiye betalkirin.

Komîteya Pêşîlêgirtina li Îşkenceyê ya Konseya Ewropayê, di rapora xwe ya sala 2017yê de bal kişand ser bêhiqûqiyên li navendên desteserkirinê û girtîgehan û diyar kir ku rê li ber gilîkirina li hemberî kiryarên îşkenceyê bên vekirin.

Pêşangeha hunermendê şêwekar û peykersaz Seywan Saeedianî li Navenda Çand û Hunerê ya Zanîngeha Mîmar Sînanê vebû.

Li navçeya Yayladagiyê ya bajarê Hatayê leşkerekê li qereqola li ser sînorî kar dikir şeva dî birîndar bûye. Leşkerê birîndar îro miriye.

Piştî ku bi Serokê Giştî yê MHPyê Bahçeliyî re civiya Serokomar Erdoganî aşkere kir ku ew ê hilbijartina pêşwext 24ê Hezîranê çêbikin.

Doza derbarê Onderoglû, Korûn-Fîncanci û Nesînî de wê 10ê Çiriya Pêşiyê berdewam bike ku ji ber piştgirî dabûn rojnameya Ozgur Gundemê ya hatibû girtin doza “propagandaya rêxistinê” li ser wan hatibû vekirin.

Dema mirov bixwaze li ser tûndkariya hemzayendên xwe biaxive, gotin li gewriya mirovî asê dimînin. Ez dixwazim ji vê tespîtê dest bi nivîsîna gotara xwe bikim. “Tûndkariya mêran a li jin, hevzayend û li mêrên ji wan zeîftir. Ne bi tenê tûnkariya wan mêrên desthilatê dixwazin e. Herweha tûndkariya civakê bi xwe ye.”

Di 37emîn Mihricana Filman a Stenbolê de Xelata Laleya Zêrîn a Navnetewî dan filmê bi navê “Westernê”. Di pêşbirka qada netewî de jî Laleya Zêrîn filmê Vûslat Saraçoglûyê yê bi navê “Borç” wergirt.

Êzidî, Çarşema pêşiyê ya piştî 13ê Nîsanê wek cejna Çarşema Sor pîroz dikin. Cejna Çarşema Sor pîroz be.

MGK di bin serokatiya Erdoganî de kom bû û pêşniyara berdewamiya Rewşa Awarteyê kir.

Serokê Giştî yê CHPyê Kiliçdaroglûyî ji bo daxuyaniya Bahçelî, Serokê Giştî yê MHPyê ya derbarê hilbijartina pêşwext de got, "Em ê li bendeyî aktorê esasî bin". Hevseroka Giştî ya HDPyê Pervîn Bûldanê jî diyar kir ku "Bahçelîyî ew gotin ne bi serê xwe gotiye".

Adîl Demîrcî, nûçegîhanê ETHAyê piştî ku pênc rojan desteserkirî ma, ji hêla dadgehê ve hat girtin.

Nivîskarê rojnameya Independentê, Robert Fisk ji bo lêkolînê çûye navçeya Dumayê ya Sûriyeyê. Fiskî di nivîsa xwe de diyar kiriye ku bijîşkê li nexweşxaneya wê derê gotiye çekên kîmyayî nehatiye bikarînan.

Devlet Bahçelî Serokê Giştî yê MHPyê xwest ku hilbijartina pêşwext çêbibe û ji bo hilbijartinê jî 26ê Tebaxê nîşan da. Berdevkê Hikûmetê Bekîr Bozdagî li ser vê daxuyaniyê axivî û got ku “Wê lijneyên me vê mijarê binirxînin”. Serokomar Erdoganî wê derbarê mijarê de sibê bi Bahçelî re bicive.

Walîtîya Enqereyê hemî kiriyar û çalakiyên LGBTyê(lezbîyen, gey, transeksûel, bîseksûel) qedexe kiribû. Kaos GLyê serî li Dadgeha Bilind daye.